Breaking News

ဦးကိုနီလုပ္ႀကံခံရမႈ ရဲစစ္ေဆးခ်က္ ေပါက္ၾကား


Loading...


NLD ဥပေဒအႀကံေပး ဦးကိုနီ လုပ္ႀကံခံရမႈကို စံုစမ္းစစ္ေဆးေနတာ ႏွစ္ရက္ေျမာက္လာေပမယ့္၊ ဘာရည္ရြယ္ခ်က္နဲ႔ ဘယ္သူက ခိုင္းေစတာလဲဆိုတာကို အစိုးရဖက္ ထုတ္ျပန္ႏိုင္ျခင္းမရိွေသးပါဘူး။ တခ်ိန္တည္းမွာ ရဲစစ္ေဆးခ်က္ေတြက အင္တာနက္ေပၚ ေပါက္ၾကားလာတဲ့ အေပၚမွာလည္း လံုၿခံဳေရးတာ၀န္ရိွသူေတြရဲ႕ စံုစမ္းေဆာင္ရြက္ခ်က္ေတြ အေပၚ ေမးခြန္းထုတ္လာစရာျဖစ္လာပါတယ္။ ေနာက္ကြယ္က တရားခံစစ္မေပၚပဲ ေသနက္သမားဖမ္းမိမႈနဲ႔ပဲ အဆံးုသတ္သြားမွာကို စိုးရိမ္ေနၾကတဲ့အေၾကာင္း ဗီြအိုေအ သတင္းေထာက္ မေမခ စံုစမ္း ေမးျမန္း သတင္းေပးပို႔ ထားပါတယ္။

တရားလႊတ္ေတာ္ ေရွ႕ေန ဦးကိုနီ ကို ေသနတ္ျဖင့္ ပစ္ခတ္ လုပ္ႀကံခဲ့သူ ေသနက္သမားကို ရဲစစ္ေမးမႈလုပ္တာမွာ သူေျဖထားတဲ့ ေျဖဆိုခ်က္ေတြဟာ လူမႈ ကြန္ရက္ မီဒီယာေတြမွာ ေပါက္ၾကား ပ်ံ့ႏွံ႕ခဲ့ပါတယ္။ ဒီစာရြက္စာတမ္းေတြဟာ ေသနက္သမားရဲ႕ ေျဖဆိုခ်က္ အစစ္အမွန္ေတြျဖစ္တယ္လို႔ ႏိုင္ငံေတာ္သမၼတရံုးေျပာခြင့္ရသူက ဗီြအိုေအကို အတည္ျပဳေျပာပါတယ္။

ဥပေဒေၾကာင္းအရဆိုရင္ေတာ့ ဒီလို ရဲစစ္ေဆးခ်က္ေတြက အမ်ားျပည္သူကို ထုတ္ေဖာ္ျပသမႈကို ကန္႔သတ္ထားတာပါ။ ဒီလို ရဲစစ္ ေဆးခ်က္ အခ်ိဳ႕ပ်ံ ႔ႏွံမႈက အစိုးရရဲ႕ လံုျခံဳေရးပိုင္းကို ေမးခြန္းေတြ ထုတ္လာသလို လံုၿခံဳေရးတာဝန္ရွိသူေတြရဲ႕ စစ္ေဆးမႈေတြကို ေဝဖန္ေထာက္ျပတာေတြ ရွိလာခဲ့ပါတယ္။ ဘယ္လိုေၾကာင့္ အြန္လိုင္းမွာ ပ်ံ႕ႏွံခဲ့သလဲဆိုတာ တရား၀င္ ထုတ္ျပန္ေျပာဆိုတာမရိွေသးပါဘူး။

ဥပေဒပညာရွင္တဦး ျဖစ္တဲ့ တရားလႊတ္ေတာ္ေရွ႕ေန ဦးႀကီးျမင့္ကေတာ့ ရွားရွားပါးပါး လူျမင္ကြင္းမွာ အသတ္ခံလိုက္ ရတဲ့ ဒီျဖစ္ရပ္ကို အစိုးရပိုင္းဘက္က ဖိဖိစည္းစည္းကိုင္တြယ္မႈအားနည္းေနတယ္လို႔ ယူဆပါတယ္။ ဒါေၾကာင့္ တကယ့္ တရားခံအ စစ္မေပၚဘဲ ၿပီးသြား ႏိုင္မွာကို စိုးရိမ္မိတယ္လို႔ ေျပာပါတယ္။

“ဒါကေတာ့ အရမ္းရႈပ္ေထြးေနတယ္၊ NLD အဖြဲ႔ခ်ဳပ္က ဦး၀င္းထိန္ကိုယ္တိုင္က သူတို႔ ၀င္ေရာက္မစြက္ဖက္ဘူး၊ ဖိအားမေပးဘူးတဲ့။ သူ႔အလုပ္ကို သူလုပ္တာပဲ လုပ္ပါလိမ့္မယ္ဆိုၿပီးေတာ့ ဦး၀င္းထိန္ကေျပာထားေတာ့ အဲဒါက တာ၀န္အရွိဆံုးလူကေျပာတာဆိုေတာ့ ဆရာတို႔က ေျပာရမွာ အေတာ္ခက္တယ္၊ NLD ပါတီကလည္း သူတို႔ေခါင္းေဆာင္ကို ေသမတက္ေၾကာက္ေနရာတာ၊ သူတို႔ေခါင္းေဆာင္ မီးစိမ္း မျပမျခင္း တုတ္တုတ္ေတာင္မလုပ္ရဲဘူး။ ေဒၚေအာင္ဆန္းစုၾကည္က မီးစိမ္းမျပပဲနဲ႔ သူ႔ဆီက Green Light မျပမခ်င္း လႊတ္ေတာ္က ဘာအဆိုမွ မတင္ရဲဘူး၊ ဘာကိုမွ မဆံုးျဖတ္ရဲဘူး၊ ဟိုလိုလို ဒီလိုလိုနဲ႔ အဆံုးသတ္လိုက္မွာကို သိပ္စိုးရိမ္တာပဲ။ ဒီလို လုပ္ၾကံမႈမ်ဳိးက ျမန္မာျပည္မွာ တခါမွ မေပၚဖူးဘူး။ ဒီတက္လာတဲ့ လူထုအစိုးရက လံုၿခံဳေရးကို လံုး၀ကိုင္ခြင့္မရွိဘူး။ ရဲတပ္ဖြဲ႔ႀကီးက စစ္တပ္ေအာက္ေရာက္ေနတယ္၊ အဲဒီေတာ့ သူတို႔ေပးတဲ့ သတင္းပဲရမယ္၊ သူတို႔ လုပ္ခ်င္တာေတြ ၀င္ေရာက္စြက္ဖက္လို႔လည္းမရဘူး။ အဲဒါအစဥ္အလာအားျဖင့္လည္း အဲလိုလုပ္ေနၾကပဲ၊ စစ္အစိုးရ ႏွစ္ ၅၀ သမိုင္းမွာေတာ့ အဲဒီသေဘာၾကီး ျဖစ္ေနတယ္၊ မဟုတ္တာေတြ ေလွ်ာက္ျပေနတယ္၊ ဒါႀကီးက ေတာ္ေတာ္သံႆယျဖစ္စရာ ေကာင္းတယ္။ ဦးကိုနီနဲ႔ ဘုရားဂိုဏ္းေတြလည္း ဘာမွ မဆိုင္ဘူး။”

ႏိုင္ငံေတာ္အတြက္ အေရးႀကီးတဲ့ ဒီလုပ္ႀကံမႈဆိုင္ရာ စာရြက္စာတမ္းအခ်ိဳ႕ အြန္လိုင္းမွာ ပ်ံႏွံခဲ့တာဟာ ႏိုင္ငံရဲ႕ လံုၿခံဳေရးစနစ္က်ိဳးေပါက္တာလို႔ ႏိုင္ငံေရးေလ့လာသံုးသပ္သူ ေဒါက္တာရန္မ်ိဳးသိမ္းက ေဝဖန္ေထာက္ျပခဲ့ပါတယ္။

“ဒီလုပ္ၾကံသတ္ျဖတ္ခံရတဲ့ ျဖစ္စဥ္မွာ အစိုးရနဲ႔ လံုၿခံဳေရး တပ္ဖြဲ႔၀င္ေတြရဲ႕ စံုစမ္းစစ္ေဆးမႈအပိုင္းကေတာ့ လက္ရွိအေျခအေနမွာ ေျပာမယ္ဆိုရင္ အားရ ေက်နပ္ဖြယ္မရွိဘူးလို႔ ျမင္တယ္။ အမူျဖစ္ပြားၿပီးေတာ့ ဒီ ၂၄ နာရီအတြင္းမွာ ကနဦး သတင္းထုတ္ျပန္မႈ အေျခအျမစ္နဲ႔ မလုပ္ႏိုင္တာကလည္း အမ်ားျပည္သူၾကားမွာ ယံုၾကည္မႈကို က်ဆင္းေစတယ္ဆိုၿပီး က်ေနာ္ကေတာ့ ျမင္တယ္။ အရပ္ဖက္ အဖြဲ႕အစည္းေတြအေနနဲ႕ကလည္း ေစာင့္ၾကည့္ေလ့လာဖို႔ လိုအပ္တယ္လို႔ ျမင္တယ္။ ေနာက္ၿပီးေတာ့ လႊတ္ေတ္ာအေနနဲ႔လည္း က်ေနာ့္အျမင္အရ ေစာင့္ၾကည့္ေလ့လာဖို႔ လိုအပ္တယ္လို႔ ျမင္တယ္။ဘာျဖစ္လို႔လဲဆိုေတာ့ လူျမင္ကြင္းမွာ လူ ၁ ေယာက္ကို ဦးေခါင္းကို ေသနတ္နဲ႔ ပစ္ၿပီးသတ္တယ္ဆိုတာကေတာ့ အင္မတန္မွ လူမဆန္တဲ့ ဒီလိုျဖစ္ရပ္ျဖစ္ခဲ့တယ္ဆိုတာကို အေရးတယူနဲ႔ ေလ့လာေစာင့္ၾကည့္ဖို႔ လိုအပ္တယ္လုိ႔ ျမင္တယ္။

အြန္လိုင္းမွာ ပ်ံ့ႏွံ႕ေနတဲ့ အဲဒီစာရြက္စာတမ္းအရ ရာဇ၀တ္မႈနဲ႔ေထာင္က်ဖူး တဲ့ ျမင့္ေဆြ ဆိုသူက ဦးကိုနီ ရဲ႕ ဓာတ္ပုံကို ျပၿပီး သတ္ေပးမည္ ဆိုပါက ကား ၁ စီး ေပးမည္ဟုဆိုကာ ေျပာဆိုခဲ့ၿပီး လုပ္ႀကံရာမွာ အသံုးျပဳတဲ့ ေသနတ္ ၂ လက္ ကိုလည္း ေပးခဲ့ေၾကာင္း ဖမ္မိထားတဲ့ ေသနတ္သမားက ထြက္ဆိုထားပါတယ္။ ဒီစာ႐ြက္ေတြ ဘယ္သူ႕ဆီက စတင္ ပ်ံ့ႏွံ႕လာတယ္ဆိုတာေတာ့ ယခုခ်ိန္ထိ မသိရွိရေသးပါဘူး။

ဖမ္းမိထားတဲ့ ေသနတ္သမားဦးၾကည္လင္ဟာ ေရွးေဟာင္းဘုရားခိုးယူေရာငး္၀ယ္မႈနဲ႔ ေထာင္က်ခဲ့သူျဖစ္ၿပီး၊ သမၼတဦးသိန္းစိန္လက္ထက္ လြတ္ၿငိမ္းခ်မ္းသာနဲ႔ ျပန္လည္လြတ္ေျမာက္လာသူျဖစ္ပါတယ္။

 ေမခ  / ဗြီအိုေအ (ျမန္မာပုိင္း)
http://burmese.voanews.com

Unicode

NLD ဥပဒေအကြံပေး ဦးကိုနီ လုပ်ကြံခံရမှုကို စုံစမ်းစစ်ဆေးနေတာ နှစ်ရက်မြောက်လာပေမယ့်၊ ဘာရည်ရွယ်ချက်နဲ့ ဘယ်သူက ခိုင်းစေတာလဲဆိုတာကို အစိုးရဖက် ထုတ်ပြန်နိုင်ခြင်းမရှိသေးပါဘူး။ တချိန်တည်းမှာ ရဲစစ်ဆေးချက်တွေက အင်တာနက်ပေါ် ပေါက်ကြားလာတဲ့ အပေါ်မှာလည်း လုံခြုံရေးတာဝန်ရှိသူတွေရဲ့ စုံစမ်းဆောင်ရွက်ချက်တွေ အပေါ် မေးခွန်းထုတ်လာစရာဖြစ်လာပါတယ်။ နောက်ကွယ်က တရားခံစစ်မပေါ်ပဲ သေနက်သမားဖမ်းမိမှုနဲ့ပဲ အဆံးုသတ်သွားမှာကို စိုးရိမ်နေကြတဲ့အကြောင်း ဗွီအိုအေ သတင်းထောက် မမေခ စုံစမ်း မေးမြန်း သတင်းပေးပို့ ထားပါတယ်။

တရားလွှတ်တော် ရှေ့နေ ဦးကိုနီ ကို သေနတ်ဖြင့် ပစ်ခတ် လုပ်ကြံခဲ့သူ သေနက်သမားကို ရဲစစ်မေးမှုလုပ်တာမှာ သူဖြေထားတဲ့ ဖြေဆိုချက်တွေဟာ လူမှု ကွန်ရက် မီဒီယာတွေမှာ ပေါက်ကြား ပျံ့နှံ့ခဲ့ပါတယ်။ ဒီစာရွက်စာတမ်းတွေဟာ သေနက်သမားရဲ့ ဖြေဆိုချက် အစစ်အမှန်တွေဖြစ်တယ်လို့ နိုင်ငံတော်သမ္မတရုံးပြောခွင့်ရသူက ဗွီအိုအေကို အတည်ပြုပြောပါတယ်။

ဥပဒေကြောင်းအရဆိုရင်တော့ ဒီလို ရဲစစ်ဆေးချက်တွေက အများပြည်သူကို ထုတ်ဖော်ပြသမှုကို ကန့်သတ်ထားတာပါ။ ဒီလို ရဲစစ် ဆေးချက် အချို့ပျံ ့နှံမှုက အစိုးရရဲ့ လုံခြုံရေးပိုင်းကို မေးခွန်းတွေ ထုတ်လာသလို လုံခြုံရေးတာဝန်ရှိသူတွေရဲ့ စစ်ဆေးမှုတွေကို ဝေဖန်ထောက်ပြတာတွေ ရှိလာခဲ့ပါတယ်။ ဘယ်လိုကြောင့် အွန်လိုင်းမှာ ပျံ့နှံခဲ့သလဲဆိုတာ တရားဝင် ထုတ်ပြန်ပြောဆိုတာမရှိသေးပါဘူး။

ဥပဒေပညာရှင်တဦး ဖြစ်တဲ့ တရားလွှတ်တော်ရှေ့နေ ဦးကြီးမြင့်ကတော့ ရှားရှားပါးပါး လူမြင်ကွင်းမှာ အသတ်ခံလိုက် ရတဲ့ ဒီဖြစ်ရပ်ကို အစိုးရပိုင်းဘက်က ဖိဖိစည်းစည်းကိုင်တွယ်မှုအားနည်းနေတယ်လို့ ယူဆပါတယ်။ ဒါကြောင့် တကယ့် တရားခံအ စစ်မပေါ်ဘဲ ပြီးသွား နိုင်မှာကို စိုးရိမ်မိတယ်လို့ ပြောပါတယ်။

“ဒါကတော့ အရမ်းရှုပ်ထွေးနေတယ်၊ NLD အဖွဲ့ချုပ်က ဦးဝင်းထိန်ကိုယ်တိုင်က သူတို့ ဝင်ရောက်မစွက်ဖက်ဘူး၊ ဖိအားမပေးဘူးတဲ့။ သူ့အလုပ်ကို သူလုပ်တာပဲ လုပ်ပါလိမ့်မယ်ဆိုပြီးတော့ ဦးဝင်းထိန်ကပြောထားတော့ အဲဒါက တာဝန်အရှိဆုံးလူကပြောတာဆိုတော့ ဆရာတို့က ပြောရမှာ အတော်ခက်တယ်၊ NLD ပါတီကလည်း သူတို့ခေါင်းဆောင်ကို သေမတက်ကြောက်နေရာတာ၊ သူတို့ခေါင်းဆောင် မီးစိမ်း မပြမခြင်း တုတ်တုတ်တောင်မလုပ်ရဲဘူး။ ဒေါ်အောင်ဆန်းစုကြည်က မီးစိမ်းမပြပဲနဲ့ သူ့ဆီက Green Light မပြမချင်း လွှတ်တော်က ဘာအဆိုမှ မတင်ရဲဘူး၊ ဘာကိုမှ မဆုံးဖြတ်ရဲဘူး၊ ဟိုလိုလို ဒီလိုလိုနဲ့ အဆုံးသတ်လိုက်မှာကို သိပ်စိုးရိမ်တာပဲ။ ဒီလို လုပ်ကြံမှုမျိုးက မြန်မာပြည်မှာ တခါမှ မပေါ်ဖူးဘူး။ ဒီတက်လာတဲ့ လူထုအစိုးရက လုံခြုံရေးကို လုံးဝကိုင်ခွင့်မရှိဘူး။ ရဲတပ်ဖွဲ့ကြီးက စစ်တပ်အောက်ရောက်နေတယ်၊ အဲဒီတော့ သူတို့ပေးတဲ့ သတင်းပဲရမယ်၊ သူတို့ လုပ်ချင်တာတွေ ဝင်ရောက်စွက်ဖက်လို့လည်းမရဘူး။ အဲဒါအစဉ်အလာအားဖြင့်လည်း အဲလိုလုပ်နေကြပဲ၊ စစ်အစိုးရ နှစ် ၅၀ သမိုင်းမှာတော့ အဲဒီသဘောကြီး ဖြစ်နေတယ်၊ မဟုတ်တာတွေ လျှောက်ပြနေတယ်၊ ဒါကြီးက တော်တော်သံဿယဖြစ်စရာ ကောင်းတယ်။ ဦးကိုနီနဲ့ ဘုရားဂိုဏ်းတွေလည်း ဘာမှ မဆိုင်ဘူး။”

နိုင်ငံတော်အတွက် အရေးကြီးတဲ့ ဒီလုပ်ကြံမှုဆိုင်ရာ စာရွက်စာတမ်းအချို့ အွန်လိုင်းမှာ ပျံနှံခဲ့တာဟာ နိုင်ငံရဲ့ လုံခြုံရေးစနစ်ကျိုးပေါက်တာလို့ နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းက ဝေဖန်ထောက်ပြခဲ့ပါတယ်။

“ဒီလုပ်ကြံသတ်ဖြတ်ခံရတဲ့ ဖြစ်စဉ်မှာ အစိုးရနဲ့ လုံခြုံရေး တပ်ဖွဲ့ဝင်တွေရဲ့ စုံစမ်းစစ်ဆေးမှုအပိုင်းကတော့ လက်ရှိအခြေအနေမှာ ပြောမယ်ဆိုရင် အားရ ကျေနပ်ဖွယ်မရှိဘူးလို့ မြင်တယ်။ အမူဖြစ်ပွားပြီးတော့ ဒီ ၂၄ နာရီအတွင်းမှာ ကနဦး သတင်းထုတ်ပြန်မှု အခြေအမြစ်နဲ့ မလုပ်နိုင်တာကလည်း အများပြည်သူကြားမှာ ယုံကြည်မှုကို ကျဆင်းစေတယ်ဆိုပြီး ကျနော်ကတော့ မြင်တယ်။ အရပ်ဖက် အဖွဲ့အစည်းတွေအနေနဲ့ကလည်း စောင့်ကြည့်လေ့လာဖို့ လိုအပ်တယ်လို့ မြင်တယ်။ နောက်ပြီးတော့ လွှတ်တော်အနေနဲ့လည်း ကျနော့်အမြင်အရ စောင့်ကြည့်လေ့လာဖို့ လိုအပ်တယ်လို့ မြင်တယ်။ဘာဖြစ်လို့လဲဆိုတော့ လူမြင်ကွင်းမှာ လူ ၁ ယောက်ကို ဦးခေါင်းကို သေနတ်နဲ့ ပစ်ပြီးသတ်တယ်ဆိုတာကတော့ အင်မတန်မှ လူမဆန်တဲ့ ဒီလိုဖြစ်ရပ်ဖြစ်ခဲ့တယ်ဆိုတာကို အရေးတယူနဲ့ လေ့လာစောင့်ကြည့်ဖို့ လိုအပ်တယ်လို့ မြင်တယ်။

အွန်လိုင်းမှာ ပျံ့နှံ့နေတဲ့ အဲဒီစာရွက်စာတမ်းအရ ရာဇဝတ်မှုနဲ့ထောင်ကျဖူး တဲ့ မြင့်ဆွေ ဆိုသူက ဦးကိုနီ ရဲ့ ဓာတ်ပုံကို ပြပြီး သတ်ပေးမည် ဆိုပါက ကား ၁ စီး ပေးမည်ဟုဆိုကာ ပြောဆိုခဲ့ပြီး လုပ်ကြံရာမှာ အသုံးပြုတဲ့ သေနတ် ၂ လက် ကိုလည်း ပေးခဲ့ကြောင်း ဖမ်မိထားတဲ့ သေနတ်သမားက ထွက်ဆိုထားပါတယ်။ ဒီစာရွက်တွေ ဘယ်သူ့ဆီက စတင် ပျံ့နှံ့လာတယ်ဆိုတာတော့ ယခုချိန်ထိ မသိရှိရသေးပါဘူး။

ဖမ်းမိထားတဲ့ သေနတ်သမားဦးကြည်လင်ဟာ ရှေးဟောင်းဘုရားခိုးယူရောငး်ဝယ်မှုနဲ့ ထောင်ကျခဲ့သူဖြစ်ပြီး၊ သမ္မတဦးသိန်းစိန်လက်ထက် လွတ်ငြိမ်းချမ်းသာနဲ့ ပြန်လည်လွတ်မြောက်လာသူဖြစ်ပါတယ်။

 မေခ  / ဗွီအိုအေ (မြန်မာပိုင်း)
http://burmese.voanews.com
Loading...