Breaking News

ခ်စ္သူမ်ားေန႔သည္ လင္မယားေန႔ မဟုတ္ပါ


Loading...
မၾကာမီက်ေရာက္မည့္ခ်စ္သူမ်ားေန႔တြင္ မသိနားမလည္ေသာ အပ်ဳိစင္မိန္းကေလးမ်ား ဖ်က္ဆီးခံရမည္ကို သတိေပးခ်င္ပါသည္။ ခ်စ္သူမ်ားေန႔သည္ (လင္မယားေန႔)မဟုတ္ပါလို႔ ေျပာခ်င္ပါသည္။
ခ်စ္သူမ်ားေန႔ ေရာက္တိုင္း တည္းခိုခန္းမ်ား၊ ဟိုတယ္မ်ားတြင္ စံုတဲြမ်ားျဖင့္ ျပည့္ေနသည္ကို ႏွမသားခ်င္းစာနာ၍ စိတ္မေကာင္းစြာ ၾကားသိရပါသည္။

ခ်စ္သူစံုတဲြမ်ားသည္ စိတ္ခ်င္းခ်စ္၍ရပါသည္။ လူခ်င္းနယ္ကၽြံ၍ ခ်စ္လို႔မရပါ။ မိန္းကေလးမ်ားသည္ မိမိခ်စ္ေသာသူသည္ လက္ထပ္ရမည့္သူ ဟုတ္၊ မဟုတ္ မည္သူမွ်အတတ္မေျပာနိုင္ပါ။ အိမ္ေထာင္မျပဳမီအတူ ေနပါက မယူျဖစ္ပါက ေနာက္ဆံုးမိန္းကေလးသာ နစ္နာရမည္ျဖစ္သည္။

အင္တာနက္ေခတ္တြင္ အိမ္ေထာင္ မျပဳမီအတူေနပါက ေနရာတိုင္းတြင္ မ်က္စိမ်ားရိွသျဖင့္ အခိ်န္မေရြး အင္တာနက္ေပၚေရာက္သြားၿပီး မိန္းကေလး၏ မိဘေဆြမို်းမ်ား အရွက္တကဲြအက်ဳိးနည္းျဖစ္မည္ကို သတိျပဳစဥ္းစားသင့္ပါသည္။ မိမိတို႔ နိုင္ငံသည္ ဗုဒၶဘာသာနိုင္ငံျဖစ္သျဖင့္ အေနာက္ႏိုင္ငံမ်ားမွ အတူေနျခင္း (Living Together) ကို အားက်၍ မရပါ။
မိမိတို႔ႏိုင္ငံသည္ အရွက္ႏွင့္သိကၡာျဖင့္ လူလုပ္ေသာႏိုင္ငံျဖစ္ပါသည္။

အင္တာနက္ေပၚတြင္ မိန္းကေလးမ်ား အခက္အခဲရိွ၍ အပ်ဳိစင္ဘ၀ကို ေလလံတင္ေရာင္းခ်ရာ ျမန္မာေငြသိန္းရာခီ်ရရိွသည္ကို ၾကားသိသျဖင့္ မိမိတို႔၏အပ်ဳိစင္ဘ၀ကို မည္မွ်တန္ဖိုးရိွသည္ကို သိသင့္ပါသည္။ ေယာက်္ားေလးမ်ားသည္ မိမိဘယ္ေလာက္ပဲ ႐ႈပ္ပါေစ မိမိနွင့္လက္ထပ္မည့္မိန္းကေလးကို အပ်ဳိစင္ပဲ လိုခ်င္သည္ကို သိသင့္ပါသည္။ ထို႔ေၾကာင့္ မိန္းကေလးမ်ားသည္ မိမိတို႔၏ အပ်ဳိစင္ဘ၀ကို တန္ဖိုးထားထိန္းသိမ္းသင့္ပါသည္။

ယခုေခတ္တြင္ ပိုက္ဆံေပး၍ ေပ်ာ္လို႔ရသည့္ ေနရာမ်ားစြာရိွသျဖင့္
ေယာက်္ားေလးမ်ားမွာ မိမိခ်စ္သူ အမွန္အကန္မိန္းကေလးကို လက္တည့္စမ္း၍ မဖ်က္ဆီးသင့္ပါ။ ေယာက်္ားေလးအတြက္ Sex သည္ တခဏတာ ထမင္းစားေရေသာက္ အဆင့္သာျဖစ္ၿပီး မိန္းကေလးမ်ားအတြက္ Sex မွာ ဘ၀တခုလံုးႏွင့္ ရင္းရမည္ကို သိသင့္ပါသည္။ ခ်စ္သူဘ၀တြင္ အတူေနျခင္းေၾကာင့္ရရိွေသာ ဆိုးက်ဳိးမ်ားမွာ လက္မထပ္မီ ကိုယ္၀န္ရိွျခင္းေၾကာင့္ မိဘေဆြမ်ဳိးမ်ားႏွင့္ မိမိပါ အရွက္ရႏိုင္ျခင္း၊ HIV, B ပိုး၊ C ပိုး စေသာ ေရာဂါပိုးမ်ား ကူးစက္နိုင္ျခင္း၊ ခ်စ္သူေၾကာင့္ (Sexual Feeling) ကို ခံစားတတ္ၿပီး ခ်စ္သူႏွင့္မယူျဖစ္၍ ေနာက္ခ်စ္သူ တေယာက္ ေျပာင္းခံစားျခင္းျဖင့္ ေနာက္ဆံုးတြင္ KTV, (Massage) မာဆတ္စေသာ ပ်က္စီးျခင္း လမ္းေပၚေရာက္ၿပီး ဘ၀ပ်က္သြားေသာ မိန္းကေလးမ်ားစြာ ရိွပါသည္။

မိန္းကေလးမ်ား ဖ်က္ဆီးခံရျခင္း (၂)မ်ဳိးရိွပါသည္။ အႏုနည္းႏွင့္ဖ်က္ဆီးျခင္းႏွင့္ အၾကမ္းနည္းႏွင့္ ဖ်က္ဆီးျခင္းတို႔ ျဖစ္ပါသည္။ အႏုနည္းႏွင့္ ဖ်က္ဆီးျခင္းဆိုသည္မွာ ခ်စ္တယ္ဆိုၿပီး ယံုေလာက္ေအာင္ေျပာ ဆိုၿပီး အလိုတူကာမရယူဖ်က္ဆီးျခင္းႏွင့္ အၾကမ္းနည္းႏွင့္ဖ်က္ဆီးျခင္းဆိုသည္မွာ အဓမၼအၾကမ္းဖက္အလို မတူဘဲ ကာမရယူဖ်က္ဆီးျခင္းျဖစ္ပါတယ္။ ယခုေခတ္ မိန္းကေလးေတြ၏ဘ၀မွာ လံုျခံဳမႈမရိွေတာ့ပါ။ (၃)ႏွစ္သမီးမွစ၍ အသက္(၈၀)အရြယ္ အဘြားထိ အလိုမတူအၾကမ္းဖက္ အဓမၼဖ်က္ဆီးမည့္သူမ်ားေနရာ တိုင္းတြင္ ရိွနိုင္သည္ကို သတိျပဳသင့္ပါသည္။

ယခုေခတ္တြင္ ကာမရာဂထၾကြေစေသာ ေကာ္ဖီ၊ ေခ်ာကလက္၊ အေရာင္အနံ႔မဲ့ေသာ ေဖ်ာ္ရည္မ်ားရိွသည္ကို သတိထားသင့္ပါသည္။ ထို႔ေၾကာင့္ ခ်စ္သူမ်ားေန႔တြင္ ခ်စ္သူက တိုက္ေသာ ေကာ္ဖီ၊ ေခ်ာကလက္၊ အခ်ဳိရည္မ်ားကို သတိထားစားေသာက္သင့္ပါသည္။

ေဆြမို်းရင္းခ်ာေတာင္ မယံုၾကည္ရေသာ ယခုေခတ္တြင္ တိရစၸာန္ကေတာင္ ဆရာေခၚရေသာ လူ႔တိရစၧာန္မ်ား မိမိပတ္၀န္းက်င္တြင္ရိွေနသည္ကို မိန္းကေလးမ်ား သြားသတိ၊ စားသတိျဖင့္ သတိၾကပ္ၾကပ္ထားသင့္ပါသည္။ ခ်စ္သူေယာက်္ားေလးမ်ားကလည္း လက္မထပ္ဘဲ မိမိခ်စ္သူကို အတူေနၿပီး ဖ်က္ဆီးျခင္းသည္ လူသားတို႔ ေရွာင္ၾကဥ္အပ္ေသာ ငါးပါးသီလထဲမွ ကာေမသုမိစၧာစာရကံဟူေသာ အုပ္ထိန္းသူရိွေသာ သမီးပ်ဳိမ်ားကို ဖ်က္ဆီးျခင္းဟူေသာ ကံထိုက္သည္ဟု သတိျပဳသင့္ပါသည္။ ေယာက်္ားေလးမ်ားက မိမိႏွမကို တျခား ေယာက်္ားတဦးဦးက ဖ်က္ဆီးသြားလွ်င္ ေက်နပ္ပါ့မလားဆိုတဲ့ ကိုယ္ခ်င္းစာစိတ္ထားသင့္ပါသည္။

ေယာက်္ားေလးမ်ားသည္ မိမိခ်စ္သူ၏ အပ်ဳိစင္ဘ၀ကိုဖ်က္ဆီးၿပီး ခ်စ္သူမိန္းကေလးကို မယူျဖစ္ဘဲ KTV, (Massage)မာဆတ္ စေသာ ပ်က္စီးျခင္းလမ္းေပၚေရာက္သြားပါက စတင္ဖ်က္ဆီးသူသာ တရားခံျဖစ္သည္ကို သတိျပဳသင့္ပါသည္။ ခ်စ္သူမိန္းကေလးမ်ားကလည္း မိမိကိုခ်စ္ေသာသူသည္ Sex ကို အရင္းခံ၍ ခ်စ္သလား၊ တကယ့္ေမတၱာစစ္ႏွင့္ခ်စ္သလားကို ေ၀ဖန္ဆန္းစစ္သင့္ပါသည္။ Sex ကို အရင္းခံေသာအခ်စ္သည္ အၾကာႀကီးမတည္ျမဲေၾကာင္း အေနာက္ႏိုင္ငံမ်ားမွ အိမ္ေထာင္သည္မ်ားကိုၾကည့္၍ သင္ခန္းစာယူသင့္ပါသည္။

တကယ့္ေမတၱာႏွင့္ခ်စ္ေသာ အခ်စ္သာ တဘ၀လံုး အၾကာႀကီးတည္ျမဲမည္ကို သိထားသင့္ပါသည္။
ခ်စ္သူမ်ားေန႔တြင္ မိန္းကေလးမ်ား အပ်ဳိစင္ဘ၀ကို ထိန္းသိမ္းႏိုင္ပါေစ။

ဦးမာဃ
News Watch
Unicode
မကြာမီကျရောက်မည့်ချစ်သူများနေ့တွင် မသိနားမလည်သော အပျိုစင်မိန်းကလေးများ ဖျက်ဆီးခံရမည်ကို သတိပေးချင်ပါသည်။ ချစ်သူများနေ့သည် (လင်မယားနေ့)မဟုတ်ပါလို့ ပြောချင်ပါသည်။
ချစ်သူများနေ့ ရောက်တိုင်း တည်းခိုခန်းများ၊ ဟိုတယ်များတွင် စုံတွဲများဖြင့် ပြည့်နေသည်ကို နှမသားချင်းစာနာ၍ စိတ်မကောင်းစွာ ကြားသိရပါသည်။

ချစ်သူစုံတွဲများသည် စိတ်ချင်းချစ်၍ရပါသည်။ လူချင်းနယ်ကျွံ၍ ချစ်လို့မရပါ။ မိန်းကလေးများသည် မိမိချစ်သောသူသည် လက်ထပ်ရမည့်သူ ဟုတ်၊ မဟုတ် မည်သူမျှအတတ်မပြောနိုင်ပါ။ အိမ်ထောင်မပြုမီအတူ နေပါက မယူဖြစ်ပါက နောက်ဆုံးမိန်းကလေးသာ နစ်နာရမည်ဖြစ်သည်။

အင်တာနက်ခေတ်တွင် အိမ်ထောင် မပြုမီအတူနေပါက နေရာတိုင်းတွင် မျက်စိများရှိသဖြင့် အချိန်မရွေး အင်တာနက်ပေါ်ရောက်သွားပြီး မိန်းကလေး၏ မိဘဆွေမျိုးများ အရှက်တကွဲအကျိုးနည်းဖြစ်မည်ကို သတိပြုစဉ်းစားသင့်ပါသည်။ မိမိတို့ နိုင်ငံသည် ဗုဒ္ဓဘာသာနိုင်ငံဖြစ်သဖြင့် အနောက်နိုင်ငံများမှ အတူနေခြင်း (Living Together) ကို အားကျ၍ မရပါ။
မိမိတို့နိုင်ငံသည် အရှက်နှင့်သိက္ခာဖြင့် လူလုပ်သောနိုင်ငံဖြစ်ပါသည်။

အင်တာနက်ပေါ်တွင် မိန်းကလေးများ အခက်အခဲရှိ၍ အပျိုစင်ဘဝကို လေလံတင်ရောင်းချရာ မြန်မာငွေသိန်းရာချီရရှိသည်ကို ကြားသိသဖြင့် မိမိတို့၏အပျိုစင်ဘဝကို မည်မျှတန်ဖိုးရှိသည်ကို သိသင့်ပါသည်။ ယောကျာ်းလေးများသည် မိမိဘယ်လောက်ပဲ ရှုပ်ပါစေ မိမိနှင့်လက်ထပ်မည့်မိန်းကလေးကို အပျိုစင်ပဲ လိုချင်သည်ကို သိသင့်ပါသည်။ ထို့ကြောင့် မိန်းကလေးများသည် မိမိတို့၏ အပျိုစင်ဘဝကို တန်ဖိုးထားထိန်းသိမ်းသင့်ပါသည်။

ယခုခေတ်တွင် ပိုက်ဆံပေး၍ ပျော်လို့ရသည့် နေရာများစွာရှိသဖြင့်
ယောကျာ်းလေးများမှာ မိမိချစ်သူ အမှန်အကန်မိန်းကလေးကို လက်တည့်စမ်း၍ မဖျက်ဆီးသင့်ပါ။ ယောကျာ်းလေးအတွက် Sex သည် တခဏတာ ထမင်းစားရေသောက် အဆင့်သာဖြစ်ပြီး မိန်းကလေးများအတွက် Sex မှာ ဘဝတခုလုံးနှင့် ရင်းရမည်ကို သိသင့်ပါသည်။ ချစ်သူဘဝတွင် အတူနေခြင်းကြောင့်ရရှိသော ဆိုးကျိုးများမှာ လက်မထပ်မီ ကိုယ်ဝန်ရှိခြင်းကြောင့် မိဘဆွေမျိုးများနှင့် မိမိပါ အရှက်ရနိုင်ခြင်း၊ HIV, B ပိုး၊ C ပိုး စသော ရောဂါပိုးများ ကူးစက်နိုင်ခြင်း၊ ချစ်သူကြောင့် (Sexual Feeling) ကို ခံစားတတ်ပြီး ချစ်သူနှင့်မယူဖြစ်၍ နောက်ချစ်သူ တယောက် ပြောင်းခံစားခြင်းဖြင့် နောက်ဆုံးတွင် KTV, (Massage) မာဆတ်စသော ပျက်စီးခြင်း လမ်းပေါ်ရောက်ပြီး ဘဝပျက်သွားသော မိန်းကလေးများစွာ ရှိပါသည်။

မိန်းကလေးများ ဖျက်ဆီးခံရခြင်း (၂)မျိုးရှိပါသည်။ အနုနည်းနှင့်ဖျက်ဆီးခြင်းနှင့် အကြမ်းနည်းနှင့် ဖျက်ဆီးခြင်းတို့ ဖြစ်ပါသည်။ အနုနည်းနှင့် ဖျက်ဆီးခြင်းဆိုသည်မှာ ချစ်တယ်ဆိုပြီး ယုံလောက်အောင်ပြော ဆိုပြီး အလိုတူကာမရယူဖျက်ဆီးခြင်းနှင့် အကြမ်းနည်းနှင့်ဖျက်ဆီးခြင်းဆိုသည်မှာ အဓမ္မအကြမ်းဖက်အလို မတူဘဲ ကာမရယူဖျက်ဆီးခြင်းဖြစ်ပါတယ်။ ယခုခေတ် မိန်းကလေးတွေ၏ဘဝမှာ လုံခြုံမှုမရှိတော့ပါ။ (၃)နှစ်သမီးမှစ၍ အသက်(၈၀)အရွယ် အဘွားထိ အလိုမတူအကြမ်းဖက် အဓမ္မဖျက်ဆီးမည့်သူများနေရာ တိုင်းတွင် ရှိနိုင်သည်ကို သတိပြုသင့်ပါသည်။

ယခုခေတ်တွင် ကာမရာဂထကြွစေသော ကော်ဖီ၊ ချောကလက်၊ အရောင်အနံ့မဲ့သော ဖျော်ရည်များရှိသည်ကို သတိထားသင့်ပါသည်။ ထို့ကြောင့် ချစ်သူများနေ့တွင် ချစ်သူက တိုက်သော ကော်ဖီ၊ ချောကလက်၊ အချိုရည်များကို သတိထားစားသောက်သင့်ပါသည်။

ဆွေမျိုးရင်းချာတောင် မယုံကြည်ရသော ယခုခေတ်တွင် တိရစ္ပာန်ကတောင် ဆရာခေါ်ရသော လူ့တိရစ္ဆာန်များ မိမိပတ်ဝန်းကျင်တွင်ရှိနေသည်ကို မိန်းကလေးများ သွားသတိ၊ စားသတိဖြင့် သတိကြပ်ကြပ်ထားသင့်ပါသည်။ ချစ်သူယောကျာ်းလေးများကလည်း လက်မထပ်ဘဲ မိမိချစ်သူကို အတူနေပြီး ဖျက်ဆီးခြင်းသည် လူသားတို့ ရှောင်ကြဉ်အပ်သော ငါးပါးသီလထဲမှ ကာမေသုမိစ္ဆာစာရကံဟူသော အုပ်ထိန်းသူရှိသော သမီးပျိုများကို ဖျက်ဆီးခြင်းဟူသော ကံထိုက်သည်ဟု သတိပြုသင့်ပါသည်။ ယောကျာ်းလေးများက မိမိနှမကို တခြား ယောကျာ်းတဦးဦးက ဖျက်ဆီးသွားလျှင် ကျေနပ်ပါ့မလားဆိုတဲ့ ကိုယ်ချင်းစာစိတ်ထားသင့်ပါသည်။

ယောကျာ်းလေးများသည် မိမိချစ်သူ၏ အပျိုစင်ဘဝကိုဖျက်ဆီးပြီး ချစ်သူမိန်းကလေးကို မယူဖြစ်ဘဲ KTV, (Massage)မာဆတ် စသော ပျက်စီးခြင်းလမ်းပေါ်ရောက်သွားပါက စတင်ဖျက်ဆီးသူသာ တရားခံဖြစ်သည်ကို သတိပြုသင့်ပါသည်။ ချစ်သူမိန်းကလေးများကလည်း မိမိကိုချစ်သောသူသည် Sex ကို အရင်းခံ၍ ချစ်သလား၊ တကယ့်မေတ္တာစစ်နှင့်ချစ်သလားကို ဝေဖန်ဆန်းစစ်သင့်ပါသည်။ Sex ကို အရင်းခံသောအချစ်သည် အကြာကြီးမတည်မြဲကြောင်း အနောက်နိုင်ငံများမှ အိမ်ထောင်သည်များကိုကြည့်၍ သင်ခန်းစာယူသင့်ပါသည်။

တကယ့်မေတ္တာနှင့်ချစ်သော အချစ်သာ တဘဝလုံး အကြာကြီးတည်မြဲမည်ကို သိထားသင့်ပါသည်။
ချစ်သူများနေ့တွင် မိန်းကလေးများ အပျိုစင်ဘဝကို ထိန်းသိမ်းနိုင်ပါစေ။

ဦးမာဃ

News Watch
Loading...