ရန်ကုန် သက်တော်စောင့် တပ်ကြပ်ကြီး မိုက်ကယ်


_________________________________________________________

ဖိုင်း ….. ဖိုင်း …. ဖိုင်း ….. ဆိုတဲ့ အမိန့်ပေးသံကို ကြားလိုက်တာနဲ့ သူက အစည်းအဝေးခန်းမရဲ့ ထိုင်ခုံတွေ စားပွဲတွေကြားကို ခေါင်းထိုးဝင်ရောက် ပြီး တစ်စုံတစ်ခုကို လိုက်လံရှာဖွေပါတယ်။ နောက်ထပ်အမိန့်တစ်စုံတစ်ရာ မရမချင်း သူက သူ့တာဝန်ကို ဆက်ပြီးထမ်းဆောင် နေပါတယ်။ မနက်ဖြန်မှာ ပြုလုပ်ဖို့ရှိနေတဲ့ နိုင်ငံတော်အဆင့်တွေ့ဆုံပွဲတစ်ခုအတွက် သူက တာဝန်ထမ်းဆောင်နေတာပါ။ Bomb Squad (မိုင်းရှာအဖွဲ့) လို့ အနက်ရောင်ပေါ်မှာ အဖြူရောင်နဲ့ ရေးထားတဲ့စာသားက သူ့ရဲ့တာဝန်ကို ဖော်ပြနေပါ တယ်။ သူ့နာမည်က မိုက်ကယ်ပါ။ သူက မိုင်းရှာခွေးတစ်ကောင်ဖြစ်ပါတယ်။ ‘နိုင်ငံအဆင့်ပွဲတွေတိုင်းအားလုံးနီးပါး သူပဲရှာရတာပါ၊ ပွဲတွေများတော့ မရေတွက်နိုင်တော့ဘူး” လို့ သူ့ရဲ့သခင် ရဲဒု တပ်ကြပ်အောင်ဖိုက်က ပြောပါတယ်။ ရွှအိုရောင်နဲ့ အနက်ရောင် ရောစပ် ထားတဲ့ မိုက်ကယ်က ဂျာမန် (ရှက်ပက်) အမျိုးအစား အယ်လ်ဇေးရှင်းခွေးတစ်ကောင် ဖြစ်ပါတယ်။
၂၀၁၂ ခုနှစ် ဇွန်လမှာ မြန်မာနိုင်ငံကို ရောက်ခဲ့ပါတယ်။ သူ့ကို အမှတ် (၁) တပ်မတော် စစ် ဘက်ရေးရာ လုံခြုံရေး အတတ်သင် ကျောင်း (မင်္ဂလာဒုံ) မှာ လေ့ကျင့်သင် တန်းပေးခဲ့တာ ဖြစ်ပါတယ်။ ခြောက်လကြာသင်တန်းပေးလေ့ကျင့်ပြီးတဲ့နောက် မြန်မာနိုင်ငံရဲတပ်ဖွဲ့မိုင်းရှာဖွေရေးအဖွဲ့မှာ မိုက်ကယ်စပြီး တာဝန်ထမ်းဆောင်ပါတယ်။ ရန်ကုန်မှာ တာဝန်ကျတဲ့မိုက်ကယ်က တိုင်းတစ်ခုလုံးမှာ တစ်ကောင်တည်းဖြစ်တဲ့ မိုင်းရှာခွေးပါ။ အဲဒါကြောင့် နေရာတော်  တော်များမှာ နေ့ညမရွေးတာဝန်ထမ်း ဆောင်ခဲ့ရပါတယ်။ ရန်ကုန်တိုင်းဒေသ ကြီး အစိုးရရုံးမှာ ပေါက်ကွဲမှုဖြစ်ပြီး ထပ်မံပေါက်ကွဲဖို့ရှိတဲ့ ၁၅၀ ပုလင်းတွေကို ရှာဖွေပေးခဲ့တာက သူ့ရဲ့စွမ်းဆောင်ရည်များစွာထဲက ထင်ရှားတဲ့တစ်ခုဖြစ်ပါတယ်။ မြန်မာနိုင်ငံမှာ စစ်ခွေးအသုံးပြုပြီး မိုင်းရှာဖွေတဲ့သင်တန်းကို ၂၀၁၂ ခုနှစ် ဇန်နဝါရီလမှာ တပ်မတော် သတင်းစု ဆောင်းရေးအတတ်သင်ကျောင်းမှာ စတင်ဖွင့်လှစ်ပါတယ်။ မိုက်ကယ်က သင်တန်းအပတ်စဉ် (၁၀/၂၀၁၂) ဆင်းပါ။ မိုက်ကယ်နဲ့အတူ ခွေးအကောင်ရေ ၄၀ ကျော်ကို လေ့ကျင့်ပေးတာဖြစ်ပြီး လက်ရှိ မှာတော့ လေးကောင်သာကျန်ရှိတယ်လို့ သိရပါတယ်။ သူတို့တွေက ရန်ကုန်တိုင်းဒေသကြီး၊ နေပြည်တော်နဲ့ မန္တလေးမှာ တာဝန်ထမ်းဆောင်နေပါတယ်။
နည်းမျိုးစုံသင်ကြား
မိုင်းရှာခွေးတွေကို သင်ကြားပေးတဲ့ အခါမှာ လူအကူအညီနဲ့သင်ကြားတာ၊ ခွေးထိန်းကြိုးအသုံးပြုသင်ကြားပေးတာ၊ အနီးကပ်အမိန့်နာခံမှု သင်ကြားပေးတာ စသဖြင့် အမိန့်ပေးလေ့ကျင့်ရပါတယ်။ အမိန့်နာခံမှုစွမ်းရည်တိုးတက်လာတဲ့အခါမှာ ခွေးတွေကို အဝေးကနေ အမိန့်ပေးပြီးစေခိုင်းနိုင်တဲ့ အဆင့်ရောက်ရှိပါတယ်။ အမိန့် နာခံမှုစွမ်းရည်ရှိလာတဲ့စစ်ခွေးတွေကိုအနေအထားအမျိုးမျိုးမှာ မိုင်းရှာဖွေနိုင်တဲ့ စွမ်းရည်ရရှိအောင် ဆက်လက်လေ့ကျင့် ပေးရပါတယ်။ ယမ်းနံ့ပေးတာ၊ စွပ်ပြုတ်ရေအစက် ချပေးပြီး မိုင်းနဲ့ ပေါက်ကွဲစေတတ်တဲ့ ပစ္စည်းရှာဖွေတာ စတဲ့နည်းတွေကို လေ့ကျင့်ပေးတာဖြစ်ပါတယ်။ ပေါက်ကွဲစေတတ်တဲ့ ပစ္စည်း ဒါမှမဟုတ် ယမ်းကို တွေ့တဲ့အခါမှာ ကိုက်တာကုတ်တာ စတဲ့ အ ကျင့်တွေကိုဖျောက်ပြီး ထိုင်ပြီးဟောင်ပြ တတ်စေဖို့ လေ့ကျင့်ပေးထားတယ်လို့ သိရပါတယ်။ ခွေးကိုင်စစ်သည်ရော ခွေးကိုပါ အန္တရာယ်မဖြစ်စေဖို့ အခုလို လေ့ကျင့်ပေးထားရတာပါ။ မိုင်းရှာခွေးတွေကို လေ့ကျင့်ပေးတဲ့ အချိန်မှာကတည်းက အမိန့်နာခံမှုရှိ အောင် အဓိကသင်ကြားပေးတာဖြစ်ပြီး အစားအသောက်ဆိုင်ရာ ကျန်းမာရေးစစ် ဆေးမှုတွေကို ပုံမှန်ပြုလုပ်ပေးတယ်လို့ သိရပါတယ်။ ‘အရင်ဆုံးရင်းနှီးမှုရှိမှ ကိုယ့်အမိန့်ကို နာခံမှာဆိုတော့ ရင်းနှီးအောင်လုပ်ရတယ်၊ တိရစ္ဆာန်ကို သင်ရတာဆိုတော့ ခက်ခဲတယ်၊ ဒါပေမဲ့ တွဲတာကြာတော့ ရင်းနှီးမှုနဲ့ သင်ရတာလွယ်လာတယ်” လို့  မိုက်ကယ် ရဲ့ လေ့ကျင့်သင်ကြားပေးသူလည်းဖြစ်တဲ့  ဒုတပ်ကြပ် အောင်ဖိုက်က ရှင်းပြပါတယ်။
မိုင်းရှာခွေးတွေကို တာဝန်ကျတဲ့ ခွေးကိုင်စစ်သည်က လေ့ကျင့်သင်ကြားပေး ပြီး တာဝန်ထမ်းဆောင်တဲ့အခါမှာလည်း ကျွေးမွေးစောင့်ရှောက်ရတာဖြစ်လို့ ကိုအောင်ဖိုက်က မိုက်ကယ်ရဲ့ သခင်တစ် ယောက်လည်း ဖြစ်လာခဲ့ပါတယ်။ သား သမီမရှိတဲ့ သူတို့လင်မယား အတွက် မိုက် ကယ်က အရင်းနှီးဆုံးမိသားစုဝင်တစ်ဦးလည်း ဖြစ်ပါတယ်။ ကိုအောင် ဖိုက်တို့ ဇနီးမောင်နှံနဲ့ မိုက်ကယ်တို့ အတူတူနေလာ တာ လေးနှစ်ကျော်လာခဲ့ပြီ။ ကိုအောင်ဖိုက်က “သူ့ကို ခွံ့မကျွေးရင် လုံးဝမစားဘူး၊ ဘယ်နှရက်ပဲဖြစ်ဖြစ် အငတ်ခံတယ်၊ စမ်းသပ်ဖူးတယ်၊ နောက်ဆုံးမနိုင်လို့ ပြန်ခွံ့ကျွေးရတယ်”လို့ မိုက်ကယ့်ကို အစာခွံ့ရင်း ပြောပါတယ်။ အစာစားပြီးရင်လည်း တခြားခွေး တွေလို ချက်ချင်းထွက်သွားတာမျိုး မဟုတ်ဘဲနဲ့ သူ့ပါးစပ်မှာပေနေတဲ့ အစာတွေကို ရေနဲ့ဆေးပြီး ခြောက်အောင် အဝတ်နဲ့သုတ်ပေးပြီးတဲ့ အထိ ရပ်စောင့်နေတတ်ပါတယ်။ သူ့ရဲ့ ကျန်းမာရေးအတွက် ပုံမှန်နေ့ တိုင်းဆေးတိုက်ရပါတယ်။  ဆေးတိုက်တဲ့ အခါမှာ အစာနဲ့ရောပြီးထည့်ကျွေးတာဖြစ် ပေမဲ့ ဆေးပါတဲ့ အစာကို ခွံ့တာနဲ့ ထွေးချတတ်ပါတယ်။ ဆေးမကြိုက်တဲ့မိုက်ကယ်က သခင်ရဲ့ စတေး (ဆတာယ) ဆိုတဲ့ အမိန့် ပေးမှ မျိုချတတ်ပါ တယ်။
အင်္ဂလိပ်လို
မိုင်းရှာဖွေတဲ့ နည်းပညာတွေကို သင်ကြားမပေးခင်အချိန်မှာ ခွေးတွေရဲ့ အမိန့် နာခံမှုစွမ်းရည်ရှိဖို့ အခြေခံစစ်မိန့်သံ ၂၆ မျိုးကို အင်္ဂလိပ်အတိုကောက် အမိန့်ပေး ပြီးလေ့ကျင့်သင်ကြားပေးတာ ဖြစ်ပါတယ်။ မိုက်ကယ့်ကို နေ့စဉ် မနက်စာအတွက် ကြက်ဥ နှစ်လုံးနဲ့ နို့မှုန့် နှစ်ထုပ်ဖျော်ပြီးတိုက်ရပါတယ်။ နေ့လည်စာနဲ့ ညစာအတွက် ကြက်သားဆန်ပြုတ်ကျွေးရပါ တယ်။ ကြက်သားဆန်ပြုတ်ကို အရိုးပါရင် မစားတာကြောင့် အသားကို ကတ်ကြေးနဲ့ သေးသေးလေးတွေ ဖြစ်အောင်ညှပ်ပြီး ဆန်ပြုတ်နဲ့ရောပြီး ကျွေးရတာပါ။ အစာကို တစ်နေ့ သုံး နပ် အချိန်မှန်မှန် ဂရုစိုက်ပြီး ကျွေးရ ပါတယ်။ ‘အစာကျွေးချိန် နောက်ကျရင် သူက မစားဘူး၊ စိတ် ကောက်တယ် လို့ ပြောရမှာပေါ့၊ အဲဒါကြောင့် မနက်အ စောထပြီး သူ့ အတွက် ချက်ပေးရတယ်၊ တခြားကလေးတွေကို ချီရင်လဲ သူက မကြိုက်ဘူး၊ ကလေးယူတော့မယ်ဆိုတဲ့အ ကြောင်း ပြောရင် အိမ်ရှေ့က ထောင့်မှာ သွားထိုင် နေတတ်တယ်၊ ခေါ်ရင်လဲ မလာ တော့ဘူး˘ လို့ ကိုအောင်ဖိုက်ရဲ့ ဇနီးဖြစ်သူ မမြင့်နွယ်ဝင်းက ပြောပါတယ်။
အစားအသောက်အပြင် မိုက်ကယ်ရဲ့ ကျန်းမာရေးအတွက် အစာစားဆေး၊ အသည်းအားတိုးဆေး၊ အစာကြေဆေး၊ ငါး ကြီးဆီ၊ ဘားပလက် စတဲ့ဆေးတွေကို နေ့ စဉ်တိုက်ကျွေးရပြီး ခြောက်လ တစ် ကြိမ် စစ်ဆေးမှုတွေ ပြုလုပ်ရတယ်လို့ သိရ ပါတယ်။ ၂၀၁၅ ဇူလိုင်လ ထဲတုန်းက မိုက် ကယ်ရဲ့ တင်ပါးမှာ အနာဖြစ်ပြီး တိရိ စ္ဆာန် ဆေးရုံတက်ပြီး ခွဲစိတ်ကုသခဲ့ရပါတယ်။ အ နာကြောင့် တင်ပါးနားတစ်ဝိုက်က အ ရေ ပြားတွေ ကွာကျခဲ့ပြီး တစ်လခွဲခန့်ကြာအောင် အနာဒဏ်ခံခဲ့ရပါတယ်။ ‘သားသမီးလိုပါပဲ၊ သူဖြစ်တော့ ဆေးရုံမှာ နှစ်ယောက်လုံး သူ့အလှည့်ကိုယ့်အလှည့်ခွဲပြီး စောင့်ခဲ့ရတယ်၊ အိမ်ပြန်ရောက် တော့လဲ အနာကို သန့်အောင်ထားပေးရ တယ်၊ ဖြစ်တဲ့အချိန် တိရ စ္ဆာန်ဖြစ်လို့ စကားမပြောတတ်တာပဲ ရှိတယ်၊ အကုန်နားလည်တယ်၊ အစ်မမှာ လက်လျှော့ရ ပါပြီဆို ပြီး ငိုရသေးတယ်၊ ပြန်ကောင်းလာမှ သက်ပြင်းချနိုင်တယ်”လို့ မမြင့်နွယ်ဝင်းက ပြောပြတယ်။ မိုက်ကယ်ရောဂါ အမြန်ပျောက်ဖို့ နိုင်ငံတော်ရဲ့ အထောက်အပံ့အပြင်ကိုအောင် ဖိုက်တို့ လင်မယားက အိတ်ထဲကနေစိုက် ပြီး ကုသပေးခဲ့ ပါတယ်။
ဒါ့အပြင် မိုက်ကယ်အတွက် အိပ်ရာ၊ ကျောပိုးအိတ်၊ ခြုံ စောင်၊ ဖိနပ်စတာ တွေကိုလည်း သားသမီး အရင်းနဲ့ မခြား လိုလေသေးမရှိအောင် ဝယ်ပေးထားတာ တွေ့ရပါတယ်။ မိုင်းရှာခွေးတစ်ကောင်အတွက် နိုင်ငံတော်ကနေ တစ်ရက်ကို ငွေကျပ် ၁၀ဝ၀ နှုန်းနဲ့ တစ်လစာ ၃၀,ဝ၀ဝ ကျပ် ၊ အစာ စရိတ်သတ်မှတ်ပြီး ကျန်းမာရေးစောင့် ရှောက်မှုစရိတ်အတွက် တစ်လကို ကျပ် ၁၀,ဝ၀ဝ ၊ စုစုပေါင်း ၄၀,ဝ၀ဝ ကျပ် ထောက်ပံ့ပေးတယ်လို့ သိရပါတယ်။
ဟက်ပီဘက်သ်ဒေး
မိုက်ကယ်ပြန်ပြီးနေကောင်းလာပြီး ခုနစ်လအကြာမှာ ကိုအောင်ဖိုက်တစ် ယောက် နေပြည်တော်ကို ပြောင်းရွှေ့မိန့် ကျလာပါတယ်။ မိုက်ကယ်နဲ့အတူတူ ပြောင်းခွင့်မရတာကြောင့် ပြောင်းရွှေ့ခွင့်ကို သူက ငြင်းပယ်ခဲ့တယ်လို့ ပြောပါ တယ်။ အိမ်ကိုရောက်လာတဲ့အချိန်ကစပြီး မိုက်ကယ်ရဲ့ မွေးနေ့ကို ကိုအောင်ဖိုက်တို့ ဇနီးမောင်နှံက နှစ်စဉ်ကျင်းပပေးပါတယ်။ သူ့မွေးနေ့မှာ ကိတ်မုန့်လှီးတာအပြင် တစ်ခြားခွေးတွေကို အစာကျွေးတဲ့ဒါနကို လည်း ပြုလုပ်ပေးလေ့ရှိတယ်လို့ သိရပါ တယ်။ လက်ရှိမှာ မိုက်ရဲ့ အသက်က လေး နှစ်ကျော် ငါးနှစ်ထဲကို ရောက်ရှိနေပါပြီ။ တာဝန်တွေကို ကျေကျေပွန်ပွန်ထမ်းဆောင်ခဲ့တဲ့ မိုက်ကယ်ကို မိုင်းရှာတပ်ဖွဲ့က တပ်ကြပ်ကြီးရာထူးအဆင့်အထိ တိုး မြှင့်ပေးထားပါတယ်။ မိုင်းရှင်းလင်းရေးတပ်သားမိုက်ကယ် ကတော့ အခြားရဲဘော်တွေနဲ့အတူ တာဝန်ထမ်းဆောင်ဖို့ တက်ကြွနေဆဲ ဖြစ်ပါတယ်။
Credit : kumudranews
Loading...