Breaking News

သူတောင်းစား အထင် နဲ့ ဗိုလ်ချုပ်ကို ထမင်းကျွေးခဲ့တဲ့ အဘိုး ဦးငွေရ နှင့် တွေ့ဆုံခြင်း


Loading...
----------------------------



ဗိုလ်ချုပ်မွေးနေ့ အတွက် အမှတ်တရ..





အချိန်ကာလ သည် ဂျပန်တော်လှန်ရေးမတိုင်ခင်ဖြစ်သည်။(ဟင်္သာတမြို့နယ်၊ယုံသလင်း ကျေးရွာအုပ်စု၊
 အင်းကြီးကျေးရွာ) မနက်စောစော (နံနက် ၅ နာရီကျာ်) ဝေလီဝေလင်းအဖိုး ဦးငွေရ သည် မိမိ မိခင်ကြီး အား ရည်စူး၍ လှူဒါန်းမည့် အလှူတွင် ပင့်ဖိတ်ထား သည့် သံဃာတော်များ အား စောင့် ဆိုင်းနေစဉ် အသက် ၂၀ ကျော် လူငယ်နှစ်ဦး ရောက်ရှိ လာကာ ထမင်း မစားရသည်မှာ ၂ ရက်ကျော်နေ သည့် အတွက် ဗိုက်ဆာ နေကြောင်း ၊ ထမင်းကျန် ၊ဟင်းကျန် အနည်း ငယ်ကျွေးရန် လာရောက်တောင်းစားခဲ့သည်။ ထိုလူငယ်တို့သည် တိုင်းပြည်၏ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း ဖြစ်နေသည်ကိုပင် အဖိုးဦးငွေရ ကိုယ်တိုင်ပင် မသိခဲ့ပေ။ ယခု အဖိုးငွေရ သည် မိမိ ပြုမှုခဲ့သည့် အပြုအမှုအား သားသမီး မြေးမြစ်များအား စကားစမြည် ပြောဖြစ်သည့်အခါတိုင်း ဂုဏ်ယူဝင့်ကြွာစွာ ပြောလေ့ရှိပြီး၊လက်ရှိတွင် အဖိုးငွေရသည် ဟင်္သာတ မြို့နယ် ၊ ဘုရားကြီး ရပ်ကွက်၊ ဘုရားကြီး(၂) လမ်းတွင် သားသမီးများ နှင့် တရားဘာဝနာ ပွားများကာ ကျန်းကျန်းမာမာ နေထိုင်လျှက်ရှိကြောင်းသိရသည်။

မေး။ ။အဖိုး ဗိုလ်ချုပ် နဲ့ စတွေ့ခဲ့တဲ့ ဖြစ်ရပ်လေးကို ပြောပြပေးပါဦး။

ဖြေ။ ။တန်ခူးလလောက်မှာ ဂျပန်ကို တော်လှန်ခါနီး ၇ လလောက်အလိုမှာ အမေကြီးက ဆုံးသွားတယ်။ ဂျပန်ခေတ်ဆိုတော့ ဆွမ်းမသွတ် လိုက်ရဘူး။အဲ့ဒါနဲ့ သီးတင်းကျွတ်လပြည့်နေ့ အမေကြီးအတွက်
 ကောင်းမှုကုသိုလ်တွေ လုပ်ပေးမယ်ဆိုပြီးတော့ အဘတို့ ရှားခဲ မှာ ဘုန်ကြီးကျောင်း သုံးကျောင်းရှိတယ် အဲ့ဒီ သုံးကျောင်းစလုံးက သံဃာတော်တွေကို လိုက်ပင့်ပြီးတော့ မိခင်ကြီးကို ရည်စူးပြီး အာရုံဆွမ်း လောင်းမယ်ပေ့ါ။အဲ့ဒါနဲ့ ဆွမ်းတွေ ဘာတွေ ချက်နေတဲ့ နေရာက အဘတို့ အိမ်နဲ့ အလံ ၅၀ လောက်ကွာတယ်။ သီတင်းကျွတ် လပြည့်နေ့ မနက် ၅ နာရီလောက် ပြင်ဆင်ပြီးတော့ တာဘေးမှာ ထွက်ပြီး ဆွမ်းလောင်းဖို့ ပြင်နေတုန်း ပဲ။ ကျုံပျော် ဘက်ကနေ လူနှစ်ယောက် လျှောက်လာတယ်။ အဘကလည်း ဆွမ်းလောင်းဖို့ တာဘေးက တန်းလျားလေးမှာ ထိုင်နေတာ။ ဆွမ်းလောင်းဖို့အတွက်က ၀က်သားဟင်း ချက်တယ်။ ငါးကြင်း ချက်တယ်။ ပြီးတော့ ရှားခဲ မျှင်ငါးပိတွေချက်တယ်။ အဲ့ဒါတွေကို ဟင်းအိုးထဲကနေတဆင့် ဆွမ်းလောင်းဖို့အတွက် ဒယ်အိုးထဲလှယ်ပြီး တာဘေးမှာ ထားတယ်။ ဟင်းအိုးထဲက ကျန်တဲ့အနှစ်တွေ နဲ့ ထမင်းဂျိုးတွေကို နယ်ပြီး လင်ဗန်းထဲမှာ အဘစားဖို့ အဒေါ်ကြီးက ထားခဲ့တာပေ့ါ။အဲ့ဒါနဲ့ အဘလည်း ဆွမ်းလောင်းဖို့ ရေနွေလေး သောက်ပြီးစောင့်နေတုန်း စောစောက လျှောက်လာတဲ့ လူနှစ်ယောက်က လာပြောတယ်။ မနေ့ကတည်းက ထမင်းမစားရသေးလို့၊ အဲ့ဒါ ထမင်းကျန် ဟင်းကျန် လေးတွေရှိရင် နည်းနည်းကျွေးပါလို့ ပြောတယ်။ အဘကလည်း ငါ သံဃာတော်တွေကို အာရုံဆွမ်းလောင်းဖို့လုပ်နေတုန်း စောစောစီးစီး ဘယ်ကသူတောင်းစားတွေက ထမင်းလာတောင်းစားတာလဲပေ့ါ။ အဲ့ဒီလို အဘပြောတဲ့အချိန်မှာ နောက်က တစ်ယောက်က ကျွန်တော်တို့ သူတောင်းစားတွေ မဟုတ်ပါဘူး။ ကျွန်တော်တို့ ခရီးသွားတွေပါလို့ပြောတယ်။ ရှေ့ လူကတော့မပြောဘူး။အဘလည်း ကိုယ်ချင်းစာသွားပြီး စောစောက အဘ စားမယ့် လင်ဗန်းထဲက ဟင်းအနှစ်နဲ့နယ်ထားတဲ့ ထမင်းဂျိုးတွေ ကို ချကျွေးလိုက်တယ်။ကဲ ကဲငါစားမယ့် ဟာတော့ရှိတယ်ကွာ ကျန်တာက ဆွမ်းလောင်းဖို့ ။ဒီမှာ ခုံတန်းလျား မှာ လာစားကြဆိုပြီး ကျွေးလိုက်တယ်။

မေး။ ။ ကိုယ်စားမဲ့ ထမင်းကို ဘယ်လိုစိတ်ကူးမျိုးနဲ့ ဗိုလ်ချုပ်အောင်ဆန်းကို ကျွေးခဲ့တာလဲ။

ဖြေ။ ။ ဘယ်လိုစိတ်ကူးမျိုးနဲ့ ချကျွေးတာလဲဆိုတော့ သူတို့က ပြောတယ်လေ။ ထမင်းမစားရတာ ၂ နှစ်ရက်တောင်ရှိပြီလို့။ အဘလည်း ထမင်း၆ ရက်တောင် ငတ်ခဲ့ဖူးတယ်။ သေမင်းတမန်ရထားလမ်းဆိုတာ ကြားဖူးလား။ အဲ့ဒီရထားလမ်းဆောက်ဖို့ ဗမာတွေကို ချွေးတပ်အဖြစ် ပေါ်တာဆွဲတော့ အဘ တို့ပါသွားတယ်လေ။ အဲ့ဒီက ရခိုင်လူမျိုးကြီး နှစ်ယောက်ကို ဂျပန်ငွေ ၈ ရာပေးပြီး အကူအညီတောင်းပြီး ထွက်ပြေးတုန်းက ထမင်း ၆ ရက်တောင် ငတ်ခဲ့တာ ဆိုတော့ ကိုယ်ချင်းစာပြီး ကျွေးလိုက်တာ။ အဘ စားဖို့တောင် မကျန်ဘူး။

မေး။ ။ ဗိုလ်ချုပ်တို့က အဖိုးဆီက ထမင်းတစ်မျိုးပဲ တောင်းစားခဲ့တာလား။တစ်ခြား ဘာအကူအညီ တောင်းခဲ့သေးလဲ။

ဖြေ။ ။အဘစားမယ့် လင်ဗန်း ထဲက ၀က်သားဟင်း အနှစ် နဲ့ နယ်ထားတဲ့ ထမင်းဂျိုးတွေ နဲ့ ငါးကြင်းသားဟင်းလည်း ပါပါတယ်။အဲ့ဒါကို နှစ်ယောက်သား စားကြတာဗျာ။ ခေါင်းတောင်မဖော်ဘူး။ ခမောက်တွေလည်း မချွတ်ဘူး။တော်တော်ဆာနေပုံရတယ်။ ခဏလေးနဲ့ ထမင်းစားပြီးသွားတယ်။ ထမင်းတောင်းစားပြီးတော့ လက်ဆေးဖို့ ရေမရှိတော့ ရေနွေးနဲ့ လက်ဆေးတယ်။ လက်သုတ်မရှိလို့ အစ်မကြီး ခေါင်းခု လုပ်တဲ့ ပုဆိုးကိုသူတို့ကို ပေးလိုက်တယ်။ ပြီးတော့ သူတို့ ရေနွေး တစ်ယောက်တစ်ခွက်သောက်တယ်။ ပြီးတော့ ဘာအကူအညီတောင်းလဲဆိုတော့ ဇလွန်ကိုသွားတဲ့ လမ်းကို အဘ ကိုမေးတယ်။ အဘက ဟင်္သာတ သွားမှာ မဟုတ်ဘူးလာလို့ မေးတော့ မသွားဘူးတဲ့ ။ ဇလွန်သွားမှာတဲ့ ။ ဟင်္သာတ ဘယ်သွားမလဲ။ ဂျပန် နီပွန်တပ်ကြီးက တပ်စွဲထားတယ်လေ။ အဘက ဒီမှာ ဘုန်းကြီးတွေကို ဆွမ်းလည်း မလောင်းရသေးတော့ လိုက်မပြနိုင်ဘူး။ ဒါပေမဲ့ လမ်းညွန်ပေးလိုက်တယ်။ မင်းတို့ ဒီလမ်းအတိုင်း မိနစ် ၂၀ လောက် လျှောက်ရင် ရှားခဲ ကို ရောက်မယ်။ ရှားခဲ ဈေးထိပ်မှာ တံတားရှိတယ်။အဲ့ဒီ တံတားဟိုဘက်မှာ အိမ်ခြောက်အိမ်ကျော်ပြီးရင် ဘယ်ဘက်ကို သွားတဲ့လမ်းရှိတယ်။ လှည်းကြိုးကောက် ဘက်ကနေ ဇလွန် မြို့ကို ဖြတ်တက်တဲ့လမ်း၊ အဲ့ဒီလမ်းကနေ သွားရင် ဇလွန်ရောက်တယ်လို့ လမ်းညွန်လိုက်တယ်။ အဘက ဆွမ်းမလောင်ရသေးတော့ လမ်းပဲညွန်လိုက်တယ်။ ဗိုလ်ချုပ်မှန်းလည်းမသိဘူးလေ။
မေး။ ။အဲ့ဒီတုန်း က ဗိုလ်ချုပ်တို့ ၀တ်ခဲ့လာတဲ့ အ၀တ်အစားပုံစံ နဲ့ ပြောပုံဆိုပုံလေးတွေ ကို မှတ်မိသေးလား အဖိုး။ မှတ်မိသေးရင် ပြောပြပေးပါ။
ဖြေ။ ။နှစ်ယောက်စလုံးက ပင်နီအကျီ င်္ နွမ်းနွမ်းလေးတွေနဲ့ ပြီးတော့ ခမောက်တွေ ဆောင်းထားတယ်။နှစ်ယောက်စလုံးမှာ လွယ်အိတ်တွေပါတယ်။ပုဆိုးတွေကလည်း ခပ်နွမ်းနွမ်းလေးတွေပဲ။ လုံးဝ တော်လှန်ရေးသမားတွေလို့မထင်ရဘူး။ ဗိုလ်ချုပ်မှန်း ဆိုတာ ရုပ်လုံးဝမပေါ်ဖူးလေ။
မေး။ ။ဗိုလ်ချုပ်ကို အပြင်မှာ အရင်ကရော အဖိုး မြင်ဖူးလား။
ဖြေ။ ။တော်လှန်ရေးကိစ္စတွေနဲ့ ဟင်္သာတ ကနေ ကျုံပျော်ကို တစ်ခေါက်လာဖူးတယ်။ စစ်ဝတ်စစ်စားနဲ့ ကိုယ်ရံတော် ဗိုလ်မှူးတွေ နဲ့ ကားသုံးစီးနဲ့ ကျုံပျော်ကို သွားမလို့ထင်တယ်။ အဲ့ဒီတုန်းက စစ်ဝတ်စစ်စားနဲ့ဆိုတော့ ဗိုလ်ချုပ်ကို သိတယ်လေ။
မေး။ ။အဖိုး က ထမင်းကျွေးလိုက်ပြီးတော့ ဘယ်အချိန်လောက်မှာမှ အဖိုးကျွေးလိုက်တဲ့ လူက ဗိုလ်ချုပ်အောင်ဆန်းမှန်းသိတာလဲ။
ဖြေ။ ။ဒီလို နဲ့ လေး၊ငါးလ လောက်ကြာတော့ ဗိုလ်ချုပ်အောင်ဆန်းက ရွှေတိဂုံဘုရား မှာ မိန့်ခွန်းပြောတော့ အဲ့ဒီကိစ္စပါတယ်။ အဲ့ဒါကို ရှားခဲ ရွာက လူတွေ အဖိုးကိုလာပြောတယ်။အဲ့ဒီတော့မှ ငါသူတောင်းစားလို့ထင်ပြီး ထမင်းကျွေးလိုက်တာ ဗိုလ်ချုပ်အောင်ဆန်းမှန်းသိတာ။
မေး။ ။အဖိုးစားမယ့် ထမင်းကို ကျွေးလိုက်တာ ဗိုလ်ချုပ် အောင်ဆန်းမှန်း သိလိုက်တဲ့အချိန်မှာ အဖိုး ဘယ်လိုခံစားရလဲ။
ဖြေ။ ။ခံစားရတာတော့ မပြောနဲ့ စိတ်မကောင်းဘူးပေ့ါ။ ဗိုလ်ချုပ်အောင်ဆန်း မှန်းသိရင် ဆွမ်းလောင်းမယ့် ဟင်းတွေ ထမင်းတွေထဲက တစ်ဝက်ကို အိမ်ခေါ်ပြီး ကျွေးမှာ။ ဒီလိုလည်းမသိဘူးလေ။ အော် ငါ ဗိုလ်ချုပ်မှန်းမသိဘဲ ပြောလိုက်မိပါလား။ ငါသူတောင်းစားလေးတွေလို့ ပြောလိုက်တာ ဗိုလ်ချုပ်မှန်းသိတော့ တကယ်စိတ်မကောင်းဖြစ်မိတယ်။ဒါပေမဲ့ ဗိုလ်ချုပ်မှန်းမသိပေမယ့် တကယ်သနားပြီး ကျွေးခဲ့တာပါ။ ဗိုလ်ချုပ်မှန်းသိရင်တော့လား အဘစောစောကပြောသလိုပဲ။
မေး။ ။အခုလိုမျိုး ပြည်သူတွေ ချစ်မြတ်နိုးရတဲ့ ဗိုလ်ချုပ်အောင်ဆန်မေး။ ။ ဗိုလ်ချုပ်က မိန့်ခွန်းထဲမှာ အဖိုး ဆီက ထမင်းတောင်းစားခဲ့တာနဲ့ပတ်သတ်ပြီး ဘယ်လိုပြောခဲ့လဲ အဖိုး။
ဖြေ။ ။တော်လှန်ရေးကိစ္စ နဲ့ ကျုံပျော်ကနေပြီးတော့ ဟင်္သာတ ဘက်ကို သွားတော့ ရှားခဲ အရောက်မှာ ဆွမ်းလောင်းတာတွေ့တော့ ကျွန်တော်တို့နှစ်ယောက်စလုံးက ထမင်းမစားရသေးတာ ၂ ရက်တောင် ရှိတော့ ထမင်းကျန် ဟင်းကျန်လေးတွေ ရှိရင် ကျွေးပါဆိုပြီး ထမင်းဝင် တောင်းစားတော့ အဲ့ဒီ လူငယ်တစ်ယောက်က သူတောင်းစားလေးတွေ စောစောစီးစီး ထမင်းလာတောင်းစားရသလားလို့ ပြောလွှတ်ပါတယ်။ ပြောပေမဲ့ ထမင်းကျွေးပါတယ်။အရမ်းဆာနေတဲ့အချိန်မှာ ထမင်းစားရတဲ့အတွက် အဲ့ဒီလူငယ်ကို အရမ်းကျေးဇူးတင်ပါတယ်လို့ ဗိုလ်ချုပ်ရဲ့ မိန့်ခွန်းထဲမှာ ပါလာပါတယ်။

မေး။ ။နောက်ပိုင်း အဖိုး ဗိုလ်ချုပ်အောင်ဆန်းကို သွားတွေ့ဖို့ ကြိုးစားခဲ့သေးလား။

ဖြေ။ ။သွားမတွေ့ရဲပါဘူးကွယ်။သူက တိုင်းပြည်အတွက် နေ့မအား ၊ညမအား အလုပ်လုပ်နေတဲ့ ခေါင်းဆောင်ကြီးတစ်ဦးလေ။အဘ က ဗိုလ်ချုပ်ကို တော်တော်လေးစားတာပါ။

မေး။ ။ ဗိုလ်ချုပ်တို့ လုပ်ကြံခံရတဲ့ သတင်းကြားတဲ့အခါမှာ အဖိုး ဘယ်လိုခံစားရလဲ။
ဖြေ။ ။အတိုင်းထက်အလွန် ရင်ထဲမှာ စိတ်မကောင်းဖြစ်မိတယ်။ မျက်ရည်တော့ မကျပါဘူး။တိုင်းပြည် လွတ်လပ်ရေး ရခါနီးမှ အခုလို ဗိုလ်ချုပ် လုပ်ကြံခံရတာ ။အသည်းထဲထိ နာကျင်ခံစားခဲ့ရတယ်။

မေး။ ။အခုလိုမျိုး ပြည်သူတွေ ချစ်မြတ်နိုးရတဲ့ ဗိုလ်ချုပ်အောင်ဆန်းကို ထမင်းကျွေးခွင့်ရလိုက်တဲ့အတွက် အဖိုး ရဲ့ ၀မ်းသာပီတိ ဖြစ်ပုံလေးကိုပြောပြပေးပါဦး။

ဖြေ။ ။ဝမ်းသာ တာ မပြောနဲ့တော့ ကောင်လေးရေ။ မိသားစု စကားစမြည်ပြောတိုင်း ဗိုလ်ချုပ်ကို ထမင်းကျွေးခဲ့ရတဲ့ အကြောင်းလေးကိုပြန်ပြောပြဖြစ်တယ်။ ပြီးတော့ ပီတီဖြစ်မိတယ်။
မေး။ ။အခု ကျရောက်မဲ့ ဗိုလ်ချုပ်အောင်ဆန်း ရဲ့ နှစ် ၁၀၂ နှစ် မွေးနေ့အတွက် စကားလက်ဆောင်ပြောပေးပါဦး။
ဖြေ။ ။ဗိုလ်ချုပ်က ကမ္ဘာမပျက်မခြင်း ရှိနေဦးမယ်။ အာဇာနည် တစ်ဦးပါပဲ။ အဘ တို့ ပြည်သူတွေရဲ့ ရင်ထဲမှာ ထာဝရ ရှင်သန်နေတဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းကို အမြဲ ရိုသေ လေးစားနေပါတယ်ကွယ်။
မေး။ ။ အဖိုး အခုလိုဖြေကြားပေးတဲ့အတွက် ကျေးဇူးအများကြီးတင်ပါတယ်။ ဗိုလ်ချုပ်ကို ထမင်းကျွေးခွင့်ရလိုက်တဲ့အတွက် အဖိုး ရဲ့ ၀မ်းသာပီတိ ဖြစ်ပုံလေးကိုပြောပြပေးပါဦး။
ဖြေ။ ။ဝမ်းသာ တာ မပြောနဲ့တော့ ကောင်လေးရေ။ မိသားစု စကားစမြည်ပြောတိုင်း ဗိုလ်ချုပ်ကို ထမင်းကျွေးခဲ့ရတဲ့ အကြောင်းလေးကိုပြန်ပြောပြဖြစ်တယ်။ ပြီးတော့ ပီတီဖြစ်မိတယ်။

ကျေးဇူးအများကြီးတင်ပါတယ်အဘိုး။

-----------

ဒီအင်တာဗျူးအတွက် အခက်ခဲတွေအများကြီး ကျော်ဖြတ်ခဲ့ရပါတယ်။ ဝိုင်းဝန်ကူညီပေးခဲ့တဲ့ ဟင်္သာတ မြို့သူမြို့သား အားလုံးကို ကျေးဇူအထူးတင်ရှိပါတယ်။

 တောသားလေးရဲ့ စာပေရွာ မှ ကူးယူဖော်ပြသည်။

ဖိုးသူတော် (www.phothutaw.com)
Credit:မင်းရသ
Loading...