Breaking News


စိုင္လွ်ား သို႔မဟုတ္ ေသနတ္သမား ၾကည္လင္း၏ ရြာ


Loading...

ရန္ကုန္အျပည္ျပည္ဆိုင္ရာေလဆိပ္၌ ေသနတ္သံတစ္ခ်က္ ျမည္ဟိန္းထြက္လာၿပီးေနာက္ ႐ုတ္ခ်ည္းဆိုသလိုပင္ လူမသိ၊ သူမသိ သာမန္အညာရြာေလး တစ္ရြာက ျမန္မာႏိုင္ငံသားတို႔ကို ဆြဲေဆာင္လိုက္ၿပီ။

စိုင္လွ်ားေက်းရြာ။ စစ္ကိုင္းတိုင္းေဒသႀကီး ယင္းမာပင္ခ႐ိုင္၊ ယင္းမာပင္ ၿမိဳ႕နယ္ထဲတြင္ ရွိၿပီး မုံရြာမွ အေလာင္းေတာ္ ကႆဖသို႔ သြားရာ ဖုံထူထူလမ္းမွတစ္ဆင့္ ႏွစ္နာရီနီးပါး သြားရသည္။ လက္ရွိ အာဏာရ အမ်ဳိးသားဒီမိုကေရစီအဖြဲ႔ခ်ဳပ္ (NLD) ပါတီ၏ ဗဟိုဥပေဒအႀကံေပး  တရားလႊတ္ေတာ္ေရွ႕ေန ဦးကိုနီကို လုပ္ႀကံသည့္ ေသနတ္သမားသည္ ဤရြာဇာတိ ျဖစ္ေၾကာင္း စစ္ေဆးေပၚေပါက္ခဲ့သည္။

ဘာသာျခားတစ္ဦး ျဖစ္သည့္အျပင္ ဥပေဒပညာရွင္လည္းျဖစ္၊ ႏိုင္ငံေရးသမားလည္း ျဖစ္သူကို မည္သည့္အတြက္ေၾကာင့္ လူစည္ကားရာ ရန္ကုန္အျပည္ျပည္ဆိုင္ရာေလဆိပ္တြင္ ရက္စက္စြာ ပစ္ခတ္လုပ္ႀကံခဲ့သနည္း ဆိုသည့္ ေမးခြန္းမ်ားႏွင့္အတူ ေသနတ္သမားသည္ မည္သူနည္း၊ သူ ဘယ္ကလာသနည္း ဆိုသည့္ သိလိုမႈမ်ားကလည္း မေရွးမေႏွာင္း ထြက္ေပၚလာသည္။ စစ္ေဆးခ်က္အရ မွတ္ပုံတင္ထဲမွ သူ႔နာမည္သည္ ၾကည္လင္း (၅၃ ႏွစ္)။

စိုင္လွ်ားတြင္ ေသနတ္သမားကို ေမြးၿပီး ယင္းရြာတြင္ သူ႔မိသားစု ရွိသည္။

ေလးေပ၊ ႏွစ္ေပခန္႔ရွိ ႀကိဳဆိုပါ၏ ဗီႏိုင္းဆိုင္းဘုတ္က ေလဒဏ္၊ ေနဒဏ္ေၾကာင့္ ၿပဲစုတ္ေနၿပီး စာလုံးမ်ားက တစ္စစီကြဲ၍ ေနသည္။ ရြာအဝင္ တမာပင္ကမူ ေနအပူဒဏ္ကို ႀကံ့ႀကံ့ခံလ်က္။

ဧည့္စိမ္းေတြလာၿပီ ဆိုကတည္းက ဘာအတြက္လာမွန္း ရြာခံတို႔က သေဘာေပါက္ၿပီးပါၿပီ။ ရြာ၏ ေကာင္းသတင္းေၾကာင့္ ေကာင္းေသာလာျခင္း မဟုတ္ဘဲ အမည္းစက္တစ္ခုကို ထင္ရွားေစရန္ လာေရာက္ျခင္း ျဖစ္ေၾကာင္း နားလည္ထားၿပီး ျဖစ္သည္။

“တစ္အိမ္လုံးဟာ လူ႐ိုးလူအေတြပဲ” ဟု ဦးၾကည္လင္း မိသားစုႏွင့္ ပတ္သက္၍ အသက္ေလးဆယ္အရြယ္ ရြာခံအမ်ဳိးသားတစ္ဦးက ေျပာျပသည္။

သို႔ေသာ္ ၾကည္လင္းဆိုသည့္ အမည္ျဖင့္ သူ႔ကို သိၾကသည္ မဟုတ္။ တစ္ရြာလုံးက သိထားသည္မွာ ဖိုးတူးျဖစ္သည္။ ကနဦးတြင္ တရားခံသည္ ၾကည္လင္းျဖစ္ေၾကာင္း သတင္းပ်ံ႕ခဲ့ရာ စိုင္လွ်ားေက်းရြာတြင္ ၾကည္လင္းအမည္ျဖင့္ လက္သမားဆရာတစ္ဦး ရွိသည္။ စိုင္လွ်ားေက်းရြာ၏ အနီးနား ေက်းရြာမ်ားက အဆိုပါ လက္သမားဆရာ ဦးၾကည္လင္းဟု ထင္မွတ္ၾကေသးသည္။ သို႔ေသာ္ ယင္းၾကည္လင္းသည္ လြန္ခဲ့သည့္ ၂ ႏွစ္ခန္႔က ကြယ္လြန္ၿပီးၿပီ ျဖစ္သည္။

ဦးဖိုးတူးသည္ ငယ္စဥ္ အသက္  ၁၉ ႏွစ္၊ ၂၀ ကတည္းက ရြာမွထြက္သြားသူ ျဖစ္ၿပီး လြန္ခဲ့သည့္ သုံးႏွစ္ေလာက္ကမွ  ရြာသို႔ တစ္ေခါက္ျပန္ေရာက္လာသည္။ သူ ဘယ္မွာေနသည္၊ ဘာေတြလုပ္ကိုင္သည္ကို မည္သူမွ ဂဃနဏမသိ။ ဘုရားခိုးမႈျဖင့္ ေထာင္က်ေနခဲ့သည္ဟု သဲ့သဲ့ၾကားရသည္။ ၂၀၁၄ ခုႏွစ္၊ ေထာင္မွလြတ္ ခ်ိန္တြင္ ရြာကို တစ္ေခါက္ျပန္ေရာက္လာသည္၊ ရက္ပိုင္းပဲေနၿပီး ျပန္ေပ်ာက္သြားသည္။ ႏွစ္ေပါင္း ၃၀ ဆယ္ေက်ာ္တြင္း ရြာတြင္ ႏွစ္လသုံးလခန္႔ ဆက္တိုက္ေနဖူးသည္က အၾကာဆုံး ျဖစ္သည္။

႐ြာ၏ အသက္ေလးဆယ္တန္းေအာက္ လူမ်ားက ဦးဖိုးတူးကို ေသခ်ာမသိၾကသလို ေကာင္းစြာပင္ မျမင္ဖူးၾက။

ငယ္စဥ္ကေတာ့ အေပါင္းသင္းနည္းၿပီး လူပုံက သြက္သြက္လက္လက္ မရွိေၾကာင္း ရြာခံမ်ားက ဆိုသည္။

“က်ဳပ္တို႔အျမင္ကေတာ့ ခပ္ထိုင္းထိုင္းပဲ” ဟု အသက္ ၅၀ အရြယ္ အမ်ဳိးသားတစ္ဦးက ဆိုသည္။ ယင္းကပင္ အေပါင္းသင္းနည္းေစသည့္ အခ်က္ဟု ၎က ျမင္သည္။

“မဟုတ္ရင္ အေပါင္းအသင္း ဆ့ံရမွာေပါ့” ဟု ၎က ဆိုသည္။

ဦးဖိုးတူးသည္ ေမြးခ်င္း ခုနစ္ေယာက္အနက္ အႀကီးဆုံးသားျဖစ္ၿပီး သူ႔ေအာက္တြင္ ညီမသုံးေယာက္ႏွင့္ ညီသုံးေယာက္ ရွိသည္။ အသက္ ၈၀ ေက်ာ္ မိခင္ႀကီး ရွိေသးသည္။

“ဖိုးတူးလို႔ေခၚတာ၊ ၾကည္လင္းလို႔ တို႔ကေတာ့ မမွည့္ဘူး” ဟု မိခင္ျဖစ္သူ အဖြားျမက ေျပာျပသည္။

ရဲတပ္ဖြဲ႔မ်ား စုံလင္စြာ အိမ္သို႔ ေရာက္ရွိလာသည့္ အခါတြင္မွ အေၾကာင္းရင္းကို သိရသည္။ သူ႔သားသည္ လူတစ္ေယာက္၏ ဦးေခါင္းကို ေသနတ္ျဖင့္ ေတ့ပစ္သတ္ထားသည္။ အသတ္ခံရသူသည္ ထင္ရွားသည့္ ႏိုင္ငံေရးသမားလည္းျဖစ္၊ ဥပေဒပညာရွင္လည္း ျဖစ္ၿပီး အာဏာရပါတီ၏ အတိုင္ပင္ခံလည္း ျဖစ္ေနသည္။ ၿပီးလွ်င္ အငွားယာဥ္ေမာင္းတစ္ဦးက  အုတ္နီခဲျဖင့္ ပစ္ကာ သူ႔သားေတာ္ေမာင္ကို လက္ရဖမ္းေပးခဲ့သည္။ ယင္းအငွားယာဥ္ေမာင္းလည္း သားေတာ္ေမာင္၏ ပစ္ခတ္မႈေၾကာင့္ ေသဆုံးသြားသည္။ အဆိုပါ ႏိုင္ငံေရးသမားႏွင့္ အငွားယာဥ္ေမာင္းတို႔၏ စ်ာပနမွာ အထူးစည္ကားခဲ့သလို ဝမ္းနည္းတသ ႏွေျမာစိတ္မေကာင္း ျဖစ္သူမ်ားလည္း ဒုႏွင့္ေဒး မ်ားျပားခဲ့သည္။

ယင္းတို႔သည္ အင္တာနက္ လူမႈကြန္ရက္မ်ားတြင္ ဟိုးေလးတေက်ာ္ ျဖစ္ခဲ့ေသာ္လည္း ေသနတ္သမားသည္ ၎တို႔၏ရြာမွ ျဖစ္ေၾကာင္းကိုမူ အဆိုပါ ရဲတပ္ဖြဲ႔ဝင္မ်ား လာေရာက္စစ္ေမးခ်ိန္မွ သိရျခင္း ျဖစ္သည္ဟု ရြာခံတို႔က ဆိုသည္။ ဖုန္း၊ အင္တာနက္မွ တစ္ဆင့္ ပစ္ခတ္မႈျဖစ္စဥ္ကို  သိရေသာ္လည္း လူသတ္သမား၏ ဓာတ္ပုံကိုမူ မသဲကြဲခဲ့ဟု ဆိုၾကသည္။

ရြာသို႔ လမ္းပန္းဆက္သြယ္ေရးမွာ မေကာင္းလွပါ။ အနီးဆုံးျဖစ္သည့္ ယင္းမာပင္ၿမဳိ႕သို႔ ရွစ္မိုင္ခန္႔ ေဝးေသာ္လည္း ေျမလမ္းသာေပါက္ၿပီး မိုးတြင္းတြင္ ကားသြားရန္  အဆင္မေျပပါ။ မိုင္ ၃၀ ခန္႔ ေဝးသည့္ မုံရြာၿမိဳ႕သို႔လည္း ထိုနည္းတူ။ ရြာကို ေခ်ာင္းတစ္ခုက ရံထားၿပီး မိုးအခါမ်ဳိးတြင္ ဆိုင္ကယ္ပင္ စီးမရ။ အဆိုပါေခ်ာင္းဟို ဘက္အထိ ဆိုင္ကယ္ကို ထမ္းသြားရေၾကာင္း ရြာခံဦးျမင့္သန္းက ဆိုသည္။  တစ္ရြာလုံးသည္ ေတာင္သူလယ္လုပ္မ်ားသာ ျဖစ္ၿပီး ယခုႏွစ္မ်ားအတြင္း ထိုင္းႏိုင္ငံႏွင့္ ဖားကန္႔သို႔ သြားေရာက္လုပ္ကိုင္သူမ်ား ရွိလာသည္။

လွ်ပ္စစ္မီး မရွိပါ။ ရြာ၏ ဘုံပိုင္ဒီဇယ္ မီးစက္မွ ရြာဘုရားႏွင့္ ရြာလမ္းမ်ားကို မီးလင္းေစၿပီး ေနအိမ္မ်ားအတြက္ ဆိုလာႏွင့္ ကိုယ္ပိုင္မီးစက္မ်ားကို သုံးရသည္။ အနီးနား ေက်းရြာမ်ားတြင္ တယ္လီဖုန္း တာဝါတိုင္ႏွစ္ခု ရွိေနျခင္းေၾကာင့္ တယ္လီဖုန္း ဆက္သြယ္ေရးကမူ ေကာင္းမြန္သည္။

ထို႔အတူ လူငယ္ပိုင္းမ်ားအေနႏွင့္ လူမႈကြန္ရက္ကို အသုံးျပဳႏိုင္သည္။ အိမ္ေျခ ၂၃၀ ေက်ာ္ ရွိသည့္ ရြာအတြက္ ေဘာလုံးပြဲ ၾကည့္ခ်င္လွ်င္ ၿဂဳိဟ္တုစေလာင္းရွိၿပီး  အခေၾကးေငြျဖင့္ ျပသည့္ ေနအိမ္ႏွစ္ခုဆီသို႔ ခ်ီတက္ရသည္။ ဦးဖိုးတူး တစ္ေယာက္သည္သာ မည္သို႔မည္ပုံ ရြာေက်ာ္၊ ၿမဳိ႕ေက်ာ္ နယ္တကာ ႏွံ႔သူျဖစ္ခဲ့ရသနည္း။

“လူေပါင္းမွားတယ္လို႔ပဲ တြက္တာပဲေလ။ ဒါမ်ဳိးေတြလုပ္ဖို႔ ေတာ္႐ုံမဆက္သြယ္တတ္ဘူး” ဟု ညီအရင္းျဖစ္သူ ဦးဝင္းျမင့္က ဆိုသည္။

လူမႈကြန္ရက္မ်ားတြင္ ပ်ံ႕ႏွံ႔ခဲ့သည့္  ထြက္ဆိုခ်က္မ်ားတြင္ တရားခံ၏ ေနာက္ကြယ္တြင္ ေစခိုင္းသူ အနည္းဆုံးတစ္ဦး ရွိေနၿပီး လုပ္ႀကံမႈ ေအာင္ျမင္ပါက ကားတစ္စီးေပးမည္ဟု ပါရွိသည္။ ေစခိုင္းသူသည္ ျမဝတီၿမဳိ႕တြင္ ေနထိုင္သည့္ ျမင့္ေဆြဆိုသူ ျဖစ္ၿပီး ဘုရားခိုးမႈျဖင့္ လုပ္ႀကံသူ  ဦးၾကည္လင္းႏွင့္ အက်ဥ္းေထာင္တြင္ အတူက်ခံဖူးသူ ျဖစ္သည္။

လူမႈကြန္ရက္တြင္ ဦးၾကည္လင္းအား ေစခိုင္းသူႏွင့္ ပတ္သက္၍ မသမာသည့္ သုံးစြဲသူမ်ားက ထင္ေယာင္ထင္မွား သတင္းမ်ားကို ျဖန္႔ေဝမႈမ်ားလည္း ထြက္ေပၚခဲ့သည္။ ယင္းတို႔အထဲတြင္ ေစခိုင္းသူမွာ ဝန္ႀကီးခ်ဳပ္ ဦးၿဖဳိးမင္းသိန္းဟု ဆိုသည့္ ျဖန္႔ေဝမႈ တစ္ခုကလည္း စိုင္လွ်ားအနီး ပတ္ဝန္းက်င္ေက်းရြာမွ လူမႈကြန္ရက္ သုံးစြဲသူမ်ားထံသို႔လည္း ေရာက္ရွိသည္။ ႐ိုးသားသည့္ ရြာသူ၊ ရြာသားမ်ား အေနႏွင့္ ယင္းသတင္းအေပၚ သို႔ေလာသို႔ေလာ ေတြးဆေဆြးေႏြးစရာ ျဖစ္လိုက္ေသးသည္။။

“ကြၽန္ေတာ္ကေတာ့ ေရဒီယိုက ေၾကညာမွပဲ ယုံမယ္” ဟု အသက္ ၅၀ တန္း အမ်ဳိးသားႀကီးက ဆိုသည္။

သတင္းစာ၊ ဂ်ာနယ္ မေရာက္သည့္ ယင္းေဒသအတြက္ သတင္းရယူရာသည္ လူမႈကြန္ရက္ႏွင့္ ေရဒီယိုသာ အားကိုးရာ။

အက်ဥ္းသားေဟာင္းအခ်ဳိ႕၏ ေျပာဆိုခ်က္အရ ဦးၾကည္လင္း (ခ) ဖိုးတူးသည္  ေရွးေဟာင္းဘုရားသမိုင္းမ်ားႏွင့္ ပတ္သက္၍ နားေထာင္သူ စိတ္ဝင္စားဖြယ္ ျဖစ္ေအာင္ပင္ လက္တန္းေျပာဆိုႏိုင္သူ ျဖစ္ၿပီး ဘုရားသမိုင္းမ်ားတြင္ ႏွံ႔စပ္သူ ျဖစ္သည္။

စိုင္လွ်ားရြာခံမ်ား၏ ေျပာဆိုခ်က္အရ ဦးဖိုးတူးသည္ အတန္းေက်ာင္း မေနခဲ့ရဘဲ ဘုန္းႀကီးေက်ာင္းထြက္ တစ္ဦးသာ ျဖစ္ၿပီး ရြာမွ မထြက္ခြာမီက ႏြားေက်ာင္းသည္။

ရြာသည္ ၿပီးခဲ့သည့္ႏွစ္ကမွ အလယ္တန္းေက်ာင္းခြဲအျဖစ္ ဖြင့္လွစ္ႏိုင္ခဲ့ၿပီး ယခင္က မူလတန္းလြန္ေက်ာင္းသာ။ ရြာ၏ပညာေရးသည္ အစဥ္အဆက္ အားနည္းခဲ့ၿပီး ပညာတတ္ အမ်ားႀကီးမရွိဟု  ရြာသားမ်ားက ဆိုသည္။ လက္ရွိအခ်ိန္အထိ တကၠသိုလ္မွ ဘြဲ႔ရရွိသူ လက္ဆယ္ေခ်ာင္း မျပည့္ေသး။ စစ္ကိုင္းၿမဳိ႕တြင္ တာဝန္ထမ္းေဆာင္ေနသည့္ ဆရာဝန္တစ္ဦးသည္ ရြာ၏အျမင့္ဆုံးေသာ ပညာတတ္သူျဖစ္ၿပီး သူ႔ေနာက္တြင္ ေက်ာင္းဆရာ ႏွစ္ဦး ရွိသည္။

ဆိုရလွ်င္ ႏိုင္ငံတြင္ ထင္ရွားေက်ာ္ၾကားသူ၊ အေရးပါအရာေရာက္သူဟူ၍ မရွိစဖူး။ ယခုမူ အတန္းေက်ာင္းမ ေနခဲ့ရသူ ဦးဖိုးတူးက ႏိုင္ငံေက်ာ္ႀကီး ျဖစ္ေနပါပေကာ။ ယင္းသည္ အေကာင္းဘက္မွ ေက်ာ္ၾကားျခင္း မဟုတ္ဟု ေဆြမ်ဳိးနီးစပ္ေတာ္သူ ဦးျမင့္သန္းက ဆိုသည္။

သို႔ေသာ္။

ရြာအတိုင္းအတာႏွင့္စာလွ်င္ ဦးဖိုးတူး၏ မိသားစုသည္ မ်က္ႏွာႀကီး ျဖစ္ၿပီး ဖခင္ျဖစ္သူသည္ ျမန္မာ့ဆိုရွယ္လစ္ လမ္းစဥ္ပါတီေခတ္က ေက်းရြာပါတီ ဥကၠ႒ ျဖစ္သည္။ ဦးဖိုးတူး၏ ညီငယ္  ဦးညြန္႔ထြန္းသည္ ဘြဲ႔ရတစ္ဦးျဖစ္ၿပီး မိသားစု ေတာင္သူလုပ္ငန္းကို ဦးစီးလ်က္ ရွိသည္။

၎တို႔မိသားစုသည္ အေနအထိုင္ ေအးေဆးၾကၿပီး ပတ္ဝန္းက်င္ႏွင့္ ေရာေႏွာဆက္ဆံေလ့ မရွိဟု ရြာခံမ်ားက ဆိုသည္။ လယ္ႏွင့္ယာေျမ စုစုေပါင္း ဧကသုံးဆယ္ ဝန္းက်င္ ပိုင္ဆိုင္ၾကသည့္ ေတာင္သူႀကီး စာရင္းဝင္မ်ား ျဖစ္ၿပီး ယင္းပမာဏသည္ပင္ ရြာတြင္ လယ္ယာေျမ အမ်ားဆုံးကို  ပိုင္ဆိုင္ထားသူမ်ား ျဖစ္သည္။ ညီျဖစ္သူ ဦးဝင္းျမင့္သည္လည္း အထက္တန္းအထိ ပညာသင္ၾကားခဲ့ၿပီး တပ္မေတာ္အစိုးရ လက္ထက္က ေက်းရြာအုပ္ခ်ဳပ္ေရးမွဴးအျဖစ္ ေဆာင္ရြက္ခဲ့သူျဖစ္သည္။ ၎သည္ ထိုစဥ္က ရပ္ရြာအေပၚတြင္ ေကာင္းမြန္စြာ အုပ္ခ်ဳပ္ခဲ့သူျဖစ္ၿပီး ရြာသူ၊ ရြာသားမ်ားႏွင့္ အဆင္ေျပခဲ့ေၾကာင္း ယခုေက်းရြာ၏ အမ်ဳိးသားဒီမိုကေရစီအဖြဲ႔ခ်ဳပ္ (NLD)  ပါတီ႐ုံး ဖြင့္ထားသူ ဦးညြန္႔ဝင္းက ဆိုသည္။

လုပ္ႀကံခံရသူ ဦးကိုနီသည္ NLD ၏ ဥပေဒေရးရာ အတိုင္ပင္ခံပုဂၢဳိလ္ျဖစ္ၿပီး ပါတီအတြက္ အေရးပါအရာေရာက္သူ ျဖစ္သည္။ ယင္းကား ပါတီအေပၚ တိုက္ခိုက္လိုသူတို႔၏ ယုတ္မာမႈ ျဖစ္ေၾကာင္း NLD ပါတီက သေဘာထား ထုတ္ျပန္ခဲ့သည္။

လုပ္ႀကံသူ ဦးဖိုးတူး၏ စိုင္လွ်ားေက်းရြာက NLD ၏ အေနအထားက မည္သို႔နည္း။ ၂၀၁၅ အေထြေထြ ေရြးေကာက္ပြဲဆီသို႔ ျပန္သြားၾကည့္ပါမည္။

“မဲကေတာ့ အျပတ္အသတ္ႏိုင္တာပဲ” ဟု ဦးညြန္႔ဝင္းက ဆိုသည္။

ယင္းတစ္ရြာတည္းတင္ မဟုတ္၊ အနီးနား ပတ္ဝန္းက်င္ ရြာမ်ားမွသည္ ယင္းမာပင္ တစ္ေဒသလုံး  ေရြးေကာက္ပြဲတြင္ NLD က အျပတ္အသတ္ အႏိုင္ရရွိခဲ့သည္။ အျခားအတိုက္အခံပါတီႏွင့္ NLD ကို အၿမဲတေစ ေဝဖန္တိုက္ခိုက္လ်က္ ရွိသည့္ မဘသအဖြဲ႔မ်ား ယင္းေဒသတြင္ အားမေကာင္းဟု ဦးညြန္႔ဝင္းက ဆိုသည္။

ဦးဖိုးတူး၏ မိသားစုဝင္မ်ားသည္ပင္ NLD ဘက္ေတာ္သားမ်ား ျဖစ္ေၾကာင္း ဦးညြန္႔ဝင္းက ဆိုသည္။ ယခုျဖစ္ရပ္သည္ NLD ပါတီ ေခါင္းေဆာင္တစ္ဦးကို လုပ္ႀကံျခင္းျဖစ္ရာ အမႈႏွင့္ ပတ္သက္၍  ခန္႔မွန္းသုံးသပ္ရန္ နားမလည္ ျဖစ္မိေၾကာင္း ၎က ဆိုေလသည္။

“သူတို႔မိသားစုကလည္း ဝင္းျမင့္တို႔၊ ညြန္႔ထြန္းတို႔ကလည္း ဒီပါတီထဲက” ဟု ၎က ဆိုသည္။ “ကိုယ့္အဖြဲ႔ဝင္ထဲကဆိုေတာ့ ဘယ္လိုေျပာလို႔ေျပာရမွန္းေတာင္ မသိဘူး” ဟုလည္း ဆိုသည္။

ယခုကိစၥတြင္ ဦးဖိုးတူးကို ဖမ္းၿပီး စစ္ေဆးလ်က္ရွိသည္။

လမ္းပန္းဆက္သြယ္ေရး ခက္ခဲမႈေၾကာင့္ စပါး၊ ပဲ၊ ေျပာင္း ေရာင္းခ်ခ်ိန္မွလြဲ၍ အမ်ားစုက ၿမဳိ႕သို႔ အေရာက္အေပါက္ မရွိလွပါ။ မိသားစုဝင္မ်ားသည္ တစ္ႏွစ္ေနလို႔မွ ၿမဳိ႕သို႔ ႏွစ္ေခါက္ပင္ မေရာက္ျဖစ္သူမ်ား ျဖစ္သည္။ သို႔ေသာ္ သူမ်ားအေျပာအရသာ သိေနရၿပီး မိသားစုဝင္ တစ္ဦးတစ္ေယာက္ကမွ ဖမ္းဆီးထားသူႏွင့္ မ်က္ျမင္ကိုယ္ေတြ႔ မေတြ႔ဆုံရေသး။

ေနအိမ္သို႔ လာေရာက္စစ္ေဆးခဲ့ သည့္ ရဲတပ္ဖြဲ႔က ေတြ႔ဆုံရန္ ေခၚေဆာင္ျခင္း မျပဳခဲ့သလို ၎တို႔ဘာသာလည္း ရန္ကုန္သို႔ မသြားတတ္ဟု ဦးဝင္းျမင့္က ဆိုသည္။ မုံရြာတြင္ပင္ သီးႏွံပို႔သည့္ ပြဲ႐ုံမ်ားမွလြဲ၍ က်င္က်င္လည္လည္ မသြားတတ္။

“လိုက္ပို႔တဲ့သူရွိမွ သြားႏိုင္မွာ။ ကိုယ္ကိုယ္တိုင္ဆို ဘယ္သြားလို႔ ဘယ္လာရမွန္းမွ မသိဘဲ ဘယ္လိုလုပ္ သြားမွာတုန္း” ဟု ၎က ဆိုသည္။

“ငါကေတာ့ ေတြ႔ေတာ့ ေတြ႔ခ်င္တာ ပ၊ ဒါေပမဲ့ ကားကေတာ့ မစီးႏိုင္ေတာ့ဘူး။  ကိုယ့္သားသမီးကိုယ္ ဆိုေတာ့ ႏွေျမာတာ ပ” ဟု မိခင္ျဖစ္သူက ဆိုသည္။

ဖမ္းဆီးထားသူသည္ ၎၏သား ဟုတ္၏ မဟုတ္၏ကို ကိုယ္တိုင္ေတြ႔ျမင္လိုသည့္ ဆႏၵကေတာ့ ရွိေနေသးသည္။

သတင္းကို တစ္ရြာလုံးက သိထားၿပီး ျဖစ္သလို NLD ေခါင္းေဆာင္တစ္ဦးကို မိသားစုဝင္တစ္ဦးက လုပ္ႀကံျခင္းျဖစ္ရာ အမ်ားစု ျဖစ္ေနသည့္ ရြာကေလးတြင္ အရွက္ရစရာ။ ယင္းအျပင္ အမႈအတြက္  သက္ဆိုင္ရာက လာေရာက္စစ္ေမးျခင္း၊ သတင္းမီဒီယာမ်ားက လာေရာက္ေတြ႔ဆုံျခင္းမ်ားအတြက္ ယခင္က ပတ္ဝန္းက်င္ႏွင့္ သီးသန္႔ေနထိုင္တတ္သည့္ ေနအိမ္တြင္ လူတ႐ုန္း႐ုန္းႏွင့္။ အမ်ားသူငါက  သတိထား ေစာင့္ၾကည့္ဖြယ္ရာ ျဖစ္ေနသည္ကလည္း မိသားစုဝင္မ်ားအတြက္ တစ္ဒုကၡ။

အကယ္စင္စစ္ ဦးဖိုးတူးသည္ မိသားစုဝင္ ဆိုေသာ္လည္း အိမ္ႏွင့္ ႏွစ္ေပါင္းမ်ားစြာ ကင္းကြာခဲ့သူ၊ အိမ္အေပၚတြင္လည္း ေႏြးေႏြးေထြးေထြး မရွိ။ ႏွစ္ရွည္လမ်ားလည္း အက်ဥ္းက်ေနခဲ့သူ။

ဦးဖိုးတူးသည္ ဘုရားခိုးမႈျဖင့္ ၂၀၀၃ ခုႏွစ္တြင္ ေထာင္ဒဏ္ ၂၇ ႏွစ္ က်ခံခဲ့ရၿပီး ဦးသိန္းစိန္ အစိုးရလက္ထက္ ၂၀၁၄ ခုႏွစ္တြင္ လြတ္ၿငိမ္းခ်မ္းသာခြင့္ျဖင့္ ျပန္လည္လြတ္ေျမာက္လာသူ ျဖစ္သည္။ ထို႔မတိုင္မီကလည္း ဘုရားခိုးမႈျဖင့္ပင္ ေထာင္က်ဖူးသည္။ ယင္းအမႈမ်ားေၾကာင့္ ဖခင္ရွိစဥ္ အခါတုန္းက ဆိုလွ်င္ ၎ကို အိမ္အလာ မခံခဲ့ေပ။

ေတာထဲတြင္ ေတာင္သူလုပ္ငန္းကို ပင္ပန္းစြာ လုပ္ကိုင္ေနရသည့္အထဲ အိမ္ျပန္ေရာက္သည့္ အခ်ိန္တြင္ အိမ္တြင္လည္း အပူတို႔ စုေနသည္ကို သားတစ္ဦးက မႏွစ္ၿမဳိ႕ေပ။ မိခင္ျဖစ္သူကို သတင္းမီဒီယာမ်ားက တရားခံကဲ့သို႔ စစ္ေဆးေမးျမန္းၾကသည္ဟု ဦးညြန္႔ထြန္းက ဆိုသည္။ သားအတြက္ ပူပန္ေနရသည့္အျပင္ အသက္အရြယ္ အိုမင္းေနသည့္ မိခင္ကို မီဒီယာမ်ားက လာေရာက္ဒုကၡေပးသကဲ့သို႔ ျဖစ္ေနသည္။

ပတ္ဝန္းက်င္ ဆိုသည္ကေတာ့ သေဘာထားအမ်ဳိးမ်ဳိး ရွိႏိုင္ေၾကာင္း  ညီျဖစ္သူ ဦးဝင္းျမင့္က ဆိုသည္။ ယခု ဖစ္ရပ္သည္ မိသားစုအတြက္ အမည္းစက္တစ္ခု ျဖစ္ေစၿပီး ယင္းကို အျမန္ေျပေပ်ာက္ေစလိုၿပီး အမႈမွန္အျမန္ ေပၚေစခ်င္သည္။

“ကိုယ့္အေပၚ ေစတနာရွိတဲ့ သူကေတာ့ အျပစ္တင္မွာ မဟုတ္ဘူး။ ေစတနာမရွိတဲ့ သူကေတာ့ အစကတည္းက မုန္းတီးတဲ့ သူကေတာ့ ေကာင္းစကားေျပာမွာ မဟုတ္ဘူးေလ” ဟု ၎က ဆိုသည္။

ယခုျဖစ္ရပ္သည္ ရန္ကုန္ၿမဳိ႕ေတာ္တြင္ ျဖစ္ပြားျခင္းျဖစ္ၿပီး မိသားစုႏွင့္ သက္ဆိုင္ျခင္း မရွိသလို လာေရာက္ေမးျမန္းၾကျခင္းအတြက္ တစ္ပူေပၚ ႏွစ္ပူဆင့္ကာ စိတ္ေသာက ေရာက္ရေၾကာင္း မိသားစုဝင္မ်ားက ဆိုသည္။

“ေမးရ ေျဖရတာက စိတ္ဒုကၡတစ္မ်ဳိး၊ ညေတာင္ ေကာင္းေကာင္းမအိပ္ႏိုင္ဘူး၊ ဒီအေတြးႀကီးက ဝင္ေနတာ” ဟု ဦးဝင္းျမင့္က ဆိုသည္။

http://thevoicemyanmar.com/article/5869-sly

Unicode

ရန်ကုန်အပြည်ပြည်ဆိုင်ရာလေဆိပ်၌ သေနတ်သံတစ်ချက် မြည်ဟိန်းထွက်လာပြီးနောက် ရုတ်ချည်းဆိုသလိုပင် လူမသိ၊ သူမသိ သာမန်အညာရွာလေး တစ်ရွာက မြန်မာနိုင်ငံသားတို့ကို ဆွဲဆောင်လိုက်ပြီ။

စိုင်လျှားကျေးရွာ။ စစ်ကိုင်းတိုင်းဒေသကြီး ယင်းမာပင်ခရိုင်၊ ယင်းမာပင် မြို့နယ်ထဲတွင် ရှိပြီး မုံရွာမှ အလောင်းတော် ကဿဖသို့ သွားရာ ဖုံထူထူလမ်းမှတစ်ဆင့် နှစ်နာရီနီးပါး သွားရသည်။ လက်ရှိ အာဏာရ အမျိုးသားဒီမိုကရေစီအဖွဲ့ချုပ် (NLD) ပါတီ၏ ဗဟိုဥပဒေအကြံပေး  တရားလွှတ်တော်ရှေ့နေ ဦးကိုနီကို လုပ်ကြံသည့် သေနတ်သမားသည် ဤရွာဇာတိ ဖြစ်ကြောင်း စစ်ဆေးပေါ်ပေါက်ခဲ့သည်။

ဘာသာခြားတစ်ဦး ဖြစ်သည့်အပြင် ဥပဒေပညာရှင်လည်းဖြစ်၊ နိုင်ငံရေးသမားလည်း ဖြစ်သူကို မည်သည့်အတွက်ကြောင့် လူစည်ကားရာ ရန်ကုန်အပြည်ပြည်ဆိုင်ရာလေဆိပ်တွင် ရက်စက်စွာ ပစ်ခတ်လုပ်ကြံခဲ့သနည်း ဆိုသည့် မေးခွန်းများနှင့်အတူ သေနတ်သမားသည် မည်သူနည်း၊ သူ ဘယ်ကလာသနည်း ဆိုသည့် သိလိုမှုများကလည်း မရှေးမနှောင်း ထွက်ပေါ်လာသည်။ စစ်ဆေးချက်အရ မှတ်ပုံတင်ထဲမှ သူ့နာမည်သည် ကြည်လင်း (၅၃ နှစ်)။

စိုင်လျှားတွင် သေနတ်သမားကို မွေးပြီး ယင်းရွာတွင် သူ့မိသားစု ရှိသည်။

လေးပေ၊ နှစ်ပေခန့်ရှိ ကြိုဆိုပါ၏ ဗီနိုင်းဆိုင်းဘုတ်က လေဒဏ်၊ နေဒဏ်ကြောင့် ပြဲစုတ်နေပြီး စာလုံးများက တစ်စစီကွဲ၍ နေသည်။ ရွာအဝင် တမာပင်ကမူ နေအပူဒဏ်ကို ကြံ့ကြံ့ခံလျက်။

ဧည့်စိမ်းတွေလာပြီ ဆိုကတည်းက ဘာအတွက်လာမှန်း ရွာခံတို့က သဘောပေါက်ပြီးပါပြီ။ ရွာ၏ ကောင်းသတင်းကြောင့် ကောင်းသောလာခြင်း မဟုတ်ဘဲ အမည်းစက်တစ်ခုကို ထင်ရှားစေရန် လာရောက်ခြင်း ဖြစ်ကြောင်း နားလည်ထားပြီး ဖြစ်သည်။

“တစ်အိမ်လုံးဟာ လူရိုးလူအတွေပဲ” ဟု ဦးကြည်လင်း မိသားစုနှင့် ပတ်သက်၍ အသက်လေးဆယ်အရွယ် ရွာခံအမျိုးသားတစ်ဦးက ပြောပြသည်။

သို့သော် ကြည်လင်းဆိုသည့် အမည်ဖြင့် သူ့ကို သိကြသည် မဟုတ်။ တစ်ရွာလုံးက သိထားသည်မှာ ဖိုးတူးဖြစ်သည်။ ကနဦးတွင် တရားခံသည် ကြည်လင်းဖြစ်ကြောင်း သတင်းပျံ့ခဲ့ရာ စိုင်လျှားကျေးရွာတွင် ကြည်လင်းအမည်ဖြင့် လက်သမားဆရာတစ်ဦး ရှိသည်။ စိုင်လျှားကျေးရွာ၏ အနီးနား ကျေးရွာများက အဆိုပါ လက်သမားဆရာ ဦးကြည်လင်းဟု ထင်မှတ်ကြသေးသည်။ သို့သော် ယင်းကြည်လင်းသည် လွန်ခဲ့သည့် ၂ နှစ်ခန့်က ကွယ်လွန်ပြီးပြီ ဖြစ်သည်။

ဦးဖိုးတူးသည် ငယ်စဉ် အသက်  ၁၉ နှစ်၊ ၂၀ ကတည်းက ရွာမှထွက်သွားသူ ဖြစ်ပြီး လွန်ခဲ့သည့် သုံးနှစ်လောက်ကမှ  ရွာသို့ တစ်ခေါက်ပြန်ရောက်လာသည်။ သူ ဘယ်မှာနေသည်၊ ဘာတွေလုပ်ကိုင်သည်ကို မည်သူမှ ဂဃနဏမသိ။ ဘုရားခိုးမှုဖြင့် ထောင်ကျနေခဲ့သည်ဟု သဲ့သဲ့ကြားရသည်။ ၂၀၁၄ ခုနှစ်၊ ထောင်မှလွတ် ချိန်တွင် ရွာကို တစ်ခေါက်ပြန်ရောက်လာသည်၊ ရက်ပိုင်းပဲနေပြီး ပြန်ပျောက်သွားသည်။ နှစ်ပေါင်း ၃၀ ဆယ်ကျော်တွင်း ရွာတွင် နှစ်လသုံးလခန့် ဆက်တိုက်နေဖူးသည်က အကြာဆုံး ဖြစ်သည်။

ရွာ၏ အသက်လေးဆယ်တန်းအောက် လူများက ဦးဖိုးတူးကို သေချာမသိကြသလို ကောင်းစွာပင် မမြင်ဖူးကြ။

ငယ်စဉ်ကတော့ အပေါင်းသင်းနည်းပြီး လူပုံက သွက်သွက်လက်လက် မရှိကြောင်း ရွာခံများက ဆိုသည်။

“ကျုပ်တို့အမြင်ကတော့ ခပ်ထိုင်းထိုင်းပဲ” ဟု အသက် ၅၀ အရွယ် အမျိုးသားတစ်ဦးက ဆိုသည်။ ယင်းကပင် အပေါင်းသင်းနည်းစေသည့် အချက်ဟု ၎င်းက မြင်သည်။

“မဟုတ်ရင် အပေါင်းအသင်း ဆံ့ရမှာပေါ့” ဟု ၎င်းက ဆိုသည်။

ဦးဖိုးတူးသည် မွေးချင်း ခုနစ်ယောက်အနက် အကြီးဆုံးသားဖြစ်ပြီး သူ့အောက်တွင် ညီမသုံးယောက်နှင့် ညီသုံးယောက် ရှိသည်။ အသက် ၈၀ ကျော် မိခင်ကြီး ရှိသေးသည်။

“ဖိုးတူးလို့ခေါ်တာ၊ ကြည်လင်းလို့ တို့ကတော့ မမှည့်ဘူး” ဟု မိခင်ဖြစ်သူ အဖွားမြက ပြောပြသည်။

ရဲတပ်ဖွဲ့များ စုံလင်စွာ အိမ်သို့ ရောက်ရှိလာသည့် အခါတွင်မှ အကြောင်းရင်းကို သိရသည်။ သူ့သားသည် လူတစ်ယောက်၏ ဦးခေါင်းကို သေနတ်ဖြင့် တေ့ပစ်သတ်ထားသည်။ အသတ်ခံရသူသည် ထင်ရှားသည့် နိုင်ငံရေးသမားလည်းဖြစ်၊ ဥပဒေပညာရှင်လည်း ဖြစ်ပြီး အာဏာရပါတီ၏ အတိုင်ပင်ခံလည်း ဖြစ်နေသည်။ ပြီးလျှင် အငှားယာဉ်မောင်းတစ်ဦးက  အုတ်နီခဲဖြင့် ပစ်ကာ သူ့သားတော်မောင်ကို လက်ရဖမ်းပေးခဲ့သည်။ ယင်းအငှားယာဉ်မောင်းလည်း သားတော်မောင်၏ ပစ်ခတ်မှုကြောင့် သေဆုံးသွားသည်။ အဆိုပါ နိုင်ငံရေးသမားနှင့် အငှားယာဉ်မောင်းတို့၏ ဈာပနမှာ အထူးစည်ကားခဲ့သလို ဝမ်းနည်းတသ နှမြောစိတ်မကောင်း ဖြစ်သူများလည်း ဒုနှင့်ဒေး များပြားခဲ့သည်။

ယင်းတို့သည် အင်တာနက် လူမှုကွန်ရက်များတွင် ဟိုးလေးတကျော် ဖြစ်ခဲ့သော်လည်း သေနတ်သမားသည် ၎င်းတို့၏ရွာမှ ဖြစ်ကြောင်းကိုမူ အဆိုပါ ရဲတပ်ဖွဲ့ဝင်များ လာရောက်စစ်မေးချိန်မှ သိရခြင်း ဖြစ်သည်ဟု ရွာခံတို့က ဆိုသည်။ ဖုန်း၊ အင်တာနက်မှ တစ်ဆင့် ပစ်ခတ်မှုဖြစ်စဉ်ကို  သိရသော်လည်း လူသတ်သမား၏ ဓာတ်ပုံကိုမူ မသဲကွဲခဲ့ဟု ဆိုကြသည်။

ရွာသို့ လမ်းပန်းဆက်သွယ်ရေးမှာ မကောင်းလှပါ။ အနီးဆုံးဖြစ်သည့် ယင်းမာပင်မြို့သို့ ရှစ်မိုင်ခန့် ဝေးသော်လည်း မြေလမ်းသာပေါက်ပြီး မိုးတွင်းတွင် ကားသွားရန်  အဆင်မပြေပါ။ မိုင် ၃၀ ခန့် ဝေးသည့် မုံရွာမြို့သို့လည်း ထိုနည်းတူ။ ရွာကို ချောင်းတစ်ခုက ရံထားပြီး မိုးအခါမျိုးတွင် ဆိုင်ကယ်ပင် စီးမရ။ အဆိုပါချောင်းဟို ဘက်အထိ ဆိုင်ကယ်ကို ထမ်းသွားရကြောင်း ရွာခံဦးမြင့်သန်းက ဆိုသည်။  တစ်ရွာလုံးသည် တောင်သူလယ်လုပ်များသာ ဖြစ်ပြီး ယခုနှစ်များအတွင်း ထိုင်းနိုင်ငံနှင့် ဖားကန့်သို့ သွားရောက်လုပ်ကိုင်သူများ ရှိလာသည်။

လျှပ်စစ်မီး မရှိပါ။ ရွာ၏ ဘုံပိုင်ဒီဇယ် မီးစက်မှ ရွာဘုရားနှင့် ရွာလမ်းများကို မီးလင်းစေပြီး နေအိမ်များအတွက် ဆိုလာနှင့် ကိုယ်ပိုင်မီးစက်များကို သုံးရသည်။ အနီးနား ကျေးရွာများတွင် တယ်လီဖုန်း တာဝါတိုင်နှစ်ခု ရှိနေခြင်းကြောင့် တယ်လီဖုန်း ဆက်သွယ်ရေးကမူ ကောင်းမွန်သည်။

ထို့အတူ လူငယ်ပိုင်းများအနေနှင့် လူမှုကွန်ရက်ကို အသုံးပြုနိုင်သည်။ အိမ်ခြေ ၂၃၀ ကျော် ရှိသည့် ရွာအတွက် ဘောလုံးပွဲ ကြည့်ချင်လျှင် ဂြိုဟ်တုစလောင်းရှိပြီး  အခကြေးငွေဖြင့် ပြသည့် နေအိမ်နှစ်ခုဆီသို့ ချီတက်ရသည်။ ဦးဖိုးတူး တစ်ယောက်သည်သာ မည်သို့မည်ပုံ ရွာကျော်၊ မြို့ကျော် နယ်တကာ နှံ့သူဖြစ်ခဲ့ရသနည်း။

“လူပေါင်းမှားတယ်လို့ပဲ တွက်တာပဲလေ။ ဒါမျိုးတွေလုပ်ဖို့ တော်ရုံမဆက်သွယ်တတ်ဘူး” ဟု ညီအရင်းဖြစ်သူ ဦးဝင်းမြင့်က ဆိုသည်။

လူမှုကွန်ရက်များတွင် ပျံ့နှံ့ခဲ့သည့်  ထွက်ဆိုချက်များတွင် တရားခံ၏ နောက်ကွယ်တွင် စေခိုင်းသူ အနည်းဆုံးတစ်ဦး ရှိနေပြီး လုပ်ကြံမှု အောင်မြင်ပါက ကားတစ်စီးပေးမည်ဟု ပါရှိသည်။ စေခိုင်းသူသည် မြဝတီမြို့တွင် နေထိုင်သည့် မြင့်ဆွေဆိုသူ ဖြစ်ပြီး ဘုရားခိုးမှုဖြင့် လုပ်ကြံသူ  ဦးကြည်လင်းနှင့် အကျဉ်းထောင်တွင် အတူကျခံဖူးသူ ဖြစ်သည်။

လူမှုကွန်ရက်တွင် ဦးကြည်လင်းအား စေခိုင်းသူနှင့် ပတ်သက်၍ မသမာသည့် သုံးစွဲသူများက ထင်ယောင်ထင်မှား သတင်းများကို ဖြန့်ဝေမှုများလည်း ထွက်ပေါ်ခဲ့သည်။ ယင်းတို့အထဲတွင် စေခိုင်းသူမှာ ဝန်ကြီးချုပ် ဦးဖြိုးမင်းသိန်းဟု ဆိုသည့် ဖြန့်ဝေမှု တစ်ခုကလည်း စိုင်လျှားအနီး ပတ်ဝန်းကျင်ကျေးရွာမှ လူမှုကွန်ရက် သုံးစွဲသူများထံသို့လည်း ရောက်ရှိသည်။ ရိုးသားသည့် ရွာသူ၊ ရွာသားများ အနေနှင့် ယင်းသတင်းအပေါ် သို့လောသို့လော တွေးဆဆွေးနွေးစရာ ဖြစ်လိုက်သေးသည်။

“ကျွန်တော်ကတော့ ရေဒီယိုက ကြေညာမှပဲ ယုံမယ်” ဟု အသက် ၅၀ တန်း အမျိုးသားကြီးက ဆိုသည်။

သတင်းစာ၊ ဂျာနယ် မရောက်သည့် ယင်းဒေသအတွက် သတင်းရယူရာသည် လူမှုကွန်ရက်နှင့် ရေဒီယိုသာ အားကိုးရာ။

အကျဉ်းသားဟောင်းအချို့၏ ပြောဆိုချက်အရ ဦးကြည်လင်း (ခ) ဖိုးတူးသည်  ရှေးဟောင်းဘုရားသမိုင်းများနှင့် ပတ်သက်၍ နားထောင်သူ စိတ်ဝင်စားဖွယ် ဖြစ်အောင်ပင် လက်တန်းပြောဆိုနိုင်သူ ဖြစ်ပြီး ဘုရားသမိုင်းများတွင် နှံ့စပ်သူ ဖြစ်သည်။

စိုင်လျှားရွာခံများ၏ ပြောဆိုချက်အရ ဦးဖိုးတူးသည် အတန်းကျောင်း မနေခဲ့ရဘဲ ဘုန်းကြီးကျောင်းထွက် တစ်ဦးသာ ဖြစ်ပြီး ရွာမှ မထွက်ခွာမီက နွားကျောင်းသည်။

ရွာသည် ပြီးခဲ့သည့်နှစ်ကမှ အလယ်တန်းကျောင်းခွဲအဖြစ် ဖွင့်လှစ်နိုင်ခဲ့ပြီး ယခင်က မူလတန်းလွန်ကျောင်းသာ။ ရွာ၏ပညာရေးသည် အစဉ်အဆက် အားနည်းခဲ့ပြီး ပညာတတ် အများကြီးမရှိဟု  ရွာသားများက ဆိုသည်။ လက်ရှိအချိန်အထိ တက္ကသိုလ်မှ ဘွဲ့ရရှိသူ လက်ဆယ်ချောင်း မပြည့်သေး။ စစ်ကိုင်းမြို့တွင် တာဝန်ထမ်းဆောင်နေသည့် ဆရာဝန်တစ်ဦးသည် ရွာ၏အမြင့်ဆုံးသော ပညာတတ်သူဖြစ်ပြီး သူ့နောက်တွင် ကျောင်းဆရာ နှစ်ဦး ရှိသည်။

ဆိုရလျှင် နိုင်ငံတွင် ထင်ရှားကျော်ကြားသူ၊ အရေးပါအရာရောက်သူဟူ၍ မရှိစဖူး။ ယခုမူ အတန်းကျောင်းမ နေခဲ့ရသူ ဦးဖိုးတူးက နိုင်ငံကျော်ကြီး ဖြစ်နေပါပကော။ ယင်းသည် အကောင်းဘက်မှ ကျော်ကြားခြင်း မဟုတ်ဟု ဆွေမျိုးနီးစပ်တော်သူ ဦးမြင့်သန်းက ဆိုသည်။

သို့သော်။

ရွာအတိုင်းအတာနှင့်စာလျှင် ဦးဖိုးတူး၏ မိသားစုသည် မျက်နှာကြီး ဖြစ်ပြီး ဖခင်ဖြစ်သူသည် မြန်မာ့ဆိုရှယ်လစ် လမ်းစဉ်ပါတီခေတ်က ကျေးရွာပါတီ ဥက္ကဋ္ဌ ဖြစ်သည်။ ဦးဖိုးတူး၏ ညီငယ်  ဦးညွန့်ထွန်းသည် ဘွဲ့ရတစ်ဦးဖြစ်ပြီး မိသားစု တောင်သူလုပ်ငန်းကို ဦးစီးလျက် ရှိသည်။

၎င်းတို့မိသားစုသည် အနေအထိုင် အေးဆေးကြပြီး ပတ်ဝန်းကျင်နှင့် ရောနှောဆက်ဆံလေ့ မရှိဟု ရွာခံများက ဆိုသည်။ လယ်နှင့်ယာမြေ စုစုပေါင်း ဧကသုံးဆယ် ဝန်းကျင် ပိုင်ဆိုင်ကြသည့် တောင်သူကြီး စာရင်းဝင်များ ဖြစ်ပြီး ယင်းပမာဏသည်ပင် ရွာတွင် လယ်ယာမြေ အများဆုံးကို  ပိုင်ဆိုင်ထားသူများ ဖြစ်သည်။ ညီဖြစ်သူ ဦးဝင်းမြင့်သည်လည်း အထက်တန်းအထိ ပညာသင်ကြားခဲ့ပြီး တပ်မတော်အစိုးရ လက်ထက်က ကျေးရွာအုပ်ချုပ်ရေးမှူးအဖြစ် ဆောင်ရွက်ခဲ့သူဖြစ်သည်။ ၎င်းသည် ထိုစဉ်က ရပ်ရွာအပေါ်တွင် ကောင်းမွန်စွာ အုပ်ချုပ်ခဲ့သူဖြစ်ပြီး ရွာသူ၊ ရွာသားများနှင့် အဆင်ပြေခဲ့ကြောင်း ယခုကျေးရွာ၏ အမျိုးသားဒီမိုကရေစီအဖွဲ့ချုပ် (NLD)  ပါတီရုံး ဖွင့်ထားသူ ဦးညွန့်ဝင်းက ဆိုသည်။

လုပ်ကြံခံရသူ ဦးကိုနီသည် NLD ၏ ဥပဒေရေးရာ အတိုင်ပင်ခံပုဂ္ဂိုလ်ဖြစ်ပြီး ပါတီအတွက် အရေးပါအရာရောက်သူ ဖြစ်သည်။ ယင်းကား ပါတီအပေါ် တိုက်ခိုက်လိုသူတို့၏ ယုတ်မာမှု ဖြစ်ကြောင်း NLD ပါတီက သဘောထား ထုတ်ပြန်ခဲ့သည်။

လုပ်ကြံသူ ဦးဖိုးတူး၏ စိုင်လျှားကျေးရွာက NLD ၏ အနေအထားက မည်သို့နည်း။ ၂၀၁၅ အထွေထွေ ရွေးကောက်ပွဲဆီသို့ ပြန်သွားကြည့်ပါမည်။

“မဲကတော့ အပြတ်အသတ်နိုင်တာပဲ” ဟု ဦးညွန့်ဝင်းက ဆိုသည်။

ယင်းတစ်ရွာတည်းတင် မဟုတ်၊ အနီးနား ပတ်ဝန်းကျင် ရွာများမှသည် ယင်းမာပင် တစ်ဒေသလုံး  ရွေးကောက်ပွဲတွင် NLD က အပြတ်အသတ် အနိုင်ရရှိခဲ့သည်။ အခြားအတိုက်အခံပါတီနှင့် NLD ကို အမြဲတစေ ဝေဖန်တိုက်ခိုက်လျက် ရှိသည့် မဘသအဖွဲ့များ ယင်းဒေသတွင် အားမကောင်းဟု ဦးညွန့်ဝင်းက ဆိုသည်။

ဦးဖိုးတူး၏ မိသားစုဝင်များသည်ပင် NLD ဘက်တော်သားများ ဖြစ်ကြောင်း ဦးညွန့်ဝင်းက ဆိုသည်။ ယခုဖြစ်ရပ်သည် NLD ပါတီ ခေါင်းဆောင်တစ်ဦးကို လုပ်ကြံခြင်းဖြစ်ရာ အမှုနှင့် ပတ်သက်၍  ခန့်မှန်းသုံးသပ်ရန် နားမလည် ဖြစ်မိကြောင်း ၎င်းက ဆိုလေသည်။

“သူတို့မိသားစုကလည်း ဝင်းမြင့်တို့၊ ညွန့်ထွန်းတို့ကလည်း ဒီပါတီထဲက” ဟု ၎င်းက ဆိုသည်။ “ကိုယ့်အဖွဲ့ဝင်ထဲကဆိုတော့ ဘယ်လိုပြောလို့ပြောရမှန်းတောင် မသိဘူး” ဟုလည်း ဆိုသည်။

ယခုကိစ္စတွင် ဦးဖိုးတူးကို ဖမ်းပြီး စစ်ဆေးလျက်ရှိသည်။

လမ်းပန်းဆက်သွယ်ရေး ခက်ခဲမှုကြောင့် စပါး၊ ပဲ၊ ပြောင်း ရောင်းချချိန်မှလွဲ၍ အများစုက မြို့သို့ အရောက်အပေါက် မရှိလှပါ။ မိသားစုဝင်များသည် တစ်နှစ်နေလို့မှ မြို့သို့ နှစ်ခေါက်ပင် မရောက်ဖြစ်သူများ ဖြစ်သည်။ သို့သော် သူများအပြောအရသာ သိနေရပြီး မိသားစုဝင် တစ်ဦးတစ်ယောက်ကမှ ဖမ်းဆီးထားသူနှင့် မျက်မြင်ကိုယ်တွေ့ မတွေ့ဆုံရသေး။

နေအိမ်သို့ လာရောက်စစ်ဆေးခဲ့ သည့် ရဲတပ်ဖွဲ့က တွေ့ဆုံရန် ခေါ်ဆောင်ခြင်း မပြုခဲ့သလို ၎င်းတို့ဘာသာလည်း ရန်ကုန်သို့ မသွားတတ်ဟု ဦးဝင်းမြင့်က ဆိုသည်။ မုံရွာတွင်ပင် သီးနှံပို့သည့် ပွဲရုံများမှလွဲ၍ ကျင်ကျင်လည်လည် မသွားတတ်။

“လိုက်ပို့တဲ့သူရှိမှ သွားနိုင်မှာ။ ကိုယ်ကိုယ်တိုင်ဆို ဘယ်သွားလို့ ဘယ်လာရမှန်းမှ မသိဘဲ ဘယ်လိုလုပ် သွားမှာတုန်း” ဟု ၎င်းက ဆိုသည်။

“ငါကတော့ တွေ့တော့ တွေ့ချင်တာ ပ၊ ဒါပေမဲ့ ကားကတော့ မစီးနိုင်တော့ဘူး။  ကိုယ့်သားသမီးကိုယ် ဆိုတော့ နှမြောတာ ပ” ဟု မိခင်ဖြစ်သူက ဆိုသည်။

ဖမ်းဆီးထားသူသည် ၎င်း၏သား ဟုတ်၏ မဟုတ်၏ကို ကိုယ်တိုင်တွေ့မြင်လိုသည့် ဆန္ဒကတော့ ရှိနေသေးသည်။

သတင်းကို တစ်ရွာလုံးက သိထားပြီး ဖြစ်သလို NLD ခေါင်းဆောင်တစ်ဦးကို မိသားစုဝင်တစ်ဦးက လုပ်ကြံခြင်းဖြစ်ရာ အများစု ဖြစ်နေသည့် ရွာကလေးတွင် အရှက်ရစရာ။ ယင်းအပြင် အမှုအတွက်  သက်ဆိုင်ရာက လာရောက်စစ်မေးခြင်း၊ သတင်းမီဒီယာများက လာရောက်တွေ့ဆုံခြင်းများအတွက် ယခင်က ပတ်ဝန်းကျင်နှင့် သီးသန့်နေထိုင်တတ်သည့် နေအိမ်တွင် လူတရုန်းရုန်းနှင့်။ အများသူငါက  သတိထား စောင့်ကြည့်ဖွယ်ရာ ဖြစ်နေသည်ကလည်း မိသားစုဝင်များအတွက် တစ်ဒုက္ခ။

အကယ်စင်စစ် ဦးဖိုးတူးသည် မိသားစုဝင် ဆိုသော်လည်း အိမ်နှင့် နှစ်ပေါင်းများစွာ ကင်းကွာခဲ့သူ၊ အိမ်အပေါ်တွင်လည်း နွေးနွေးထွေးထွေး မရှိ။ နှစ်ရှည်လများလည်း အကျဉ်းကျနေခဲ့သူ။

ဦးဖိုးတူးသည် ဘုရားခိုးမှုဖြင့် ၂၀ဝ၃ ခုနှစ်တွင် ထောင်ဒဏ် ၂၇ နှစ် ကျခံခဲ့ရပြီး ဦးသိန်းစိန် အစိုးရလက်ထက် ၂၀၁၄ ခုနှစ်တွင် လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသူ ဖြစ်သည်။ ထို့မတိုင်မီကလည်း ဘုရားခိုးမှုဖြင့်ပင် ထောင်ကျဖူးသည်။ ယင်းအမှုများကြောင့် ဖခင်ရှိစဉ် အခါတုန်းက ဆိုလျှင် ၎င်းကို အိမ်အလာ မခံခဲ့ပေ။

တောထဲတွင် တောင်သူလုပ်ငန်းကို ပင်ပန်းစွာ လုပ်ကိုင်နေရသည့်အထဲ အိမ်ပြန်ရောက်သည့် အချိန်တွင် အိမ်တွင်လည်း အပူတို့ စုနေသည်ကို သားတစ်ဦးက မနှစ်မြို့ပေ။ မိခင်ဖြစ်သူကို သတင်းမီဒီယာများက တရားခံကဲ့သို့ စစ်ဆေးမေးမြန်းကြသည်ဟု ဦးညွန့်ထွန်းက ဆိုသည်။ သားအတွက် ပူပန်နေရသည့်အပြင် အသက်အရွယ် အိုမင်းနေသည့် မိခင်ကို မီဒီယာများက လာရောက်ဒုက္ခပေးသကဲ့သို့ ဖြစ်နေသည်။

ပတ်ဝန်းကျင် ဆိုသည်ကတော့ သဘောထားအမျိုးမျိုး ရှိနိုင်ကြောင်း  ညီဖြစ်သူ ဦးဝင်းမြင့်က ဆိုသည်။ ယခု ဖစ်ရပ်သည် မိသားစုအတွက် အမည်းစက်တစ်ခု ဖြစ်စေပြီး ယင်းကို အမြန်ပြေပျောက်စေလိုပြီး အမှုမှန်အမြန် ပေါ်စေချင်သည်။

“ကိုယ့်အပေါ် စေတနာရှိတဲ့ သူကတော့ အပြစ်တင်မှာ မဟုတ်ဘူး။ စေတနာမရှိတဲ့ သူကတော့ အစကတည်းက မုန်းတီးတဲ့ သူကတော့ ကောင်းစကားပြောမှာ မဟုတ်ဘူးလေ” ဟု ၎င်းက ဆိုသည်။

ယခုဖြစ်ရပ်သည် ရန်ကုန်မြို့တော်တွင် ဖြစ်ပွားခြင်းဖြစ်ပြီး မိသားစုနှင့် သက်ဆိုင်ခြင်း မရှိသလို လာရောက်မေးမြန်းကြခြင်းအတွက် တစ်ပူပေါ် နှစ်ပူဆင့်ကာ စိတ်သောက ရောက်ရကြောင်း မိသားစုဝင်များက ဆိုသည်။

“မေးရ ဖြေရတာက စိတ်ဒုက္ခတစ်မျိုး၊ ညတောင် ကောင်းကောင်းမအိပ်နိုင်ဘူး၊ ဒီအတွေးကြီးက ဝင်နေတာ” ဟု ဦးဝင်းမြင့်က ဆိုသည်။ 
Loading...