တရားခံၾကည္လင္းရဲ႕ထြက္ဆုိခ်က္ ေပါက္ၾကား



_________________________________________________________

 ေရွ႕ေနဦးကိုနီကို ေလဆိပ္မွာ ေသနတ္နဲ႔လုပ္ၾကံခဲ့တဲ့ တရားခံၾကည္လင္းရဲ႕ ဆက္စပ္ေနာက္ေၾကာင္းကုိ စစ္ေဆးေနရာမွာ... ဦးကိုနီကို လုပ္ၾကံဖို႔အတြက္ ျမင့္ေဆြဆိုသူက ခိုင္းေစခဲ့တာလုိ႔ ဒီကေန႔ လူမႈေရးစာမ်က္ႏွာေတြကေန ေပါက္ၾကားလာတဲ့ ရဲတပ္ဖြဲ႔ စစ္ေဆးခ်က္ေတြအရ သိရပါတယ္။

 စာမ်က္ႏွာ ၅ မ်က္ႏွာပါရွိတဲ့ တရားခံ ထြက္ဆိုခ်က္မွာ... တရားခံၾကည္လင္းနဲ႔ ၂ဝ၁၄ ခုႏွစ္ေနာက္ပိုင္း ထိုင္းျမန္မာနယ္စပ္ မဲေဆာက္မွာ ေတြ႔ဆံုခဲ့တဲ့ ျမင့္ေဆြဆိုသူက ကားတစီးေပးမယ္လို႔ ေျပာဆိုၿပီး ဦးကုိနီကုိ သတ္ျဖတ္ဖို႔ ေစခိုင္းခဲ့တာျဖစ္တယ္လုိ႔ ေဖာ္ျပထားပါတယ္။

 တရားခံၾကည္လင္းဟာ စစ္ကိုင္းတိုင္း ယင္းမာပင္ၿမိဳ႕နယ္ စိုင္းလ်ားရြာဇာတိျဖစ္ၿပီး ၁၉၈၅ ခုႏွစ္က မႏၱေလးမွာ ေနထိုင္စဥ္ ဘုရားခိုးမႈနဲ႔ ေထာင္ ၂ ႏွစ္ ၇ လ က်ခဲ့ဖူးေၾကာင္း၊ အဲဒီေနာက္ ၂ဝဝ၃ မွာ ေရွးေဟာင္းဘုရားေမွာင္ခို လုပ္မႈနဲ႔ပဲ ေထာင္ဒဏ္ အႏွစ္ ၂ဝ က်ခဲ့ေၾကာင္း၊ ၂ဝ၁၄ သမၼတဦးသိန္းစိန္လက္ထက္ လြတ္ၿငိမ္းခ်မ္းသာခြင့္နဲ႔ ျပန္လြတ္လာခဲ့သူျဖစ္ေၾကာင္း... ထြက္ဆိုခ်က္မွာ ပါရွိပါတယ္။

 ဒီထြက္ခ်က္မွာ ေရွ႕ေနဦးကိုနီကို လုပ္ၾကံစဥ္ ကနဦးေစခိုင္းခဲ့သူ ျမင့္ေဆြလည္း ပါဝင္ေၾကာင္း ေဖာ္ျပထားပါတယ္။ ဒီထြက္ဆိုခ်က္ေတြကို ရဲတပ္ဖြဲ႔ဝင္ အခ်င္းခ်င္း ေပးပို႔ရာကေန အျပင္ေပါက္ၾကားခဲ့တာလုိ႔ သိရၿပီး RFA အေနနဲ႔ သီးသန္႔အတည္ျပဳႏုိင္ျခင္း မရွိေသးပါဘူး။

RFA Burmese
https://www.facebook.com/rfaburmese


 ရှေ့နေဦးကိုနီကို လေဆိပ်မှာ သေနတ်နဲ့လုပ်ကြံခဲ့တဲ့ တရားခံကြည်လင်းရဲ့ ဆက်စပ်နောက်ကြောင်းကို စစ်ဆေးနေရာမှာ... ဦးကိုနီကို လုပ်ကြံဖို့အတွက် မြင့်ဆွေဆိုသူက ခိုင်းစေခဲ့တာလို့ ဒီကနေ့ လူမှုရေးစာမျက်နှာတွေကနေ ပေါက်ကြားလာတဲ့ ရဲတပ်ဖွဲ့ စစ်ဆေးချက်တွေအရ သိရပါတယ်။

 စာမျက်နှာ ၅ မျက်နှာပါရှိတဲ့ တရားခံ ထွက်ဆိုချက်မှာ... တရားခံကြည်လင်းနဲ့ ၂ဝ၁၄ ခုနှစ်နောက်ပိုင်း ထိုင်းမြန်မာနယ်စပ် မဲဆောက်မှာ တွေ့ဆုံခဲ့တဲ့ မြင့်ဆွေဆိုသူက ကားတစီးပေးမယ်လို့ ပြောဆိုပြီး ဦးကိုနီကို သတ်ဖြတ်ဖို့ စေခိုင်းခဲ့တာဖြစ်တယ်လို့ ဖော်ပြထားပါတယ်။

 တရားခံကြည်လင်းဟာ စစ်ကိုင်းတိုင်း ယင်းမာပင်မြို့နယ် စိုင်းလျားရွာဇာတိဖြစ်ပြီး ၁၉၈၅ ခုနှစ်က မန္တလေးမှာ နေထိုင်စဉ် ဘုရားခိုးမှုနဲ့ ထောင် ၂ နှစ် ၇ လ ကျခဲ့ဖူးကြောင်း၊ အဲဒီနောက် ၂ဝဝ၃ မှာ ရှေးဟောင်းဘုရားမှောင်ခို လုပ်မှုနဲ့ပဲ ထောင်ဒဏ် အနှစ် ၂ဝ ကျခဲ့ကြောင်း၊ ၂ဝ၁၄ သမ္မတဦးသိန်းစိန်လက်ထက် လွတ်ငြိမ်းချမ်းသာခွင့်နဲ့ ပြန်လွတ်လာခဲ့သူဖြစ်ကြောင်း... ထွက်ဆိုချက်မှာ ပါရှိပါတယ်။

 ဒီထွက်ချက်မှာ ရှေ့နေဦးကိုနီကို လုပ်ကြံစဉ် ကနဦးစေခိုင်းခဲ့သူ မြင့်ဆွေလည်း ပါဝင်ကြောင်း ဖော်ပြထားပါတယ်။ ဒီထွက်ဆိုချက်တွေကို ရဲတပ်ဖွဲ့ဝင် အချင်းချင်း ပေးပို့ရာကနေ အပြင်ပေါက်ကြားခဲ့တာလို့ သိရပြီး RFA အနေနဲ့ သီးသန့်အတည်ပြုနိုင်ခြင်း မရှိသေးပါဘူး။

RFA Burmese
https://www.facebook.com/rfaburmese