Breaking News


လူ ၈ ေယာက္ ေသဆံုးသြားေသာ အျမန္လမ္းကားမီးေလာင္မႈတြင္ ကားေပၚမွ ဆင္းလာသူႏွစ္ဦးရွိဟု မ်က္ျမင္သက္ေသမ်ားေျပာဆို


Loading...



ဇန္န၀ါရီ ၂၁ ရက္ နံနက္ ၈ နာရီတြင္ ရန္ကုန္- မႏၱေလးအျမန္လမ္းမႀကီး ေလးမိုင္တြင္ Hiace အံစာတံုးကား မီးေလာင္မႈျဖစ္ပြားခဲ့သျဖင့္ အမ်ိဳးသားတစ္ဦး၊ အမ်ိဳးသမီး ခုႏွစ္ဦး စုစုေပါင္း ရွစ္ဦးေသဆံုးခဲ့ျပီး တစ္ဦးလြတ္ေျမာက္ခဲ့သည္ကို စာဖတ္ပရိသတ္မ်ား သိရွိခဲ့ျပီးျဖစ္သည္။

အဆိုပါျဖစ္စဥ္သည္ ကားမီးေလာင္မႈျဖစ္သည္ထက္ ကားထဲမွ ေသဆံုးခဲ့သည့္ လူရွစ္ဦး ရုန္းကန္မႈမရွိျခင္း၊ ယာဥ္ေမာင္းေသဆံုးသြားျပီဟု ေျပာဆိုျပီးကာမွ အသက္ရွင္လြတ္ေျမာက္သူမွာ ယာဥ္ေမာင္းသူျဖစ္ေနျခင္း စသည့္အခ်က္မ်ားအျပင္ ေ၀ဖန္သံမ်ိဳးစံုျဖင့္ လူမႈပတ္၀န္းက်င္၌ အေက်ာ္ႀကားဆံုးျဖစ္ရပ္ျဖစ္ျပီး ယေန႕တိုင္ လူတိုင္းေမ့မရသည့္ ျဖစ္စဥ္ျဖစ္ခဲ့သည္။

ထိုေနာက္ ယာဥ္ေမာင္းသူ ေအာင္ခန္႕ အား အျမန္လမ္းရဲတပ္ဖြဲ႕မွ အမႈဖြင့္ခဲ့ျပီး CID ဌာနသို႕ ယင္းအမႈအား ကိုင္တြယ္ရန္ လႊဲေျပာင္းေပးခဲ့သည္။ ေအာင္ခန္႕၏ ထြက္ဆိုခ်က္ႏွင့္ အခင္းျဖစ္ပြားရာ ေျမျပင္ေနရာဥ္ က်န္ရွိေနသည့္ ပစည္းမ်ား သက္ေသဗီဒီယိုဖိုင္မ်ားႏွင့္ မ်က္ျမင္သက္ေသတို႕၏ ထြက္ဆိုခ်က္မ်ားသည္ လြဲမွားေနေႀကာင္း ေတြ႕ခဲ့ရသည္။

အခင္းျဖစ္ပြားတဲ့ေနရာမွာ ပထမဦးဆံုးရွိေနသည့္လူမ်ား

Hiace ကားမတိုက္မီအခ်ိန္ႏွင့္ မီးမေလာင္ခင္အခ်ိန္ အနည္းငယ္တြင္ (ရန္ကုန္ မွ ေနျပည္ေတာ္ သြားသည့္ ဘက္ျခမ္း ကားလမ္းမွ) ေနျပည္ေတာ္မွ ရန္ကုန္ျပန္လာသည့္ ကားလမ္းဘက္သို႕ ဆိုင္ကယ္ျဖင့္ လမ္းျဖတ္ကူးရန္အတြက္ ေကြ႕ေျကာေပးထားသည့္ ေနရာတြင္ ေစာင့္စားေနသည့္ ေတာင္သူ ခုႏွစ္ဦး ရွိေနခဲ့သည္။

ကၽြန္ေတာ္တို႕က ေက်ာက္အိုင္ေက်းရြာမွာ ေနထိုင္တယ္။ အျမန္လမ္းတစ္ဖက္မွာ ရွိေနတဲ့ ယာေတာထဲမွာ အလုပ္လုပ္ဖို႕ သြားရပါတယ္။ ကားတိုက္တဲ့ေန႕ကလည္း ကၽြန္ေတာ့္သူငယ္ခ်င္းေတြနဲ႕အတူ ကားလမ္းမတစ္ဖက္ (မႏၱေလးမွ ရန္ကုန္ဘက္သို႕ သြားသည့္လမ္း) ကို ကူးဖို႕ ဆိုင္ကယ္နဲ႕ ေစာင့္ေနတဲ့အခ်ိန္ ကိုသိန္းထြန္းက ဆိုင္ကယ္ေပၚက ဆင္းျပီး ကားဆင္းႀကည့္ရမလား ေျပာေတာ့ ႀကည့္မေနနဲ႕ ဟိုမွာ ကားတစ္စီးလာေနတယ္ဆိုျပီး ေျပာတဲ့အခ်ိန္ အဲဒီကားက ကၽြန္ေတာ္တို႕ ေဘးနားကေန ျဖတ္ျပီး လမ္းေဘးက သံျပားေတြကို ပြတ္ဆြဲသြားတယ္။ ပလက္ေဖာင္းကို တိုက္ျပီးေတာ့ ပလက္ေဖာင္းေဘးနားမွာ ရပ္လ်က္သြားေတြ႕ခဲ့ရတယ္။ အရွိန္ေတာ့ သိပ္မျပင္းပါဘူး။ အျမန္လမ္းမွာ တိုက္တဲ့ကားေတြ မွန္သမွ် အရွိန္ျပင္းတဲ့အတြက္ တံုးလံုးလဲသြားတာခ်ည္းဘဲဟု မ်က္ျမင္သက္ေသတစ္ဦးျဖစ္သူ ဦးေက်ာ္သန္းက ေျပာသည္။

ထိုသို႕ ကားရပ္တန္႕သြားစဥ္ ညာဘက္ျခမ္းမွ လူတစ္ဦးထြက္လာျပီး ဘယ္ဘက္ျခင္း တြင္ရွိေသာ ကားတံခါးအား ဆြဲဖြင့္ေသာေႀကာင့္ ေနာက္ထပ္လူတစ္ဦးထပ္မံထြက္လာခဲ့ေႀကာင္း ယင္းသို႕ ထြက္လာခဲ့ျပီး ၄င္းတို႕ႏွစ္ဦးမွာ ကား၏အေနာက္ဘက္သို႕ အနည္းငယ္လမ္းေလွ်ာက္သြားကာ စကားေျပာဆိုေနေႀကာင္း မ်က္ျမင္သက္ေသတစ္ဦးျဖစ္သူ ဦးသိန္းထြန္းက ေျပာသည္။

သူတို႕ႏွစ္ေယာက္က စကားေျပာေနတဲ့အခ်ိန္ ကားက မီးမေလာင္ေသးဘူး။ သူတို႕ စကားရပ္ေျပာတဲ့အခ်ိန္က သံုး၊ ေလးမိနစ္ေလာက္ႀကာတယ္။ ျပီးေတာ့မွ ညာဘက္က လူက ကားကို ပတ္ပတ္လည္ႀကည့္ျပီးေတာ့ ဘယ္ဘက္က ဆင္းလာတဲ့လူက သူဆင္းလာတဲ့တံခါးကို ျပန္ဖြင့္လိုက္တဲ့အခ်ိန္ ဟုန္းဆိုျပီး မီးခိုးဟပ္တဲ့ပံုစံ ေတြ႕လိုက္ရတယ္။ သူလည္း အေနာက္ကို ျပန္ဆုတ္လိုက္တယ္။ မီးေတာ့ မစြဲေသးဘူး။ မီးခိုးဘဲ ထြက္ေသးတယ္။ သူတို႕ႏွစ္ေယာက္ျပီးေတာ့ ကားနဲ႕ေတာ္ေတာ္ ေ၀းတဲ့ေနရာကိုသြားျပီး တက္တူးရွိတဲ့ လူငယ္က ဖုန္းေအးေဆးေျပာတယ္။ ျပီးေတာ့ သူက ရပ္ႀကည့္ေနတယ္။ အဲ့အခ်ိန္မွာ ကားက မီးစြဲေနျပီ။ ေနာက္တစ္ေယာက္ကေတာ့ ကားမီးခိုးေတြ ထြက္လာျပီး မီးနည္းနည္းပဲ စြဲေသးတဲ့အခ်ိန္ လူေတြကလည္း ေရာက္လာေတာ့ ဘယ္ေပ်ာက္သြားမွန္း မသိလိုက္ဘူး။ တက္တူးနဲ႕ ေကာင္ေလးက မီးခိုးေတြ ထြက္လာတဲ့အခ်ိန္ ကားအေနာက္ဘက္ကို ေလွ်ာက္သြားျပီး ေတာ္ေတာ္လွမ္းလွမ္းမွာ ဖုန္းသြားေျပာတယ္ ၊ ေျပာျပီးေတာ့မွ ကားနားကို ျပန္လာတယ္ ရပ္ႀကည့္ေနတယ္ ၊ သူ႕မွာ ကယ္ခ်င္ရင္ အခ်ိန္ေတြ အမ်ားႀကီး ရပါေသးတယ္ ဟု မ်က္ျမင္သက္ေသတစ္ဦးျဖစ္သူ ဦးျမစံ (ခ) ေမာင္ေငြ က ေတြ႕ရွိခ်က္မ်ားအား ရွင္းျပသည္။

ယင္းသို႕ ကားမီးမေလာင္ခင္ႏွင့္ ကားမီးေလာင္ေနသည့္အခ်ိန္တြင္ တက္တူးထိုးထားသည့္ လူငယ္မွာ ရပ္ႀကည့္ေနေႀကာင္း လူမ်ားမွာ ကားေမာင္းသူအား အသက္ရွင္ေသးသလား၊ ကားေမာင္သူ ဘယ္သူ ဘယ္၀ါ ျဖစ္သည္ကို ေရရြတ္ေျပာဆိုေနမႈမ်ား ရွိျပီး ၄င္းက ျပန္လည္ေျဖႀကားျခင္း မရွိခဲ့ေႀကာင္း၊ ယင္းသို႕ ကားမီးစြဲေနစဥ္မွာလည္း မႏေလးမွ ျပန္လာသည္ဟု ထင္ရသည့္ ကားတစ္စီးမွ လူတစ္ဦးဆင္းလာကာ မီးသတ္ေဆးဘူးျဖင့္ ျငွိမ္းေပးခဲ့ေႀကာင္း မ်က္ျမင္သက္ေသ ဦးေက််ာ္သန္းက ေျပာျပသည္။

ကားမီးေလာင္တဲ့ေန႕က ကားက ဒီအတိုင္းဘဲ ရွိေနေသးတဲ့အတြက္ ကၽြန္ေတာ္တို႕ေတြ ေဘးကေနပဲ ႀကည့္ေနခဲ့တာပါ။ အကူအညီေပးခ်င္ေပမယ့္ ကားက ႀကီးႀကီးမားမား ဘာမွမျဖစ္ေသးတာရယ္၊ အျမန္လမ္းမွာ ကားတစ္ခုခုျဖစ္လို႕ရွိရင္ ရြာသားေတြက ကားထဲက ေရႊေတြ ေငြေတြ လိုခ်င္လို႕ ေရာက္လာတယ္လို႕ အထင္ခံရမွာစိုးလို႕ အနားကိုေတာင္ မသြားခဲ့ဘူး။ တက္တူးနဲ႕ေကာင္ေလးသာ တံခါးဖြင့္ခ်င္လို႕ အကူအညီေတာင္းရင္ ကၽြန္ေတာ္တို႕ဆီမွာ ႏြားလွန္႕ဖို႕အတြက္ တူေတြ ေရာ၊ တံစဥ္ေတြ၊ ဓားေတြ တုတ္ေတြပါ ပါတယ္။ ကၽြန္ေတာ္တို႕ ကူညီေပးဖို႕ အသင့္ပါ ဟု ဦးေက်ာ္သန္းက ဆက္လက္ေျပာသည္။

ကားေပၚမွ ဆင္းလာသည့္ လူငယ္ပံုသဏာန္မ်ားမွာ ဂ်င္းေဘာင္းဘီ၀တ္ဆင္ထားျပီး တစ္ဦးမွာ တက္တူးထိုးထားသည္မ်ားကို ေတြ႕ရွိရျပီး ေနာက္ထပ္တစ္ဦးမွာ ခႏၶာကိုယ္ အနည္းငယ္ ေတာင့္တင္းသည့္ ပံုသဏာန္ရွိျပီး သူ၀တ္ဆင္ထားသည့္ ဂ်င္းေဘာင္းဘီမွာ အနည္းငယ္ ပိုမိုေတာက္ပေႀကာင္း မ်က္ျမင္သက္ေသက ၄င္းေတြ႕ရွိခ်က္အား ေျပာသည္။

ကားေပၚမွာ ေနာက္ထပ္ ဆင္းလာသည့္ အမ်ိဳးသားပံုသ႑ာန္မွာ ေသဆံုးသူ ဦး၀င္းထြန္း ဟုတ္၊ မဟုတ္ သိရွိေစရန္အတြက္ ဦး၀င္းထြန္း၏ ဓာတ္ပံုအား မ်က္ျမင္သက္ေသမ်ားသို႕ ျပသရာ ဦး၀င္းထြန္း မဟုတ္ေႀကာင္း မ်က္ျမင္သက္ေသမ်ားအားလံုးက ျပိဳင္တူ ထြက္ဆိုႀကသည္။

ကားမီးမေလာင္ခင္ေရာ မီးေလာင္တဲ့အခ်ိန္မွာပါ ကားထဲကို ဘာမွ မျမင္ရဘူး။ ေအာ္သံလည္း မႀကားရဘူး။ ကားမီးေလာင္ေနတဲ့အခ်ိန္မွာလည္း တက္တူးနဲ႕ ေကာင္ေလးက ရပ္ႀကည့္ေနတယ္။ ဘာမွမလုပ္ဘူး။ သူ႕ကားနဲ႕တိုက္လိုက္တဲ့ သံတိုင္ေတြလည္း ရွိတယ္။ ခဲလံုးေတြလည္း ရွိပါတယ္။ ကားကို တစ္စံုတစ္ရာ မလုပ္ဘူး။ အဲ့ဒီအခ်ိန္မွာ ကားထဲမွာ လူမရွိဘူးလို႕ဘဲ ထင္တာေပါ့။ ျပီးေတာ့မွ လူေတြ ေရာက္လာတယ္။ မီးသတ္ေတြ ေရာက္လာတယ္။ အဲ့ေတာ့မွ တက္တူးနဲ႕ ေကာင္ေလးက ကားထဲမွာ မိန္းကေလးခုႏွစ္ေယာက္၊ ေယာက်္ားေလးတစ္ေယာက္ပါတယ္။ ေယာက်္ားေလးက ကားေမာင္းတဲ့သူလို႕ သူေျပာျပေတာ့မွ သိရတယ္ ဟု မ်က္ျမင္သက္ေသ ဦးသိန္းထြန္းက ရွင္းျပသည္။

ကားဘီးေပါက္သည္ဆိုပါက ကားဘီးေပါက္သံ ႀကားရမည္ျဖစ္ေႀကာင္း၊ ယခုမွာ အသံမႀကားရေႀကာင္း၊ ဘယ္ဘက္ဘီးေပါက္ပါက ညာဖက္သို႕ ဆြဲသြားသည့္ အေနအထားအား မေတြ႕ရေႀကာင္း ၄င္းက ဆက္လက္ ရွင္းျပသည္။

ကားဘီးေပါက္တဲ့ပံုစံေတာ့ မေတြ႕ရဘူး။ ကားဘီးေပါက္တယ္ဆိုရင္ ကားက လူးေနတဲ့ပံုစံ ေတြ႕ရမယ္။ အခုက ေဘးအျခမ္းကို ပြတ္ဆြဲသြားတဲ့ပံုစံမ်ိဳး ျဖစ္ေနတယ္။ ကားက လမ္းပလက္ေဖာင္းေပၚ ဘီးတစ္ဘီးတင္တယ္။ ျပီးေတာ့မွ လမ္းမေပၚ ျပန္က်တယ္။ ေနာက္ျပီး ကားမီးေလာင္ျပီးတဲ့အခ်ိန္မွာ လူငယ္တစ္ေယာက္ ေရာက္လာတယ္။ အဲ့လူငယ္က ဒီထဲမွာ ကၽြန္ေတာ့္ရည္စားပါသြားတယ္ဆိုျပီး ေျပာတယ္။ အဲ့တာကို တက္တူးနဲ႕ေကာင္ေလးက အစ္ကို စိတ္ေျဖပါဗ်ာ၊ ဒီထဲမွာ ကၽြန္ေတာ့္ ေကာင္မေလးလည္း ပါသြားတယ္လို႕ သူက ေအးေအးေဆးေဆးဘဲ ေျပာတယ္။ အဲ့ေတာ့ဗ်ာ သူ႕ေကာင္မေလးေတာင္ ပါသြားရင္ သူဘာလို႕ မကယ္ရတာလဲ၊ ကၽြန္ေတာ္တို႕လည္း အဲ့အခ်ိန္က်မွ အံႀသမိတယ္ ဟု ဦးသိန္းထြန္းက ေျပာသည္။

ထိုသို႕ ကားမီးေလာင္ၿပီး မီးသတ္ယာဥ္မ်ား ေရာက္ရွိလာသည့္အခ်ိန္ဥ္ မီးမ်ားျငွိမ္းသတ္ျပီး မ်က္ျမင္သက္ေသအဖြဲ႕မ်ားသည္ မီးေလာင္သည့္ ကားေနရာသို႕ သြားေရာက္ ႀကည့္ရွႈ႕ရန္ သြားခဲ့ေသာ္လည္း သက္ဆိုင္ရာ တာ၀န္ရွိသူမ်ားက အနားသို႕ မကပ္ရန္ ေျပာဆိုခဲ့ေႀကာင္း ၄င္းက ထပ္မံဆိုသည္။

ယင္းသို႕ မ်က္ျမင္သက္ေသမ်ား၏ ေျပာႀကားခ်က္အျပီးတြင္ တက္တူးျဖင့္ ရွိေနသည့္လူမွာ ေအာင္ခန္႕ဟု ေခၚဆိုေႀကာင္း သိရွိခဲ့ရျပီး ကနဦးထြက္ဆိုမ်ားဥ္ ကားမီးေလာင္ရာတြင္ ယာဥ္ေမာင္းသူ ပါသြားခဲ့ေႀကာင္း၊ ကားမွာ ဘယ္ဘက္ရွိ သံေပါင္ႏွင့္တိုက္မိကာ ဆီတိုင္ကီကြဲသြားခဲ့ေႀကာင္း၊ ယာဥ္တိုက္မႈျဖစ္သည့္ အရွိန္ေႀကာင့္ ကိုေအာင္ခန္႕မွာ အျပင္သို႕ လြင္စဥ္ခဲ့ျခင္းေႀကာင့္ အသက္ရွင္ခဲ့ျခင္းျဖစ္ေႀကာင္းႏွင့္ ယာဥ္ေမာင္းသူမွာ ဦး၀င္းထြန္းျဖစ္ျပီး ေအာင္ခန္႕၏ ဖုန္းမွာ ကားမီးေလာင္မႈတြင္ ပါသြားခဲ့ေႀကာင္း ျပည္တြင္းမီဒီယာမ်ားႏွင့္ ေတြ႕ဆံုစဥ္ ထြက္ဆိုထားသည္ကို ေတြ႕ရသည္။ ျပီးေနာက္ ရဲတပ္ဖြဲ႕၀င္မ်ား စစ္ေဆးရာတြင္လည္း ၄င္းမွာ ယာဥ္ေမာင္းျဖစ္ေႀကာင္း ၀န္ခံခဲ့ျပီး ဦး၀င္းထြန္းသည္ သူ၏ေဘးဥ္ရွိေႀကာင္း ထပ္မံေျပာဆိုထားသည္ကိုလည္း ေတြ႕ရွိရေပသည္။ ထို႕အျပင္ ကားတံခါးမ်ား မီးေလာင္ပါက အလိုအေလ်ာက္ ပိတ္သည္ဟု ေျပာဆိုေ၀ဖန္မႈမ်ားကိုလည္း ပ်ံ႕ႏွံခဲ့သည္။

အထက္ပါ အေႀကာင္းအရာမ်ားတြင္ ဦး၀င္းထြန္းသည္ ေအာင္ခန္႕၏ ေဘးနားဥ္ အမွန္တကယ္ရွိေနျခင္း၊ ဟုတ္ မဟုတ္ႏွင့္ ကားမေတာ္မဆျဖစ္သည့္အခ်ိန္တြင္ မ်က္ျမင္သက္ေသမ်ား၏ ေျပာႀကားခ်က္မ်ားအရ အေရွ႕ကားတံခါးအား ဖြင့္ေနျခင္းသည္ အလိုအေလ်ာက္ ကားတံခါးမ်ား ပိတ္သည္ဆိုသည့္ အခ်က္မ်ားအားလည္းေကာင္း၊ ေအာင္ခန္႕ႏွင့္ ကားေပၚက ဆင္းလာသူ အမ်ိဳးသားမွာ မည္သူမည္၀ါ ျဖစ္ေႀကာင္းတို႕သည္ စိတ္၀င္စားဖြယ္ ေမးခြန္းထုတ္စရာမ်ားပင္ ျဖစ္လာခဲ့သည္။

ေသဆံုးသူမ်ား၏ ခႏၶာကိုယ္ေတြ ဘယ္မွာရွိေနလဲ

Hiace ကားေပၚဥ္ မီးေလာင္ကၽြမ္းျပီး က်န္ရွိေနေသးသည့္ ခႏာကိုယ္မ်ားအား လွည္းကူးၿမိဳ႕နယ္၊ ကရုဏာရွင္အသင္းမွ သြားေရာက္ သယ္ယူခဲ့ျခင္း ျဖစ္သည္။

ကၽြန္ေတာ္တို႕ ကားနားကို ေရာက္သြားတဲ့အခ်ိန္မွာ ေနာက္ခန္းတံခါးဟေနတယ္။ ဒါက မီးေလာင္ကၽြမ္းမႈေႀကာင့္ ဟေနတာလည္း ျဖစ္ေကာင္း ျဖစ္ႏိုင္တယ္။ ကၽြန္ေတာ္တို႕ အရင္ဆံုး စခ်လိုက္တဲ့ ရုပ္အေလာင္းက တံခါး၀က ႏွစ္ေလာင္း၊ ျပီးေတာ့ ယာဥ္ေမာင္းထိုင္ခံုနဲ႕ အေနာက္က ထိုင္ခံုမွာ အေလာင္း ႏွစ္ခု ေတြ႕တယ္။ အဲ့အေလာင္းကေတာ့ လဲေနတဲ့ ပံုစံ အေနအထား တံခါး၀ အနားက ရခဲ့တဲ့ အေလာင္းႏွစ္ခုကေတာ့ ထိုင္ခံုနဲ႕ ကပ္ေနတဲ့ အေနအထားကို ေတြ႕ရတယ္။ ျပီးေတာ့ ေနာက္ဆံုးတန္းခံုေတြမွာ ဖက္လ်က္ အေနအထားပံုစံမ်ိဳး ႏွစ္ေယာက္ ႏွစ္ေယာက္စီ ေတြ႕ရတယ္။ ႏွစ္ေယာက္ကို ေတာ့ ကၽြန္ေတာ္တို႕ ေဘးတံခါးေပါက္ကေနျပီးေတာ့ သယ္ခဲ့တယ္။ ေနာက္ႏွစ္ေယာက္ကိုေတာ့ အေနာက္တံခါးကေန သယ္ခဲ့တယ္။ အေရွ႕ေခါင္းခန္းမွာေတာ့ အ၀တ္ေတြ မီးမျငိမ္းေသးဘူး။ အင္ဂ်င္တံုးႀကီး မီးေလာင္ေနတာလည္း ေတြ႕ရတယ္။ တစ္ဖက္မွာ ေဟာင္းေလာင္းေပါက္ႀကီး ေတြ႕ရတယ္။ ဘာရုပ္အေလာင္းမွ မေတြ႕ခဲ့ရဘူး ဟု လွည္းကူးၿမိဳ႕နယ္ ကရုဏာရွင္အသင္းမွ ကိုသန္းလြင္က သူ၏ ေတြ႕ရွိခ်က္မ်ားကို ေျပာျပခဲ့သည္။

၄င္းေျပာျပခ်က္မ်ားအရ ေသဆံုးသူ ခႏာကိုယ္ ရွစ္ခုသည္ ကား၏ အတြင္းပိုင္းမွာသာ ေတြ႕ရွိခဲ့ရသည့္အတြက္ ေအာင္ခန္႕၏ ေဘးတြင္ ဦး၀င္းထြန္းရွိေနသည္ ဆိုသည့္ ေအာင္ခန္႕၏ ထြက္ဆိုခ်က္သည္ အေလာင္းေကာက္ခဲ့သည့္ လွည္းကူးၿမိဳ႕နယ္ ကရုဏာရွင္အသင္းမွ ကိုသန္းလြင္၏ ေျပာဆိုခ်က္မ်ားႏွင့္ ကြဲလြဲေနသည္ကို စိတ္၀င္စားဖြယ္ ေတြ႕ရွိရေပသည္။

CIDကေသဆံုးသူ အမ်ိဳးသမီးတစ္ဦး၏ ခ်စ္သူႏွင့္ ေတြ႕ဆံုျပီး ဘာေတြ ေျပာခဲ့သလဲ

CID ဌာနမွ ကားမီးေလာင္ျပီး ေသဆံုးသူ အမ်ိဳးသမီးတစ္ဦး၏ ခ်စ္သူႏွင့္ ေတြ႕ဆံုျပီး အဆိုပါ အမႈကိစၥႏွင့္ ေျပာဆိုခဲ့ေႀကာင္း သိရသည္။

ပထမဦးဆံုး စစ္တဲ့ပံုစံမ်ိဳးေတာ့ မဟုတ္ပါဘူး။ ဒီတိုင္းေလးဘဲ ေမးတဲ့ပံုစံပါ။ မိသားစုအေႀကာင္းေတြ ေမးတယ္။ အလုပ္အကိုင္ေတြ ေမးတယ္။ ျပီးေတာ့မွ ခရီးစသြားကတည္းက ခရီးဆံုးတဲ့အထိ ကၽြန္ေတာ့္ေကာင္မေလးနဲ႕ ဘယ္အခ်ိန္ေတြ ဖုန္းဆက္ခဲ့လည္း ဘာေတြ ထူးထူးျခားျခား ရွိေနလဲ။ သူျပန္လာတာကို ဘယ္မွာ ေစာင့္ေနမယ္လို႕ ေျပာခဲ့သလဲ။ အဲတာေတြ ေမးေတာ့ ကၽြန္ေတာ္တို႕ ဖုန္းဆက္ခဲ့တဲ့အခ်ိန္ေတြကို ေျပာျပခဲ့တယ္။ ဘာထူးထူးျခားျခားမွ မရွိဘူး။ ကၽြန္ေတာ္က အျမဲတမ္းသူ႕ကို ကိုးမိုင္မွာ ေစာင့္ေနက်ဆိုေတာ့ ကိုးမိုင္မွာဘဲ ေစာင့္ေနမယ္လို႕ ေျပာခဲ့တယ္။ ျပီးေတာ့ ကၽြန္ေတာ္တို႕ ဖုန္းမရေတာ့ဘူး ဟု ေသဆံုးသူ အမ်ိဳးသမီးတစ္ဦး၏ ခ်စ္သူက ၄င္းႏွင့္ CID မွ အရာရွိတစ္ဦးႏွင့္ ေတြ႕ဆံုစဥ္ ေျပာဆိုခ်က္မ်ားအား ျပန္လည္ ေျပာျပခဲ့သည္။

ထို႕ေနာက္ ယင္းအရာရွိက ယခုျဖစ္ပြားခဲ့သည့္ ျဖစ္စဥ္မွာ ကား၏ ဘယ္ဘက္ဘီးေပါာက္ျပီး လမ္းေဘးရွိ တိုင္မ်ားအား တိုက္မႈေႀကာင့္ ဆီတိုင္ကီေပါက္ကြဲ ကားမီးေလာင္ခဲ့ျခင္းျဖစ္ေႀကာင္း၊ ထို႕ေႀကာင့္ ယာဥ္မေတာ္တဆမႈ ျဖစ္ႏိုင္ေျခ မ်ားေနေႀကာင္းကိုလည္း ေသဆံုးခဲ့သည့္ အမ်ိဳးသမီးတစ္ဦး၏ ခ်စ္သူေျပာျပခ်က္အရ သိရသည္။

သူက ဘီးေပါက္တယ္၊ အရွိန္မထိန္းႏိုင္လို႕ ရွစ္လက္မလား မသိဘူး၊ ကၽြန္ေတာ္လည္း မမွတ္မိေတာ့ဘူး သူရွင္းျပတဲ့အထဲမွာ တိုင္ေတြနဲ႕ ဆီတိုင္ကီကို ထိုးခြဲတယ္။ ဆီတိုင္ကီနဲ႕ ဘက္ထရီအိုးနဲ႕ သံျပားတစ္ျပားပဲ ျခားတယ္၊ တိုက္မိတဲ့ အရွိန္ေႀကာင့္ ၀ိုင္ယာေရွာ့ခ္ျဖစ္ျပီး ဆီတိုင္ကီကေနတဆင့္ မီးေလာင္ခဲ့တယ္။ ေနာက္ျပီး ABS ေအာ္တိုဘရိတ္ကင္း စစ္စတန္မ္ ျပဳတ္ထြက္သြားလို႕ ဘရိတ္အုပ္လို႕ မရေတာ့ဘူးလို႕ သူ(ရဲအရာရွိ)က ေျပာျပခဲ့တယ္ ဟု ေသဆံုးသူ အမ်ိဳးသမီးတစ္ဦး၏ ခ်စ္သူက ထပ္မံရွင္းျပသည္။

ထိုသို႕ မီးေလာင္ေနခ်ိန္တြင္ ေအာင္ခန္႕မွာ အဘယ္ေႀကာင့္ မကယ္သလဲဟု ေသဆံုးသူ အမ်ိဳးသမီး၏ ခ်စ္သူက ေမးျမန္းခဲ့သည္။

ေအာင္ခန္႕က မွန္ေတြကို ခဲေတြနဲ႕ ခြဲတယ္၊ တံခါးကို ဆြဲဖြင့္လို႕ လက္သန္းမွာ ဒဏ္ရာရသြားတယ္၊ ကို၀င္းထြန္းက သူ႕ေဘးမွာ ရွိတဲ့အတြက္ ကို၀င္းထြန္းကို ကယ္ေတာ့ ကို၀င္းထြန္းက ထိုင္ခံုနဲ႕ ေျခေထာက္နဲ႕ ညွပ္ေနလို႕ ဆြဲထုတ္လို႕ မရဘူး။ အသားစေတြ ေတာင္ ရွိတယ္လို႕ ရဲအရာရွိက ေအာင္ခန္႕ ရဲ႕ ထြက္ဆိုခ်က္ေတြကို ကၽြန္ေတာ့္ကို ေျပာျပတယ္ ဟု ၄င္းက ဆက္လက္ေျပာသည္။

ကားမီးေလာင္သည့္ ဓာတ္ပံုမ်ားတြင္ ယာဥ္ေမာင္းေဘးတြင္ ရွိေနေသာ ထိုင္ခံု၏ ေက်ာ္အမွီသည္ အေနာက္သို႕ အနည္းငယ္ လွန္ထားသည့္ ပံုသ႑ာန္ ေတြ႕ရွိရေသာေႀကာင့္ ေျခေထာက္ညပ္ႏိုင္မည္ မဟုတ္ေႀကာင္း အဘယ္ေႀကာင့္ဆိုေသာ္ ကား၏ဦးေခါင္းမွာ ေႀကမြသြားျခင္း မရွိေသာေႀကာင့္ ျဖစ္ေႀကာင္း မသင္းသင္းေမာ္(ေသဆံုးသူ)၏ အမ်ိဳးသား ကိုေအာင္ကိုဦးက ဆိုသည္။

ကၽြန္ေတာ္တို႕ ကားမီးေလာင္ျပီးေတာ့ ေရာက္သြားတဲ့အခ်ိန္မွာ ကားအတြင္း အေနာက္ခန္းထဲမွာ ထမင္းခ်ိဳင့္ တစ္ခ်ိဳင့္ရယ္၊ ယာဥ္ေမာင္းေဘးမွာ ထမင္းခ်ိဳင့္ တစ္ခ်ိဳင့္ ရယ္ ေတြ႕ခဲ့ရတယ္။ အဲဒီထမင္းခ်ိဳင့္ေတြက ေသဆံုးသူေတြရဲ႕ မိသားစု၀င္ေတြက ထည့္ေပးလိုက္တယ္ဆိုတာ မျဖစ္ႏိုင္ဘူး။ ဘာလို႕လည္းဆိုေတာ့ ခရီးသြားျပီး ဟိုတယ္မွာေနတဲ့လူေတြအတြက္ ဒီထမင္းခ်ိဳင့္ေတြ လိုမွာ မဟုတ္ဘူး။ ဒီထမင္းခ်ိဳင့္ေတြ အတြင္းမွာ ဘာပါလဲဆိုတာ စစ္ေဆးေစခ်င္တယ္။ ေနာက္ျပီး ယာဥ္ေမာင္းသူ ေအာင္ခန္႕ကိုလည္း မူးယစ္ေဆး၀ါး သံုးစြဲမႈ ရွိ၊ မရွိ စစ္ေဆးေစခ်င္တယ္ဟု မသင္းသင္းေမာ္ (ေသဆံုး)၏ အမ်ိဳးသား ျဖစ္သူ ကိုေအာင္ကိုဦးက ေျပာသည္။

ကားေပၚဥ္ ေတြ႕ရွိခဲ့သည့္ ထမင္းခ်ိဳင့္ မ်ားအား CID ဌာနမွ စစ္ေဆးမႈမ်ား ျပဳလုပ္ခဲ့ျခင္း ရွိ၊ မရွိအား ေသဆံုးသူ အမ်ိဳးသမီး၏ ခ်စ္သူက ေမးျမန္းခဲ့ေႀကာင္းလည္း သိရသည္။

အဲ့ဒီထမင္းခ်ိဳင့္နဲ႕ ပတ္သက္ျပီး ေမးျမန္းတဲ့အခါမွာ CID က သူတို႕ဆီ ေရာက္လာတဲ့အခ်ိန္ ထမင္းခ်ိဳင့္က ကိုင္းေတြဘဲ ရွိေတာ့တယ္။ အထဲက ခြက္ေတြ မရွိေတာ့ဘူးလို႕ ျပန္ေျပာတယ္။ ေနာက္ျပီး ကားေခါင္းရဲ႕ အေရွ႕မွာ ေအာက္က ေစာင့္တိုက္ထားလို႕ ေဟာင္းေလာင္း ေပါက္ႀကီးျဖစ္ေနတယ္လို႕လည္း ေျပာတယ္ ဟု ၄င္းက ရွင္းျပသည္။

အဆိုပါ အေႀကာင္းရာမ်ားသည္ ေသဆံုးသူ အမ်ိဳးသမီး၏ ခ်စ္သူအား သက္ဆိုင္ရာ တာ၀န္ရွိသူမ်ားႏွင့္ ေတြ႕ဆံုခဲ့ျပီး ေျပာဆိုခဲ့ျခင္းမ်ားကို ၄င္းထံမွ ျပန္လည္သိရွိရျပီး က်န္ရွိေနသည့္ မိသားစု၀င္မ်ားအား စစ္ေဆးမႈျပဳလုပ္ျခင္း မရွိေသးေႀကာင္းကိုလည္း ၄င္းက ထပ္မံေျပာျပသည္။

ကၽြန္ေတာ္က ဒီျဖစ္စဥ္နဲ႕ ပတ္သက္ျပီး အမႈမွန္ေပၚေပါက္ဖို႕အတြက္ တစ္စိုက္မတ္မတ္ လုပ္ေနတဲ့သူပါ။ ကၽြန္ေတာ္ကိုေတာ့ ေခၚယူေတြ႕ဆံုျခင္း မရွိေသးပါဟု မသင္းသင္းေမာ္ ၏ အမ်ိဳးသား ကိုေအာင္ကိုဦးက ေျပာသည္။

ေနာက္ဆံုး အေျခအေန

အဆိုပါ ကားမီးေလာင္မႈျဖစ္စဥ္ႏွင့္ ပတ္သက္ျပီး အသက္ရွင္လြတ္ေျမာက္လာသူ ကိုေအာင္ခန္႕အား ဇန္န၀ါရီ ၂၃ ရက္တြင္ အမွတ္(၃) လမ္းဆံု၊ အျမန္လမ္းရဲစခန္းတြင္ စစ္ေဆးခဲ့ျပီး CID ဌာနသို႕ လႊဲေျပာင္းကာ ေဖေဖာ္၀ါရီ ၆ ရက္တြင္ ေနာက္ထပ္ ရမန္ႀကီး ထပ္ယူခဲ့သည္။ တရားခံဟု ယူဆထားသူ ကိုေအာင္ခန္႕မွာ လွည္းကူးၿမိဳ႕နယ္ တရားရံုးသို႕ လာေရာက္ျခင္း မရွိဘဲ မ်က္ကြယ္ရမန္သာ ယူခဲ့ျခင္း ျဖစ္သည္။

ထို႕ေႀကာင့္ ေဖေဖာ္၀ါရီ ၂၀ ရက္တြင္ လွည္းကူးၿမိဳ႕နယ္ တရားရံုးသို႕ လာေရာက္ရန္ ျပန္လည္ခ်ိန္းဆိုခဲ့သည္။

တရားခံဟု ယူဆထားသူ ေအာင္ခန္႕အား ရာဇသတ္ႀကီး ပုဒ္မ 304(က)/338/285 တို႕ျဖင့္ အမႈဖြင့္ အေရးယူထားသည္။

ေဇယ်ာ ၊ လင္းလင္း
The Speaker

မွတ္ခ်က္ ။ ။ အထက္ပါ အေႀကာင္းအရာမ်ားသည္ ေဖေဖာ္၀ါရီလ (၉)ရက္ေန ့ထုတ္  The Speaker  ဂ်ာနယ္ပါ သတင္းေဆာင္းပါးအား ျပန္လည္ ရိုက္ႏွိပ္ဖတ္ရွႈ႕ႏိုင္ရန္ တင္ေပးျခင္းျဖစ္ပါသည္။


Unicode 
ဇန်နဝါရီ ၂၁ ရက် နံနက် ၈ နာရီတွင် ရန်ကုန်- မန္တလေးအမြန်လမ်းမကြီး လေးမိုင်တွင် Hiace အံစာတုံးကား မီးလောင်မှုဖြစ်ပွားခဲ့သဖြင့် အမျိုးသားတစ်ဦး၊ အမျိုးသမီး ခုနှစ်ဦး စုစုပေါင်း ရှစ်ဦးသေဆုံးခဲ့ပြီး တစ်ဦးလွတ်မြောက်ခဲ့သည်ကို စာဖတ်ပရိသတ်များ သိရှိခဲ့ပြီးဖြစ်သည်။

အဆိုပါဖြစ်စဉ်သည် ကားမီးလောင်မှုဖြစ်သည်ထက် ကားထဲမှ သေဆုံးခဲ့သည့် လူရှစ်ဦး ရုန်းကန်မှုမရှိခြင်း၊ ယာဉ်မောင်းသေဆုံးသွားပြီဟု ပြောဆိုပြီးကာမှ အသက်ရှင်လွတ်မြောက်သူမှာ ယာဉ်မောင်းသူဖြစ်နေခြင်း စသည့်အချက်များအပြင် ဝေဖန်သံမျိုးစုံဖြင့် လူမှုပတ်ဝန်းကျင်၌ အကျော်ကြားဆုံးဖြစ်ရပ်ဖြစ်ပြီး ယနေ့တိုင် လူတိုင်းမေ့မရသည့် ဖြစ်စဉ်ဖြစ်ခဲ့သည်။

ထိုနောက် ယာဉ်မောင်းသူ အောင်ခန့် အား အမြန်လမ်းရဲတပ်ဖွဲ့မှ အမှုဖွင့်ခဲ့ပြီး CID ဌာနသို့ ယင်းအမှုအား ကိုင်တွယ်ရန် လွှဲပြောင်းပေးခဲ့သည်။ အောင်ခန့်၏ ထွက်ဆိုချက်နှင့် အခင်းဖြစ်ပွားရာ မြေပြင်နေရာဉ် ကျန်ရှိနေသည့် ပစည်းများ သက်သေဗီဒီယိုဖိုင်များနှင့် မျက်မြင်သက်သေတို့၏ ထွက်ဆိုချက်များသည် လွဲမှားနေကြောင်း တွေ့ခဲ့ရသည်။

Hiace ကားမတိုက်မီအချိန်နှင့် မီးမလောင်ခင်အချိန် အနည်းငယ်တွင် (ရန်ကုန် မှ နေပြည်တော် သွားသည့် ဘက်ခြမ်း ကားလမ်းမှ) နေပြည်တော်မှ ရန်ကုန်ပြန်လာသည့် ကားလမ်းဘက်သို့ ဆိုင်ကယ်ဖြင့် လမ်းဖြတ်ကူးရန်အတွက် ကွေ့ကြောပေးထားသည့် နေရာတွင် စောင့်စားနေသည့် တောင်သူ ခုနှစ်ဦး ရှိနေခဲ့သည်။

ကျွန်တော်တို့က ကျောက်အိုင်ကျေးရွာမှာ နေထိုင်တယ်။ အမြန်လမ်းတစ်ဖက်မှာ ရှိနေတဲ့ ယာတောထဲမှာ အလုပ်လုပ်ဖို့ သွားရပါတယ်။ ကားတိုက်တဲ့နေ့ကလည်း ကျွန်တော့်သူငယ်ချင်းတွေနဲ့အတူ ကားလမ်းမတစ်ဖက် (မန္တလေးမှ ရန်ကုန်ဘက်သို့ သွားသည့်လမ်း) ကို ကူးဖို့ ဆိုင်ကယ်နဲ့ စောင့်နေတဲ့အချိန် ကိုသိန်းထွန်းက ဆိုင်ကယ်ပေါ်က ဆင်းပြီး ကားဆင်းကြည့်ရမလား ပြောတော့ ကြည့်မနေနဲ့ ဟိုမှာ ကားတစ်စီးလာနေတယ်ဆိုပြီး ပြောတဲ့အချိန် အဲဒီကားက ကျွန်တော်တို့ ဘေးနားကနေ ဖြတ်ပြီး လမ်းဘေးက သံပြားတွေကို ပွတ်ဆွဲသွားတယ်။ ပလက်ဖောင်းကို တိုက်ပြီးတော့ ပလက်ဖောင်းဘေးနားမှာ ရပ်လျက်သွားတွေ့ခဲ့ရတယ်။ အရှိန်တော့ သိပ်မပြင်းပါဘူး။ အမြန်လမ်းမှာ တိုက်တဲ့ကားတွေ မှန်သမျှ အရှိန်ပြင်းတဲ့အတွက် တုံးလုံးလဲသွားတာချည်းဘဲဟု မျက်မြင်သက်သေတစ်ဦးဖြစ်သူ ဦးကျော်သန်းက ပြောသည်။

ထိုသို့ ကားရပ်တန့်သွားစဉ် ညာဘက်ခြမ်းမှ လူတစ်ဦးထွက်လာပြီး ဘယ်ဘက်ခြင်း တွင်ရှိသော ကားတံခါးအား ဆွဲဖွင့်သောကြောင့် နောက်ထပ်လူတစ်ဦးထပ်မံထွက်လာခဲ့ကြောင်း ယင်းသို့ ထွက်လာခဲ့ပြီး ၄င်းတို့နှစ်ဦးမှာ ကား၏အနောက်ဘက်သို့ အနည်းငယ်လမ်းလျှောက်သွားကာ စကားပြောဆိုနေကြောင်း မျက်မြင်သက်သေတစ်ဦးဖြစ်သူ ဦးသိန်းထွန်းက ပြောသည်။

သူတို့နှစ်ယောက်က စကားပြောနေတဲ့အချိန် ကားက မီးမလောင်သေးဘူး။ သူတို့ စကားရပ်ပြောတဲ့အချိန်က သုံး၊ လေးမိနစ်လောက်ကြာတယ်။ ပြီးတော့မှ ညာဘက်က လူက ကားကို ပတ်ပတ်လည်ကြည့်ပြီးတော့ ဘယ်ဘက်က ဆင်းလာတဲ့လူက သူဆင်းလာတဲ့တံခါးကို ပြန်ဖွင့်လိုက်တဲ့အချိန် ဟုန်းဆိုပြီး မီးခိုးဟပ်တဲ့ပုံစံ တွေ့လိုက်ရတယ်။ သူလည်း အနောက်ကို ပြန်ဆုတ်လိုက်တယ်။ မီးတော့ မစွဲသေးဘူး။ မီးခိုးဘဲ ထွက်သေးတယ်။ သူတို့နှစ်ယောက်ပြီးတော့ ကားနဲ့တော်တော် ဝေးတဲ့နေရာကိုသွားပြီး တက်တူးရှိတဲ့ လူငယ်က ဖုန်းအေးဆေးပြောတယ်။ ပြီးတော့ သူက ရပ်ကြည့်နေတယ်။ အဲ့အချိန်မှာ ကားက မီးစွဲနေပြီ။ နောက်တစ်ယောက်ကတော့ ကားမီးခိုးတွေ ထွက်လာပြီး မီးနည်းနည်းပဲ စွဲသေးတဲ့အချိန် လူတွေကလည်း ရောက်လာတော့ ဘယ်ပျောက်သွားမှန်း မသိလိုက်ဘူး။ တက်တူးနဲ့ ကောင်လေးက မီးခိုးတွေ ထွက်လာတဲ့အချိန် ကားအနောက်ဘက်ကို လျှောက်သွားပြီး တော်တော်လှမ်းလှမ်းမှာ ဖုန်းသွားပြောတယ် ၊ ပြောပြီးတော့မှ ကားနားကို ပြန်လာတယ် ရပ်ကြည့်နေတယ် ၊ သူ့မှာ ကယ်ချင်ရင် အချိန်တွေ အများကြီး ရပါသေးတယ် ဟု မျက်မြင်သက်သေတစ်ဦးဖြစ်သူ ဦးမြစံ (ခ) မောင်ငွေ က တွေ့ရှိချက်များအား ရှင်းပြသည်။

ယင်းသို့ ကားမီးမလောင်ခင်နှင့် ကားမီးလောင်နေသည့်အချိန်တွင် တက်တူးထိုးထားသည့် လူငယ်မှာ ရပ်ကြည့်နေကြောင်း လူများမှာ ကားမောင်းသူအား အသက်ရှင်သေးသလား၊ ကားမောင်သူ ဘယ်သူ ဘယ်ဝါ ဖြစ်သည်ကို ရေရွတ်ပြောဆိုနေမှုများ ရှိပြီး ၄င်းက ပြန်လည်ဖြေကြားခြင်း မရှိခဲ့ကြောင်း၊ ယင်းသို့ ကားမီးစွဲနေစဉ်မှာလည်း မနလေးမှ ပြန်လာသည်ဟု ထင်ရသည့် ကားတစ်စီးမှ လူတစ်ဦးဆင်းလာကာ မီးသတ်ဆေးဘူးဖြင့် ငြှိမ်းပေးခဲ့ကြောင်း မျက်မြင်သက်သေ ဦးကျော်သန်းက ပြောပြသည်။

ကားမီးလောင်တဲ့နေ့က ကားက ဒီအတိုင်းဘဲ ရှိနေသေးတဲ့အတွက် ကျွန်တော်တို့တွေ ဘေးကနေပဲ ကြည့်နေခဲ့တာပါ။ အကူအညီပေးချင်ပေမယ့် ကားက ကြီးကြီးမားမား ဘာမှမဖြစ်သေးတာရယ်၊ အမြန်လမ်းမှာ ကားတစ်ခုခုဖြစ်လို့ရှိရင် ရွာသားတွေက ကားထဲက ရွှေတွေ ငွေတွေ လိုချင်လို့ ရောက်လာတယ်လို့ အထင်ခံရမှာစိုးလို့ အနားကိုတောင် မသွားခဲ့ဘူး။ တက်တူးနဲ့ကောင်လေးသာ တံခါးဖွင့်ချင်လို့ အကူအညီတောင်းရင် ကျွန်တော်တို့ဆီမှာ နွားလှန့်ဖို့အတွက် တူတွေ ရော၊ တံစဉ်တွေ၊ ဓားတွေ တုတ်တွေပါ ပါတယ်။ ကျွန်တော်တို့ ကူညီပေးဖို့ အသင့်ပါ ဟု ဦးကျော်သန်းက ဆက်လက်ပြောသည်။

ကားပေါ်မှ ဆင်းလာသည့် လူငယ်ပုံသဏာန်များမှာ ဂျင်းဘောင်းဘီဝတ်ဆင်ထားပြီး တစ်ဦးမှာ တက်တူးထိုးထားသည်များကို တွေ့ရှိရပြီး နောက်ထပ်တစ်ဦးမှာ ခန္ဓာကိုယ် အနည်းငယ် တောင့်တင်းသည့် ပုံသဏာန်ရှိပြီး သူဝတ်ဆင်ထားသည့် ဂျင်းဘောင်းဘီမှာ အနည်းငယ် ပိုမိုတောက်ပကြောင်း မျက်မြင်သက်သေက ၄င်းတွေ့ရှိချက်အား ပြောသည်။

ကားပေါ်မှာ နောက်ထပ် ဆင်းလာသည့် အမျိုးသားပုံသဏ္ဍာန်မှာ သေဆုံးသူ ဦးဝင်းထွန်း ဟုတ်၊ မဟုတ် သိရှိစေရန်အတွက် ဦးဝင်းထွန်း၏ ဓာတ်ပုံအား မျက်မြင်သက်သေများသို့ ပြသရာ ဦးဝင်းထွန်း မဟုတ်ကြောင်း မျက်မြင်သက်သေများအားလုံးက ပြိုင်တူ ထွက်ဆိုကြသည်။

ကားမီးမလောင်ခင်ရော မီးလောင်တဲ့အချိန်မှာပါ ကားထဲကို ဘာမှ မမြင်ရဘူး။ အော်သံလည်း မကြားရဘူး။ ကားမီးလောင်နေတဲ့အချိန်မှာလည်း တက်တူးနဲ့ ကောင်လေးက ရပ်ကြည့်နေတယ်။ ဘာမှမလုပ်ဘူး။ သူ့ကားနဲ့တိုက်လိုက်တဲ့ သံတိုင်တွေလည်း ရှိတယ်။ ခဲလုံးတွေလည်း ရှိပါတယ်။ ကားကို တစ်စုံတစ်ရာ မလုပ်ဘူး။ အဲ့ဒီအချိန်မှာ ကားထဲမှာ လူမရှိဘူးလို့ဘဲ ထင်တာပေါ့။ ပြီးတော့မှ လူတွေ ရောက်လာတယ်။ မီးသတ်တွေ ရောက်လာတယ်။ အဲ့တော့မှ တက်တူးနဲ့ ကောင်လေးက ကားထဲမှာ မိန်းကလေးခုနှစ်ယောက်၊ ယောကျာ်းလေးတစ်ယောက်ပါတယ်။ ယောကျာ်းလေးက ကားမောင်းတဲ့သူလို့ သူပြောပြတော့မှ သိရတယ် ဟု မျက်မြင်သက်သေ ဦးသိန်းထွန်းက ရှင်းပြသည်။

ကားဘီးပေါက်သည်ဆိုပါက ကားဘီးပေါက်သံ ကြားရမည်ဖြစ်ကြောင်း၊ ယခုမှာ အသံမကြားရကြောင်း၊ ဘယ်ဘက်ဘီးပေါက်ပါက ညာဖက်သို့ ဆွဲသွားသည့် အနေအထားအား မတွေ့ရကြောင်း ၄င်းက ဆက်လက် ရှင်းပြသည်။

ကားဘီးပေါက်တဲ့ပုံစံတော့ မတွေ့ရဘူး။ ကားဘီးပေါက်တယ်ဆိုရင် ကားက လူးနေတဲ့ပုံစံ တွေ့ရမယ်။ အခုက ဘေးအခြမ်းကို ပွတ်ဆွဲသွားတဲ့ပုံစံမျိုး ဖြစ်နေတယ်။ ကားက လမ်းပလက်ဖောင်းပေါ် ဘီးတစ်ဘီးတင်တယ်။ ပြီးတော့မှ လမ်းမပေါ် ပြန်ကျတယ်။ နောက်ပြီး ကားမီးလောင်ပြီးတဲ့အချိန်မှာ လူငယ်တစ်ယောက် ရောက်လာတယ်။ အဲ့လူငယ်က ဒီထဲမှာ ကျွန်တော့်ရည်စားပါသွားတယ်ဆိုပြီး ပြောတယ်။ အဲ့တာကို တက်တူးနဲ့ကောင်လေးက အစ်ကို စိတ်ဖြေပါဗျာ၊ ဒီထဲမှာ ကျွန်တော့် ကောင်မလေးလည်း ပါသွားတယ်လို့ သူက အေးအေးဆေးဆေးဘဲ ပြောတယ်။ အဲ့တော့ဗျာ သူ့ကောင်မလေးတောင် ပါသွားရင် သူဘာလို့ မကယ်ရတာလဲ၊ ကျွန်တော်တို့လည်း အဲ့အချိန်ကျမှ အံသြမိတယ် ဟု ဦးသိန်းထွန်းက ပြောသည်။

ထိုသို့ ကားမီးလောင်ပြီး မီးသတ်ယာဉ်များ ရောက်ရှိလာသည့်အချိန်ဉ် မီးများငြှိမ်းသတ်ပြီး မျက်မြင်သက်သေအဖွဲ့များသည် မီးလောင်သည့် ကားနေရာသို့ သွားရောက် ကြည့်ရှု့ရန် သွားခဲ့သော်လည်း သက်ဆိုင်ရာ တာဝန်ရှိသူများက အနားသို့ မကပ်ရန် ပြောဆိုခဲ့ကြောင်း ၄င်းက ထပ်မံဆိုသည်။

ယင်းသို့ မျက်မြင်သက်သေများ၏ ပြောကြားချက်အပြီးတွင် တက်တူးဖြင့် ရှိနေသည့်လူမှာ အောင်ခန့်ဟု ခေါ်ဆိုကြောင်း သိရှိခဲ့ရပြီး ကနဦးထွက်ဆိုများဉ် ကားမီးလောင်ရာတွင် ယာဉ်မောင်းသူ ပါသွားခဲ့ကြောင်း၊ ကားမှာ ဘယ်ဘက်ရှိ သံပေါင်နှင့်တိုက်မိကာ ဆီတိုင်ကီကွဲသွားခဲ့ကြောင်း၊ ယာဉ်တိုက်မှုဖြစ်သည့် အရှိန်ကြောင့် ကိုအောင်ခန့်မှာ အပြင်သို့ လွင်စဉ်ခဲ့ခြင်းကြောင့် အသက်ရှင်ခဲ့ခြင်းဖြစ်ကြောင်းနှင့် ယာဉ်မောင်းသူမှာ ဦးဝင်းထွန်းဖြစ်ပြီး အောင်ခန့်၏ ဖုန်းမှာ ကားမီးလောင်မှုတွင် ပါသွားခဲ့ကြောင်း ပြည်တွင်းမီဒီယာများနှင့် တွေ့ဆုံစဉ် ထွက်ဆိုထားသည်ကို တွေ့ရသည်။ ပြီးနောက် ရဲတပ်ဖွဲ့ဝင်များ စစ်ဆေးရာတွင်လည်း ၄င်းမှာ ယာဉ်မောင်းဖြစ်ကြောင်း ဝန်ခံခဲ့ပြီး ဦးဝင်းထွန်းသည် သူ၏ဘေးဉ်ရှိကြောင်း ထပ်မံပြောဆိုထားသည်ကိုလည်း တွေ့ရှိရပေသည်။ ထို့အပြင် ကားတံခါးများ မီးလောင်ပါက အလိုအလျောက် ပိတ်သည်ဟု ပြောဆိုဝေဖန်မှုများကိုလည်း ပျံ့နှံခဲ့သည်။

အထက်ပါ အကြောင်းအရာများတွင် ဦးဝင်းထွန်းသည် အောင်ခန့်၏ ဘေးနားဉ် အမှန်တကယ်ရှိနေခြင်း၊ ဟုတ် မဟုတ်နှင့် ကားမတော်မဆဖြစ်သည့်အချိန်တွင် မျက်မြင်သက်သေများ၏ ပြောကြားချက်များအရ အရှေ့ကားတံခါးအား ဖွင့်နေခြင်းသည် အလိုအလျောက် ကားတံခါးများ ပိတ်သည်ဆိုသည့် အချက်များအားလည်းကောင်း၊ အောင်ခန့်နှင့် ကားပေါ်က ဆင်းလာသူ အမျိုးသားမှာ မည်သူမည်ဝါ ဖြစ်ကြောင်းတို့သည် စိတ်ဝင်စားဖွယ် မေးခွန်းထုတ်စရာများပင် ဖြစ်လာခဲ့သည်။

သေဆုံးသူများ၏ ခန္ဓာကိုယ်တွေ ဘယ်မှာရှိနေလဲ

Hiace ကားပေါ်ဉ် မီးလောင်ကျွမ်းပြီး ကျန်ရှိနေသေးသည့် ခနာကိုယ်များအား လှည်းကူးမြို့နယ်၊ ကရုဏာရှင်အသင်းမှ သွားရောက် သယ်ယူခဲ့ခြင်း ဖြစ်သည်။

ကျွန်တော်တို့ ကားနားကို ရောက်သွားတဲ့အချိန်မှာ နောက်ခန်းတံခါးဟနေတယ်။ ဒါက မီးလောင်ကျွမ်းမှုကြောင့် ဟနေတာလည်း ဖြစ်ကောင်း ဖြစ်နိုင်တယ်။ ကျွန်တော်တို့ အရင်ဆုံး စချလိုက်တဲ့ ရုပ်အလောင်းက တံခါးဝက နှစ်လောင်း၊ ပြီးတော့ ယာဉ်မောင်းထိုင်ခုံနဲ့ အနောက်က ထိုင်ခုံမှာ အလောင်း နှစ်ခု တွေ့တယ်။ အဲ့အလောင်းကတော့ လဲနေတဲ့ ပုံစံ အနေအထား တံခါးဝ အနားက ရခဲ့တဲ့ အလောင်းနှစ်ခုကတော့ ထိုင်ခုံနဲ့ ကပ်နေတဲ့ အနေအထားကို တွေ့ရတယ်။ ပြီးတော့ နောက်ဆုံးတန်းခုံတွေမှာ ဖက်လျက် အနေအထားပုံစံမျိုး နှစ်ယောက် နှစ်ယောက်စီ တွေ့ရတယ်။ နှစ်ယောက်ကို တော့ ကျွန်တော်တို့ ဘေးတံခါးပေါက်ကနေပြီးတော့ သယ်ခဲ့တယ်။ နောက်နှစ်ယောက်ကိုတော့ အနောက်တံခါးကနေ သယ်ခဲ့တယ်။ အရှေ့ခေါင်းခန်းမှာတော့ အဝတ်တွေ မီးမငြိမ်းသေးဘူး။ အင်ဂျင်တုံးကြီး မီးလောင်နေတာလည်း တွေ့ရတယ်။ တစ်ဖက်မှာ ဟောင်းလောင်းပေါက်ကြီး တွေ့ရတယ်။ ဘာရုပ်အလောင်းမှ မတွေ့ခဲ့ရဘူး ဟု လှည်းကူးမြို့နယ် ကရုဏာရှင်အသင်းမှ ကိုသန်းလွင်က သူ၏ တွေ့ရှိချက်များကို ပြောပြခဲ့သည်။

၄င်းပြောပြချက်များအရ သေဆုံးသူ ခနာကိုယ် ရှစ်ခုသည် ကား၏ အတွင်းပိုင်းမှာသာ တွေ့ရှိခဲ့ရသည့်အတွက် အောင်ခန့်၏ ဘေးတွင် ဦးဝင်းထွန်းရှိနေသည် ဆိုသည့် အောင်ခန့်၏ ထွက်ဆိုချက်သည် အလောင်းကောက်ခဲ့သည့် လှည်းကူးမြို့နယ် ကရုဏာရှင်အသင်းမှ ကိုသန်းလွင်၏ ပြောဆိုချက်များနှင့် ကွဲလွဲနေသည်ကို စိတ်ဝင်စားဖွယ် တွေ့ရှိရပေသည်။

CIDကသေဆုံးသူ အမျိုးသမီးတစ်ဦး၏ ချစ်သူနှင့် တွေ့ဆုံပြီး ဘာတွေ ပြောခဲ့သလဲ

CID ဌာနမှ ကားမီးလောင်ပြီး သေဆုံးသူ အမျိုးသမီးတစ်ဦး၏ ချစ်သူနှင့် တွေ့ဆုံပြီး အဆိုပါ အမှုကိစ္စနှင့် ပြောဆိုခဲ့ကြောင်း သိရသည်။

ပထမဦးဆုံး စစ်တဲ့ပုံစံမျိုးတော့ မဟုတ်ပါဘူး။ ဒီတိုင်းလေးဘဲ မေးတဲ့ပုံစံပါ။ မိသားစုအကြောင်းတွေ မေးတယ်။ အလုပ်အကိုင်တွေ မေးတယ်။ ပြီးတော့မှ ခရီးစသွားကတည်းက ခရီးဆုံးတဲ့အထိ ကျွန်တော့်ကောင်မလေးနဲ့ ဘယ်အချိန်တွေ ဖုန်းဆက်ခဲ့လည်း ဘာတွေ ထူးထူးခြားခြား ရှိနေလဲ။ သူပြန်လာတာကို ဘယ်မှာ စောင့်နေမယ်လို့ ပြောခဲ့သလဲ။ အဲတာတွေ မေးတော့ ကျွန်တော်တို့ ဖုန်းဆက်ခဲ့တဲ့အချိန်တွေကို ပြောပြခဲ့တယ်။ ဘာထူးထူးခြားခြားမှ မရှိဘူး။ ကျွန်တော်က အမြဲတမ်းသူ့ကို ကိုးမိုင်မှာ စောင့်နေကျဆိုတော့ ကိုးမိုင်မှာဘဲ စောင့်နေမယ်လို့ ပြောခဲ့တယ်။ ပြီးတော့ ကျွန်တော်တို့ ဖုန်းမရတော့ဘူး ဟု သေဆုံးသူ အမျိုးသမီးတစ်ဦး၏ ချစ်သူက ၄င်းနှင့် CID မှ အရာရှိတစ်ဦးနှင့် တွေ့ဆုံစဉ် ပြောဆိုချက်များအား ပြန်လည် ပြောပြခဲ့သည်။

ထို့နောက် ယင်းအရာရှိက ယခုဖြစ်ပွားခဲ့သည့် ဖြစ်စဉ်မှာ ကား၏ ဘယ်ဘက်ဘီးပေါာက်ပြီး လမ်းဘေးရှိ တိုင်များအား တိုက်မှုကြောင့် ဆီတိုင်ကီပေါက်ကွဲ ကားမီးလောင်ခဲ့ခြင်းဖြစ်ကြောင်း၊ ထို့ကြောင့် ယာဉ်မတော်တဆမှု ဖြစ်နိုင်ခြေ များနေကြောင်းကိုလည်း သေဆုံးခဲ့သည့် အမျိုးသမီးတစ်ဦး၏ ချစ်သူပြောပြချက်အရ သိရသည်။

သူက ဘီးပေါက်တယ်၊ အရှိန်မထိန်းနိုင်လို့ ရှစ်လက်မလား မသိဘူး၊ ကျွန်တော်လည်း မမှတ်မိတော့ဘူး သူရှင်းပြတဲ့အထဲမှာ တိုင်တွေနဲ့ ဆီတိုင်ကီကို ထိုးခွဲတယ်။ ဆီတိုင်ကီနဲ့ ဘက်ထရီအိုးနဲ့ သံပြားတစ်ပြားပဲ ခြားတယ်၊ တိုက်မိတဲ့ အရှိန်ကြောင့် ဝိုင်ယာရှော့ခ်ဖြစ်ပြီး ဆီတိုင်ကီကနေတဆင့် မီးလောင်ခဲ့တယ်။ နောက်ပြီး ABS အော်တိုဘရိတ်ကင်း စစ်စတန်မ် ပြုတ်ထွက်သွားလို့ ဘရိတ်အုပ်လို့ မရတော့ဘူးလို့ သူ(ရဲအရာရှိ)က ပြောပြခဲ့တယ် ဟု သေဆုံးသူ အမျိုးသမီးတစ်ဦး၏ ချစ်သူက ထပ်မံရှင်းပြသည်။

ထိုသို့ မီးလောင်နေချိန်တွင် အောင်ခန့်မှာ အဘယ်ကြောင့် မကယ်သလဲဟု သေဆုံးသူ အမျိုးသမီး၏ ချစ်သူက မေးမြန်းခဲ့သည်။

အောင်ခန့်က မှန်တွေကို ခဲတွေနဲ့ ခွဲတယ်၊ တံခါးကို ဆွဲဖွင့်လို့ လက်သန်းမှာ ဒဏ်ရာရသွားတယ်၊ ကိုဝင်းထွန်းက သူ့ဘေးမှာ ရှိတဲ့အတွက် ကိုဝင်းထွန်းကို ကယ်တော့ ကိုဝင်းထွန်းက ထိုင်ခုံနဲ့ ခြေထောက်နဲ့ ညှပ်နေလို့ ဆွဲထုတ်လို့ မရဘူး။ အသားစတွေ တောင် ရှိတယ်လို့ ရဲအရာရှိက အောင်ခန့် ရဲ့ ထွက်ဆိုချက်တွေကို ကျွန်တော့်ကို ပြောပြတယ် ဟု ၄င်းက ဆက်လက်ပြောသည်။

ကားမီးလောင်သည့် ဓာတ်ပုံများတွင် ယာဉ်မောင်းဘေးတွင် ရှိနေသော ထိုင်ခုံ၏ ကျော်အမှီသည် အနောက်သို့ အနည်းငယ် လှန်ထားသည့် ပုံသဏ္ဍာန် တွေ့ရှိရသောကြောင့် ခြေထောက်ညပ်နိုင်မည် မဟုတ်ကြောင်း အဘယ်ကြောင့်ဆိုသော် ကား၏ဦးခေါင်းမှာ ကြေမွသွားခြင်း မရှိသောကြောင့် ဖြစ်ကြောင်း မသင်းသင်းမော်(သေဆုံးသူ)၏ အမျိုးသား ကိုအောင်ကိုဦးက ဆိုသည်။

ကျွန်တော်တို့ ကားမီးလောင်ပြီးတော့ ရောက်သွားတဲ့အချိန်မှာ ကားအတွင်း အနောက်ခန်းထဲမှာ ထမင်းချိုင့် တစ်ချိုင့်ရယ်၊ ယာဉ်မောင်းဘေးမှာ ထမင်းချိုင့် တစ်ချိုင့် ရယ် တွေ့ခဲ့ရတယ်။ အဲဒီထမင်းချိုင့်တွေက သေဆုံးသူတွေရဲ့ မိသားစုဝင်တွေက ထည့်ပေးလိုက်တယ်ဆိုတာ မဖြစ်နိုင်ဘူး။ ဘာလို့လည်းဆိုတော့ ခရီးသွားပြီး ဟိုတယ်မှာနေတဲ့လူတွေအတွက် ဒီထမင်းချိုင့်တွေ လိုမှာ မဟုတ်ဘူး။ ဒီထမင်းချိုင့်တွေ အတွင်းမှာ ဘာပါလဲဆိုတာ စစ်ဆေးစေချင်တယ်။ နောက်ပြီး ယာဉ်မောင်းသူ အောင်ခန့်ကိုလည်း မူးယစ်ဆေးဝါး သုံးစွဲမှု ရှိ၊ မရှိ စစ်ဆေးစေချင်တယ်ဟု မသင်းသင်းမော် (သေဆုံး)၏ အမျိုးသား ဖြစ်သူ ကိုအောင်ကိုဦးက ပြောသည်။

ကားပေါ်ဉ် တွေ့ရှိခဲ့သည့် ထမင်းချိုင့် များအား CID ဌာနမှ စစ်ဆေးမှုများ ပြုလုပ်ခဲ့ခြင်း ရှိ၊ မရှိအား သေဆုံးသူ အမျိုးသမီး၏ ချစ်သူက မေးမြန်းခဲ့ကြောင်းလည်း သိရသည်။

အဲ့ဒီထမင်းချိုင့်နဲ့ ပတ်သက်ပြီး မေးမြန်းတဲ့အခါမှာ CID က သူတို့ဆီ ရောက်လာတဲ့အချိန် ထမင်းချိုင့်က ကိုင်းတွေဘဲ ရှိတော့တယ်။ အထဲက ခွက်တွေ မရှိတော့ဘူးလို့ ပြန်ပြောတယ်။ နောက်ပြီး ကားခေါင်းရဲ့ အရှေ့မှာ အောက်က စောင့်တိုက်ထားလို့ ဟောင်းလောင်း ပေါက်ကြီးဖြစ်နေတယ်လို့လည်း ပြောတယ် ဟု ၄င်းက ရှင်းပြသည်။

အဆိုပါ အကြောင်းရာများသည် သေဆုံးသူ အမျိုးသမီး၏ ချစ်သူအား သက်ဆိုင်ရာ တာဝန်ရှိသူများနှင့် တွေ့ဆုံခဲ့ပြီး ပြောဆိုခဲ့ခြင်းများကို ၄င်းထံမှ ပြန်လည်သိရှိရပြီး ကျန်ရှိနေသည့် မိသားစုဝင်များအား စစ်ဆေးမှုပြုလုပ်ခြင်း မရှိသေးကြောင်းကိုလည်း ၄င်းက ထပ်မံပြောပြသည်။

ကျွန်တော်က ဒီဖြစ်စဉ်နဲ့ ပတ်သက်ပြီး အမှုမှန်ပေါ်ပေါက်ဖို့အတွက် တစ်စိုက်မတ်မတ် လုပ်နေတဲ့သူပါ။ ကျွန်တော်ကိုတော့ ခေါ်ယူတွေ့ဆုံခြင်း မရှိသေးပါဟု မသင်းသင်းမော် ၏ အမျိုးသား ကိုအောင်ကိုဦးက ပြောသည်။

နောက်ဆုံး အခြေအနေ

အဆိုပါ ကားမီးလောင်မှုဖြစ်စဉ်နှင့် ပတ်သက်ပြီး အသက်ရှင်လွတ်မြောက်လာသူ ကိုအောင်ခန့်အား ဇန်နဝါရီ ၂၃ ရက်တွင် အမှတ်(၃) လမ်းဆုံ၊ အမြန်လမ်းရဲစခန်းတွင် စစ်ဆေးခဲ့ပြီး CID ဌာနသို့ လွှဲပြောင်းကာ ဖေဖော်ဝါရီ ၆ ရက်တွင် နောက်ထပ် ရမန်ကြီး ထပ်ယူခဲ့သည်။ တရားခံဟု ယူဆထားသူ ကိုအောင်ခန့်မှာ လှည်းကူးမြို့နယ် တရားရုံးသို့ လာရောက်ခြင်း မရှိဘဲ မျက်ကွယ်ရမန်သာ ယူခဲ့ခြင်း ဖြစ်သည်။

ထို့ကြောင့် ဖေဖော်ဝါရီ ၂၀ ရက်တွင် လှည်းကူးမြို့နယ် တရားရုံးသို့ လာရောက်ရန် ပြန်လည်ချိန်းဆိုခဲ့သည်။

တရားခံဟု ယူဆထားသူ အောင်ခန့်အား ရာဇသတ်ကြီး ပုဒ်မ 304(က)/338/285 တို့ဖြင့် အမှုဖွင့် အရေးယူထားသည်။

ဇေယျာ ၊ လင်းလင်း
The Speaker


မှတ်ချက် ။ ။ အထက်ပါ အကြောင်းအရာများသည် ဖေဖော်ဝါရီလ (၉)ရက်နေ ့ထုတ်  The Speaker  ဂျာနယ်ပါ သတင်းဆောင်းပါးအား ပြန်လည် ရိုက်နှိပ်ဖတ်ရှု့နိုင်ရန် တင်ပေးခြင်းဖြစ်ပါသည်။
Loading...