Breaking News


ကားမီးလောင်မှု မှာ ကားပေါ်ကဆင်းလာတဲ့ ၁၀ယောက်မြောက် ဆိုတဲ့သူ အကြောင်း အဖြစ်မှန် ပေါ်ပြီ


Loading...


လူရှစ်ဦးသေဆုံးခဲ့တဲ့ အမြန်လမ်းကားမီးလောင်မှု ဖြစ်စဉ်မှာ အသက်ရှင်ကျန်ခဲ့တဲ့ ယာဉ်မောင်းနဲ့အတူ ကားပေါ်ကနေ ဆင်းလာတယ်လို့ စွပ်စွဲပြောဆိုခံရသူက မီးလောင်သွားတဲ့ ကားအတူလိုက်ပါလာသူမဟုတ်ဘဲ လမ်းကြုံလို့ အကူအညီပေးခဲ့တာလို့ ကာယကံရှင်က 7Day Daily သတင်းစာကို ပြောခဲ့ပါတယ်။
ဇန်နဝါရီ ၂၁ ရက် မနက်က ရန်ကုန်-မန္တလေး အမြန်လမ်းမမှယ လူကိုးဦး လိုက်ပါလာတဲ့ ဟိုက်အေ့စ်ယာဉ်က မတော်တဆမှုကြောင့်သာ မီးလောင်ကျွမ်းခဲ့တာလို့ အမြန်လမ်းရဲတပ်ဖွဲ့က သတင်းထုတ်ပြန်ထားပါတယ်။ ဒီဖြစ်စဉ်မှာ ယာဉ်မောင်းသူပဲ အသက်ရှင်လွတ်မြောက်ခဲ့ပြီး ကျန်ရှစ်ဦးက ကားထဲမှာ မီးလောင်သေဆုံးခဲ့တာပါ။

‘‘ကျွန်တော့်အဖေရယ်၊ အမေရယ်၊ ကျွန်တော်ရယ် ရန်ကုန်ကနေ ဒိုက်ဦးကိုပြန်တာ။ ရှစ်နာရီကျော်လောက်တော့ လေးမိုင် ၂ ဖာလုံရောက်တော့ ကားတစ်စီး မီးလောင်နေတာတွေ့တယ်ဆို လို့ ရှေ့ကကားက ထိုးရပ်လိုက်ရော။ ကျွန်တော်တို့ကားကလည်း ထိုးရပ်လိုက်တယ်။ ဘယ်လိုကူညီ ရမလဲဆိုပြီး ကားမီးလောင်တဲ့နားကို သွားကြည့်တယ်။ အခု ဖေ့စ် ဘွတ်ခ်မှာ ပျံ့နေတဲ့ ကိုအောင်ခန့် ပြောနေတဲ့ဖုန်းက ကျွန်တော့ဖုန်း။ သူက သူ့အိမ်ကို ဖုန်းပြောချင်တယ်ဆိုလို့ ကျွန်တော့်ဖုန်းကို ပေးပြောလိုက်တာ။ သူ့အမေဆီကို ဖုန်းပြောနေတာတော့ ကြားရတယ်။ ကျွန်တော့်ဖုန်းက သူ့ဆီမှာဆိုတော့ ကျွန်တော်က သူ့နားမှာပဲ နေနေတာပေါ့။ အခုဖြစ်ချင်တော့ အဲဒါတွေကို ဗီဒီယိုတွေရိုက်ပြီး ကျွန်တော့်ကို ဆယ်ယောက်မြောက်လို့ ပြောနေတာ’’လို့  ကိုခွန်ရန်နိုင်ဦးက ပြောပါတယ်။
ဒီအမှုကို စစ်ဆေးနေတဲ့ မှုခင်းရဲတပ်ဖွဲ့(စီအိုင်ဒီ) အရာရှိကလည်း မီးလောင်နေတဲ့ ကားပေါ်ကနေ ဆင်းလာတဲ့သူက နှစ်ဦးမဟုတ်ဘဲ ကိုအောင်ခန့် တစ်ဦးတည်းဖြစ်တယ်လို့  မီဒီယာတချို့ကို ပြောကြားထားပါတယ်။ မီးလောင်နေတဲ့ ကားနားကို အရင်ရောက်သွားတဲ့ အဓိကမျက်မြင်သက်သေ နှစ်ဦးစလုံးကိုလည်း စစ်ဆေးပြီးဖြစ်တယ်လို့ စီအိုင်ဒီမှ ရဲမှူးမိုးအောင်က The Voice သတင်းစာကို ပြောကြားထားပါတယ်။
Source : 7DayDaily

Loading...