ျမန္မာျပည္မွာ နာမည္ဆိုးနဲ႔ ေက်ာ္ၾကားခဲ႔ဖူးတဲ႔ စေကာ္ပီယံဂုိဏ္းရဲ႕ ေခါင္းေဆာင္ အေၾကာင္း



_________________________________________________________
 ျမန္မာျပည္မွာ နာမည္ဆိုးနဲ႔ ေက်ာ္ၾကားခဲ႔ဖူးတဲ႔ စေကာ္ပီယံဂုိဏ္းရဲ႕ ေခါင္းေဆာင္ အေၾကာင္း


လြန္ခဲ့သည့္ ဆယ္စုႏွစ္ႏွစ္ခုေလာက္က စေကာ္ပီယံဂုိဏ္းဟူေသာနာမည္သည္ ျမန္မာျပည္တြင္ မေကာင္းသတင္းျဖင့္ ေက်ာ္ေဇာေသာအမည္နာမတစ္ခုပင္ ျဖစ္သည္။ အထက္တန္းလႊာလူတန္းစားသားမ်ား စုေပါင္းကာ ဖြဲ႕စည္းထားေသာ စေကာ္ပီယံဂုိဏ္းကုိလူမုိက္ ဂိုဏ္းတစ္ခုအျဖစ္ ျပည္သူမ်ားက ႐ႈျမင္ခဲ့ၾကသည္။ လက္ရွိအခ်ိန္တြင္ေတာ့ စေကာ္ပီယံဂုိဏ္းဟူေသာ အမည္နာမသည္ ေမွးမိွန္ေပ်ာက္ကြယ္သြားၿပီ ျဖစ္ၿပီး ဂုိဏ္းဝင္မ်ားသည္ ေထာင္က်သူက်၊ ဆုံးသူဆုံး တစ္ကြဲ တျပားျဖစ္သြားၾကၿပီျဖစ္သည္။ တခ်ိဳ႕မွာ စီးပြားေရး လုပ္ငန္းလုပ္ေနၾကသလုိ ပရဟိတလုပ္ငန္းမ်ားမွာလည္း ပါဝင္ေနၾကၿပီျဖစ္သည္။ ထုိအထဲတြင္မွ ဂုိဏ္းေခါင္းေဆာင္ျဖစ္ေသာ ကိုရန္ႏုိင္ေရြးခ်ယ္ခဲ့သည့္ ပရဟိတခရီးလမ္းမွာ သာမန္လူမ်ားအတြက္ ထူးဆန္းေနသည္။
မူးယစ္ေဆးသုံးစြဲခဲ့သည့္ လူငယ္မ်ားကို မိမိ ေနထုိင္ရာအိမ္သို႔ေခၚထားၿပီး ေဆးျပတ္ေအာင္ ျဖတ္ေပးသည့္လုပ္ငန္းကို သူလုပ္ေဆာင္ခဲ့သည္။ မူးယစ္ ေဆးဟူသည္ သုံးစြဲမိပါက ျဖတ္ရန္လြယ္ကူေသာအရာ မဟုတ္သလုိ ေဆးျဖတ္လုိက္ ျပန္သုံးလုိက္ျဖင့္ သံသရာလည္ေနေသာ လူမ်ားလည္း ဒုႏွင့္ေဒးပင္။ ထိုသို႔ခက္ခဲ ေသာ အလုပ္မ်ိဳးကိုမွ ေရြးခ်ယ္လုပ္ကိုင္ေနသည့္ ကိုရန္ႏိုင္သည္ပင္ တစ္ခ်ိန္က မူးယစ္ဆး၏ ေက်းကြၽန္တစ္ေယာက္ ျဖစ္ခဲ့ဖူးသည္။
စေကာ္ပီယံဂိုဏ္း ဆိုသည္မွာ
ႏိုင္ငံေတာ္ ၿငိမ္ဝပ္ပိျပားမႈ တည္ေဆာက္ေရး (နဝတ) အစိုးရလက္ထက္တြင္ ကုန္သြယ္ေရးဝန္ႀကီးဌာန၌ ခရီးသြားဝန္ေဆာင္မႈကုမၸဏီကို ၁၉၉၅ ခုႏွစ္ တြင္စတင္ၿပီး၊ မွတ္ပုံတင္ခဲ့သည့္ Travel &Tour ကုမၸဏီသည္ ကိုရန္ႏိုင္တုိ႔ ကုမၸဏီျဖစ္သည္။ ကုမၸဏီ၏ နာမည္အျပည့္အစံုမွာ ကင္းၿမီးေကာက္အျဖဴ (White Scorpion) သာျဖစ္သည္။ ကိုရန္ႏိုင္ဂ်ပန္ႏိုင္ငံမွ ျမန္မာႏိုင္ငံသို႔ ျပန္လာခ်ိန္ ျဖစ္ၿပီး ကိုရန္ႏိုင္ အသက္မွာ ၂ဝေက်ာ္သာ ရွိေသးသည္။ လာေရာက္ေသာ ဧည့္သည္မ်ားမွာ တခ်ိဳ႕က စီးပြားေရးလုပ္ရန္လာသလို၊ တခ်ိဳ႕ကလည္း အလည္အပတ္ သေဘာသာလာၾကသည္။ လူငယ္သဘာဝအရဧည့္သည္လူငယ္မ်ားက ႏိုက္ ကလပ္မ်ား၊ ဘားမ်ားသို႔ ပို႔ေပးရန္ေတာင္းဆိုၾကသည္။ ထိုလူငယ္မ်ားထဲတြင္ ဂ်ပန္ယာကူဇာမ်ားလည္း ပါဝင္လာသည္။ ျမန္မာႏိုင္ငံသို႔ တရားဝင္ ေရာက္လာေသာ မည္သည့္ ႏိုင္ငံျခားသားကိုမဆို သူတို႔၏ ခရီးသြား လုပ္ငန္းကသြားခ်င္ေသာ ေနရာသို႔ လိုက္ပို႔ေပး႐ံုသာ ရွိသည္။
ထို႔ေနာက္ စေကာ္ပီယံကုမၸဏီမွာ ခရီးသြားမ်ားရလာသလို စီးပြားေရးလည္းအတန္ငယ္ ေကာင္းလာသည္။ သို႔ေသာ္အမ်ားထင္သလို စေကာ္ပီယံဂိုဏ္း ႀကီးထူေထာင္ၿပီး၊ မူးယစ္ေဆးဝါးမ်ားကို ျဖန္႔ျဖဴးေန သည့္ အေျခအေနမ်ိဳးေတာ့ လံုးဝမဟုတ္ခဲ့ေၾကာင္း ကိုရန္ႏိုင္က ေျပာသည္။ ”စေကာ္ပီယံက ကြၽန္ေတာ့္ စီးပြားေရးသက္သက္ပါ။ အဲဒီ စေကာ္ပီယံကုမၸဏီကေနတစ္ဆင့္ လူငယ္ေတြပဲ တျဖည္းျဖည္းနဲ႔ စုမိလာေတာ့ ဂိုဏ္းတစ္ခုျဖစ္လို႔ ျမင္လာၾကတယ္။ လူငယ္ေတြျဖစ္ၾကတယ္။ ေနာက္ တစ္ခုက ေငြကိုသံုးႏိုင္ေတာ့ ထင္ရာစိုင္းေတာ့တာေပါ့” ဟု စေကာ္ပီယံဂုိဏ္းဟူ၍ နာမည္ႀကီးခဲ့ပုံကုိ ၎က ေျပာျပသည္။တစ္ေန႔တြင္ စေကာ္ပီယံကုမၸဏီ ကံဆိုးမိုးေမွာင္ က်ေစသည့္အမႈတစ္ခု ျဖစ္ေပၚလာခဲ့သည္။ ၎တို႔၏သူငယ္ခ်င္း လူငယ္တစ္ေယာက္မွာ ေဆးျဖတ္ထားသည္မွာ မၾကာေသး။ ၂ဝဝဝျပည့္ႏွစ္ New Year တြင္ သူငယ္ခ်င္းမ်ားက ႏွစ္သစ္ကို ႀကိဳဆိုရန္ လာေခၚၾကသည္။
ထိုညက ေဆးျဖတ္ထားေသာလူငယ္သည္ ေဆးျပန္ခ်မိသည္။ အသံုးမ်ားသြားသျဖင့္ Overdose ျဖစ္ကာ သတိလစ္သြားၿပီးသူငယ္ခ်င္းမ်ားက သတိရေစရန္ ျပဳစုၾကေသာ္လည္း အေျခအေနဆိုးရြားလာသျဖင့္ အတူရွိေနေသာ သူငယ္ခ်င္း ၄ ေယာက္ ေျခမကိုင္မိ လက္မကိုင္မိျဖစ္ကာ သတိေမ့ေနေသာ သူငယ္ခ်င္းကို သူတို႔အိမ္ေရွ႕သုိ႔ သြားျပန္ပို႔ေပးသည္။ ထိုကာလက ဟန္းဖုန္းမ်ားမရွိေသး၍ တျခားအိမ္ တစ္အိမ္မွ ဖုန္းဆက္ၿပီး သူတို႔သားကို ထြက္ေခၚရန္ အေၾကာင္းၾကားသည္။ ထိုအခ်ိန္တြင္ ေဆးမူးေနေသာ လူငယ္မွာလူးလွိမ့္ၿပီး အိမ္ေဘးရွိ ေျမာင္းထဲသုိ႔ က်သြားသည္။ အိမ္မွထြက္ၾကည့္ေသာအခါ ဘာကိုမွ မေတြ႕ သည့္အတြက္ ေနာက္ေနသည္ဟုထင္ၿပီး ျပန္ဝင္သြား သည္။ သူငယ္ခ်င္းမ်ားက ေနာက္တစ္ႀကိမ္ ျပန္ေရာက္ လာၿပီး၊ သူတို႔ သူငယ္ခ်င္းအေျခအေနကို ၾကည့္သည္။ အိမ္ေဘးေျမာင္းထဲတြင္ ေတြ႕ရသည့္အတြက္ သူ႔အိမ္သို႔ ဖုန္းထပ္ဆက္ျပန္သည္။ ထိုအခါမွ မိသားစုက ေတြ႕သြားေသာအခါ သူငယ္ခ်င္းက ေသဆံုးေနၿပီျဖစ္ သည္။ ေဆးေၾကာင့္ေရွာ့ခ္ရသြားၿပီး ၂နာရီေလာက္ ၾကာမွေတြ႕ရသည့္အတြက္ အသက္မမီေတာ့။ ေနာက္ဆံုး ေဆး႐ံုႀကီးကို ဖုန္းဆက္ၿပီး၊ လူနာတင္ကားျဖင့္ လာသယ္ေသာ္လည္း ေနာက္က်သြားခဲ့သည္။ ထိုကိစၥႏွင့္ပတ္သက္ၿပီးေနာက္ စေကာ္ပီယံဂိုဏ္းက လူသတ္သည္ဆိုၿပီး နာမည္ႀကီးသြားသည္။ တိုင္းမွဴး တစ္ေယာက္၏ သားကို႐ိုက္ၿပီး ကားမွန္မ်ားကို ခြဲသြားသည္ဟူေသာသတင္းမ်ား၊ လူသတ္သည္ဟူေသာ သတင္းမ်ား ဆက္တိုက္ ထြက္ေပၚလာသည္။ စေကာ္ပီယံဆိုသည့္ နာမည္ပိုႀကီးလာၿပီး လူတုိင္းမ်က္မုန္းက်ိဳးစရာအဖြဲ႕ျဖစ္လာသည္။ ကလပ္တြင္ ရန္ျဖစ္တိုင္း စေကာ္ပီယံကေကာင္ေတြဟု သတင္းလႊင့္ ျခင္းခံရသည္။
စေကာ္ပီယံဂုိဏ္း ၿပိဳကြဲခ်ိန္
ထိုသတင္းဆိုးမ်ား၏ ေနာက္ဆက္တြဲအျဖစ္ ၂ဝဝ၁ ခုႏွစ္တြင္ ဂိုဏ္းေခါင္းေဆာင္ရန္ႏုိင္၏ ေမြးေန႔ကို က်င္းပေနသည့္အခ်ိန္ စစ္ေထာက္လွမ္းေရးအမွတ္ (၁၂) မွ ေထာက္လွမ္းေရး တပ္ဖြဲ႕ဝင္မ်ား၊ လံုထိန္းတပ္ ဖြဲ႕မ်ား၊ ရဲတပ္ဖြဲ႕မ်ား ဝင္ေရာက္ ဖမ္းဆီးခဲ့သည္။ထုိ႔ေနာက္ ကလပ္အျပင္သို႔တစ္ဦးခ်င္းထြက္ေစ ၿပီးစစ္ေဆးလိုက္သည္။ ေမြးေန႔ရွင္ကိုရန္ႏိုင္ႏွင့္ မပတ္သက္ေသာသူမ်ားကို လႊတ္ေပးလိုက္ၿပီး ရန္ႏိုင္ႏွင့္ ပတ္သက္ေသာသူအားလံုးကို ဖမ္းဆီးကာ အခ်ဳပ္ကားထဲသုိ႔ ထည့္သြင္းလိုက္သည္။
ဖမ္းဆီးထားေသာလူ ၂၂ ေယာက္အနက္ကလပ္မွ ဖမ္းလာေသာ လူ ၅ ဦးသာ ေဆးက်သည္။ ကိုရန္ႏိုင္အပါအဝင္ က်န္ ၁၇ ဦးမွာ ေဆးေအာင္ သည္။ သို႔ေသာ္ ေထာက္လွမ္းေရးက ၂၂ ေယာက္ အနက္ ၁၇ ဦးကို ပုဒ္မ ၅(ဃ)၊ ပုဒ္မ ၆တို႔ျဖင့္လည္း ေကာင္း၊ ေဆးက်ေသာ ၅ ဦးကို ေနာက္ထပ္ ၁၅ (က)ျဖင့္လည္းေကာင္း အင္းစိန္ေထာင္ဗူးဝတြင္ အထူးတရား႐ံုးျပဳလုပ္ကာ စစ္ေဆးသည္။ တရား႐ံုးသို႔ မိသားစုဝင္မ်ားလာေရာက္ နားေထာင္ ခြင့္မရွိ။ ေရွ႕ေနငွားေပးခြင့္မရွိ။ ေထာင္ထဲသို႔ေရာက္ၿပီး ၁ လခြဲၾကာမွ ႐ံုးထြက္ခဲ့ရသလို ႐ံုးခ်ိန္း ၂ ခ်ိန္းၿပီးမွ သာေရွ႕ေနငွားခြင့္ေပးသည္။ သို႔ေသာ္တတိယ႐ံုးခ်ိန္း တြင္ ေရွ႕ေနခံုေပ်ာက္သြားၿပီး တရားသူႀကီးတစ္ဦး သာ ရွိေတာ့သည္။ တရားသူႀကီးက ၅(ဃ) ျဖင့္ အားလံုးအား ၇ ႏွစ္၊ သင္းဖြဲ႕ပုဒ္မ ၆ ျဖင့္ ၅ ႏွစ္ စုစုေပါင္း ၁၇ ေယာက္အား ၁၂ ႏွစ္ခ်ခဲ့သလို၊ ေဆးက်ေသာ ၅ ဦးအား မူးယစ္ေဆးပုဒ္မ ၁၅(က)ျဖင့္ ေနာက္ထပ္ ၅ ႏွစ္စီ ထပ္မံ အမိန္႔ခ်မွတ္ခဲ့သည္။”တကယ္ေတာ့ ကြၽန္ေတာ္တို႔ လူမသတ္ခဲ့ပါဘူး။ ဒါအမွန္တရားပါ။ ဒါကိုသူတို႔ မိသားစုလည္း သိပါတယ္”ဟု ဆရာရန္ႏိုင္က ေျပာသည္။
ႏွလံုးလွလူမိုက္
ေထာင္ထဲတြင္ ”စေကာ္ပီယံေတြ” ဟူေသာ သတင္းစကားျဖင့္ အက်ဥ္းသားမ်ား၏ အထင္အျမင္လြဲကာ တင္းမာသည့္ ဆက္ဆံမႈမ်ား ႀကံဳေတြ႕ခဲ့ရသည္။ အက်ဥ္းက်စဥ္ကာလအတြင္း ဝန္ထမ္းမ်ား၏ အထင္အျမင္လြဲမွားမႈေၾကာင့္ ေရာက္ခါစကာလမ်ားတြင္ တင္းက်ပ္ေသာစည္းကမ္းမ်ား၊ ဖိႏွိပ္မႈမ်ားကုိ ခါးခါး သီးသီးခံစားခဲ့ရသည္။ ထုိ႔ေၾကာင့္ အမႈတဲြ အခ်င္းခ်င္း ေသြးမကဲြေစဘဲ အတူတကြစုၿပီး အုိးမခြဲဘဲ ေထာင္မွ လြတ္ေျမာက္သည္အထိ အတူတူစားခဲ့သည္။ တစ္ ေယာက္ဒုကၡေရာက္လွ်င္ က်န္သူမ်ားက ဝုိင္းဝန္းကူ ညီသည္။ ၎နည္းျဖင့္ ေထာင္ထဲတြင္ ရပ္တည္ခဲ့သည့္အတြက္ ဒုကၡႀကီးႀကီးမားမား မေရာက္ခဲ့ေပ။ ေထာင္ ထဲတြင္ ေရာဂါရသျဖင့္ စေကာ္ပီယံအဖဲြ႕ထဲမွႏွစ္ဦး ကြယ္လြန္သြားခဲ့သည့္ ျဖစ္ရပ္သာရွိခဲ့သည္။ တစ္ဦးမွာ သာယာဝတီေထာင္တြင္ ကြယ္လြန္သြားခဲ့ျခင္း ျဖစ္ၿပီး ေဆးဝါးမျပည့္စံုျခင္းေၾကာင့္ တိမ္းပါးသြားခဲ့ရျခင္းျဖစ္သည္။ က်န္တစ္ဦးမွာ အင္းစိန္ေထာင္တြင္ ကြယ္လြန္ခဲ့သည္။ ေထာင္ထဲတြင္လည္း စေကာ္ပီယံမ်ားမွာ အျခားအက်ဥ္းသားမ်ား၏ လူမႈေရး၊ သာေရးနာေရး ကိစၥရပ္မ်ားကုိ ဝင္ေရာက္အကူအညီမ်ားေပးခဲ့သည္။ ကိုရန္ႏိုင္သည္ အင္းစိန္အက်ဥ္းေထာင္တြင္ ၁၂ ႏွစ္က်ခံရေသာ္လည္း ၁ဝ ႏွစ္ ျပည့္သည့္ ၂ဝ၁၁ ခုႏွစ္တြင္ျပန္လည္လြတ္ေျမာက္ခဲ့သည္။
”ပထမ စေရာက္တုန္းက မြန္းက်ပ္ဖိႏွိပ္မႈေတြ၊ ညႇဥ္းပန္းႏွိပ္စက္မႈေတြခံရပါတယ္။ ေနာက္ေတာ့ဝန္ ထမ္းေတြကအစ သူတို႔နဂိုသိထားသလို အမႈမ်ိဳးမဟုတ္ ဘူးဆိုတာကို သိလာတဲ့အခါမွာေတာ့ မ်က္ႏွာသာေပးျခင္း ျပန္ခံစားရတယ္။ ဒါေတြဟာ ဘုရားသခင္ရဲ႕ မစ ျခင္းသက္သက္ေၾကာင့္ပါ”ဟု ဆရာရန္ႏိုင္က မ်က္စိမွိတ္ၿပီး တိုးတိတ္စြာဆိုလာသည္။ ေထာင္မွ လြတ္ေျမာက္လာၿပီးေနာက္ ကိုရန္ႏုိင္၏ အေတြးအေခၚအယူအဆမ်ားသည္ လံုးဝ ေျပာင္းလဲ သြားေတာ့သည္။ တစ္ခ်ိန္ကစည္းစိမ္၊ ဂုဏ္ျဒပ္မ်ားျဖင့္ ၾ<ြကယ္ဝစြာ အသက္ရွင္ေနထိုင္ခဲ့သည့္ လူမိုက္ရန္ႏိုင္မွသည္ ေထာင္ မွထြက္လာၿပီးသည့္ေနာက္ လူသားမ်ားအတြက္အက်ဳိး ျပဳလုပ္ငန္းမ်ားလုပ္ေဆာင္ရန္ ႏွလံုးလွေသာဘုရား အေစခံလူတစ္ဦးအျဖစ္ ေရြးခ်ယ္ဆံုးျဖတ္ခဲ့သည္။ ခရစ္ယာန္ဘာသာကုိ သက္ဝင္ယံုၾကည္လာၿပီး ေနာက္ ၎၏လူငယ္ဘဝသက္တမ္းတစ္ေလွ်ာက္တြင္ က်င္လည္က်က္စားခဲ့ဖူးသည့္ အေတြ႔အႀကံဳတစ္ခုကို အရင္းျပဳကာ အျခားလူငယ္မ်ား အနာဂတ္မေပ်ာက္ေအာင္ တည့္မတ္ေပးသည့္ ပဲ့ကိုင္ရွင္တစ္ဦးျဖစ္လာသည္။
”ဘုရားသခင္က အျပစ္ကို ခြင့္လြတ္တယ္။ ဒါေပ မယ့္ ေနာက္ထပ္အျပစ္မက်ဴးလြန္ဖို႔ေတာ့ သူ အလိုရွိ တယ္။ ဘယ္ဘာသာတရားမဆိုေကာင္းတာကိုပဲ လုပ္ ခိုင္းတာပါ”ဟု ၎က ဆိုသည္။ ဆယ္ႏွစ္တာ က်င္လည္ခဲ့သည့္ ပတ္ဝန္းက်င္ တစ္ခုျဖစ္ေသာဒုကၡမ်ိဳးစံုရင္ ဆုိင္ရလ်က္ရွိေသာ ေထာင္ အတြင္းရွိ အက်ဥ္းသားမ်ားထံသုိ႔ သြားေရာက္ၿပီး လုိအပ္သည္မ်ားကိုကူညီေပးခဲ့သည္။ ”ေထာင္ထဲမွာ ညီအစ္ကိုေတြလိုအပ္တာ ေမတၱာတရားပါ”ဟု ဆရာရန္ႏိုင္က ျပတ္သားစြာဆိုသည္။ ထုိအလုပ္လုပ္ကုိင္ရာမွ က်ယ္ျပန္႔လာသည့္အတြက္ ေထာင္သာသနာျပဳလုပ္ငန္းဟူ၍ ျဖစ္ေပၚလာခဲ့သည္။ အက်ဥ္းသားမ်ား၏ စိတ္ႏွလံုးတြင္ ခ်စ္ျခင္း ေမတၱာမ်ားပြားမ်ားေစရန္၊ ေနာင္တတရားမ်ားရ၍ လူ႔သက္တမ္း အသစ္မွာ ေပ်ာ္ရႊင္စြာ ေနထိုင္သြားေစရန္ အဓိက လုပ္ေဆာင္ခဲ့သည္။ ”လူတိုင္း အၿမဲတမ္းသြား ေရာက္ မေတြ႔ဆံုႏိုင္ေပမယ့္ ကြၽန္ ေတာ္ လစဥ္တိုင္း အင္းစိန္အက်ဥ္းေထာင္နဲ႔ သာယာဝတီေထာင္အက်ဥ္းေထာင္ကို ငါးေျခာက္ေတြ ေၾကာ္ေလွာ္ၿပီးေတာ့ ပို႔တယ္” ဟု ၎က ေျပာသည္။
မူးယစ္ေက်းကြၽန္မ်ားရဲ႕ အနာဂတ္ ပဲ့ကုိင္ရွင္
ေထာင္သာသနာျပဳ လုပ္ငန္းလုပ္ကုိင္ရင္း မူးယစ္ေဆးစြဲလူငယ္မ်ားကို ေဆးျဖတ္ေပးသည့္လုပ္ငန္းကုိ လြန္ခဲ့သည့္ ႏွစ္ႏွစ္ခန္႔မွစတင္ လုပ္ေဆာင္ခဲ့သည္။ လွည္းကူး ငါး ဆူေတာင္ရွိ သူ႕ၿခံတြင္ စုိက္ပ်ိဳးေရး ႏွင့္ ေမြးျမဴေရးကုိတြဲလုပ္ကာ လူငယ္မ်ားကို ေဆးျဖတ္ေပးသည္။ယေန႔ လူငယ္မ်ားကုိ ေလာင္းကစား၊ အရက္၊ ဂိမ္း၊ မူးယစ္ေဆး ဝါးစသည့္ အရာမ်ား လႊမ္းမိုးခ်ဳပ္ ကိုင္လာၾကသည္။ ထိုအထဲတြင္ အနာဂတ္ ေပ်ာက္ဆံုးေနသည့္ မူး ယစ္ေက်းကြၽန္မ်ား ဘဝသစ္ ေလွ်ာက္လွမ္းႏိုင္ေစရန္ သူကူညီ ေပးလုိ၍ ထိုအလုပ္ကိုေရြးခ်ယ္ခဲ့ ျခင္းျဖစ္သည္ဟု ဆုိသည္။”မူးယစ္ေဆး ျပႆနာက ကိုယ္တိုင္ႀကံဳေတြ႕ခဲ့တယ္။ ေဆးသမားေတြက ေလာင္းကစားသမား၊ ဂိမ္းသမားေတြထက္ ဆိုးတယ္။ ေလာင္းကစားသမား၊ ဂိမ္းသမား ေတြက ပါတနာမပါရင္ လုပ္လို႔မရ ဘူး။ ေဆးသမားေတြမွာ ေဆးျပတ္ ႏိုင္ခဲ့ရင္ေတာင္ မိသားစု၊ ပတ္ဝန္းက်င္ရဲ႕ယံုၾကည္မႈကို အျပည့္အဝ မရရွိေတာ့ဘူး။ အဲဒီအခါမွာစိတ္ ပိုင္းဆိုင္ရာ ထိခိုက္ၿပီး အရြဲ႕တိုက္ ၾကတယ္။ အဲဒီေဆးကိုျပန္သံုးၾက တတ္တယ္” ဟု ၎အေတြ႔အႀကံဳကို ျပန္လည္ေျပာျပခဲ့သည္။အက်ဥ္းေထာင္မွ လြတ္ ေျမာက္ၿပီး မူးယစ္ျဖတ္ သင္တန္းေက်ာင္း တည္ေထာင္သည္မွာ၂ ႏွစ္သာ ရွိေသးေသာ္လည္း လူ ေပါင္း ငါးဆယ္ေက်ာ္ကိုမူးယစ္ႏြံမွ ဆြဲထုတ္ႏိုင္ခဲ့သည္။
”ဒါကိုေရြးခ်ယ္ခဲ့တာ ေတာထဲမွာ ဆိုးတဲ့က်ားကို ေပြ႕ဖက္ထားၿပီး ရြာသူရြာသားေတြ အလုပ္လုပ္ပါ ေစဆိုတဲ့သေဘာပါပဲ” ဟု သူက ေျပာသည္။ကိုရန္ႏိုင္၏အသင္းေတာ္ျဖစ္ေသာ C Myanmar Church တြင္ေဆးျဖတ္ လိုပါကလာေရာက္ ႏိုင္ၿပီးလူမ်ိဳး၊ ဘာသာ၊ အသက္ အရြယ္မေရြး လက္ခံထားသည္။ စည္းကမ္းတင္းက်ပ္စြာ သတ္မွတ္ထားျခင္း မရွိသည့္အျပင္ မိမိယံု ၾကည္ရာ ဘာသာကိုလည္း လြတ္လပ္စြာ ကိုးကြယ္ႏိုင္သည္။ တခ်ိဳ႕သည္ မူးယစ္ေက်းကြၽန္အျဖစ္မွ လံုးဝကြင္းလံုးကြၽတ္လြတ္ ေျမာက္သြားေသာ္လည္း ပတ္ဝန္းက်င္၊ အေပါင္းအသင္းေဟာင္းမ်ား ႏွင့္ ျပန္လည္ဆံုစည္းၿပီး မလြတ္ ေျမာက္ႏိုင္ေသးသည့္လူ အနည္းစုလည္း ရွိသည္ဟုသူကေျပာသည္။
”မူးယစ္ႏြံထဲကေန ႐ုန္းထြက္ဖို႔ဆိုတာ ဘုရားမပါရင္ မရဘူး။ ဒီကမၻာေပၚမွာ မူးယစ္ကင္းစင္ၿပီး မားမားမတ္မတ္ရပ္တည္ႏိုင္တဲ့ ေနရာက ရာခိုင္ႏႈန္းနည္းပါတယ္။ တခ်ိဳ႕က အစားထိုးေဆးေပးၿပီး ေတာ့ ထိန္းထားတာရွိတယ္။ တခ်ိဳ႕ ကအရက္နဲ႔၊ တခ်ိဳ႕ကေဆးေျခာက္ နဲ႔စသျဖင့္ ျဖတ္ၾကပါတယ္။ ကြၽန္ ေတာ့္ သင္တန္းေက်ာင္းမွာေတာ့ သမၼာက်မ္းစာနဲ႔ ဆုေတာင္းျခင္းသာ အဓိက ေဆးျဖစ္တယ္” ဟု ဆရာရန္ႏိုင္က ဆိုသည္။၎သင္တန္းေက်ာင္းသို႔ ေရာက္ရွိလာသည့္ မူးယစ္ေဆးသံုး စြဲသူမ်ားသည္ ဘိန္းႏွင့္ရာဘအမ်ား ဆံုးသံုးစြဲသူမ်ားျဖစ္ၿပီး အရြယ္အား ျဖင့္ ဆယ္ေက်ာ္သက္မွ အသက္ ၅ဝ ထိရွိသည္။ အေျခခံလူတန္းစားအမ်ားဆံုးျဖစ္ၿပီးရွမ္းေျမာက္ေဒသ၊ ကခ်င္တို႔မွ အမ်ားဆံုးျဖစ္သည္။စာသင္ၾကားျခင္းအမႈအျပင္ လူမႈဘဝေနထိုင္နည္းမ်ား၊ အသက္ေမြးဝမ္းေက်ာင္းပညာအျဖစ္ စိုက္ပ်ိဳးေရး၊ ေမြးျမဴေရးႏွင့္ပတ္သက္ သည့္အရာမ်ားကိုလည္း လက္ေတြ႔ သင္ၾကားေပးသည္ဟု သိရသည္။ က်မ္းစာသင္ၾကားရန္ ေရာက္ရွိေနေသာ အေဆာင္ေအာက္တြင္ ဂီတာထိုင္တီးေနသည့္ လူငယ္ တခ်ိဳ႕ကို ေငးၾကည့္ရင္း ကြဲအက္ေသာအသံျဖင့္ သူကဆိုသည္။
”သူတို႔ေတြက ဒီေဆးျပတ္သြားခဲ့ၾကရင္ေတာင္ အိမ္ကယံု ၾကည္ျခင္းနဲ႔ မယံုၾကည္ျခင္း ဒီႏွစ္ခုၾကားမွာ အသက္ရွင္ရတာ မ်ားတယ္။ မိသားစုရဲ႕ ယံုၾကည္အား ေပးမႈက အရမ္းလိုအပ္တယ္။ သူ တို႔ ႀကိဳးစားတည္ေဆာက္ရဲ႕သားနဲ႔ တစ္ဖက္က မယံုၾကည္တဲ့အခါမွာ သူတို႔ေတြဟာအရာရာဟာ မခံခ်င္ စိတ္ျဖစ္လာတယ္။ မိုက္လမ္းကို ျပန္ေရြးခ်ယ္ဖို႔ ဝန္မေလးၾကေတာ့ဘူး” ဟု ၎က ေျပာသည္။ သင္တန္းကာလကိုကန္႔သတ္ထားျခင္းမရွိ၊ စားေသာက္စရိတ္အျဖစ္ တစ္လလွ်င္ က်ပ္ငါးေသာင္းသာ ေကာက္ခံခဲ့သည္။ ထို႔အျပင္ ျပည္တြင္း၊ ျပည္ပအကူအညီရယူမႈ မရွိသလို၊ INGO NGO အဖြဲ႔အစည္းမ်ား၏ ကူညီေထာက္ပံ့မႈ လည္း မရွိေၾကာင္း သိရသည္။ ”ငါးေသာင္းဆိုေပမယ့္ တခ်ိဳ႕ဆို ေဆးျပတ္တဲ့အထိ ေနသြားတယ္။ တစ္ျပားမွ မေပးတာလည္း ရွိတယ္။ ကြၽန္ေတာ္ မေတာင္းပါ ဘူး”ဟု ၎က ရွင္းျပခဲ့သည္။ ထိုပရဟိတလုပ္ငန္း လည္ပတ္ႏိုင္ရန္ တစ္ပိုင္တစ္ႏိုင္ စိုက္ပ်ိဳးေရး၊ ေမြးျမဴေရးလုပ္ငန္းမ်ား လုပ္ကိုင္ခဲ့ၾကသည္။
အမုိက္နိဂုံးအဆုံးသတ္
တစ္ခ်ိန္က လုိတရဘဝကုိပိုင္ ဆုိင္ခဲ့သည့္ကုိရန္ႏိုင္၊ မူးယစ္ေက်းကြၽန္ ကုိရန္ႏုိင္ကေတာ့ လက္ရွိမွာ အသက္ ၄ဝေက်ာ္ၿပီျဖစ္ၿပီး သင္း အုပ္ဆရာတစ္ဦးအျဖစ္ ဘဝကို တရားဓမၼျဖင့္ ျဖတ္သန္းေနၿပီျဖစ္သည္။ လူငယ္ဘဝက ဆုိးခဲ့ေပခဲ့မိ တာေတြအတြက္ ေနာင္တတရား ႏွင့္အတူ မိမိေၾကာင့္ ထိခိုက္ခဲ့ရ သူမ်ားရွိပါက ေတာင္းပန္သည္ဟုလည္း ၎က ဆုိသည္။ ”ကြၽန္ေတာ့္ေၾကာင့္ ျဖစ္ပ်က္ခဲ့ရတဲ့ နာၾကည္းစရာေတြ ခါးသီးျခင္းေတြတခ်ိဳ႕ဆို ကားတစ္စီးလံုး ေၾကမြသြားတဲ့အထိရွိတယ္။ စေကာ္ ပီယံနာမည္ကို လူတန္းစားေတာ္ ေတာ္မ်ားမ်ားက အလြဲသံုးစားလုပ္ခဲ့တယ္။ ကြၽန္ေတာ္ကိုယ္တိုင္ျဖစ္ ခဲ့တဲ့အရာလည္း ရွိေကာင္းရွိမယ္။ ဒါေပမယ့္ ဘယ္နည္းနဲ႔ပဲ အလြဲသံုး စားလုပ္ခဲ့ပါေစ ခံစားခဲ့ရတဲ့ လူေတြကို ကြၽန္ေတာ္ ေတာင္းပန္တယ္” ဟု ၎က တီးတိုးဆုိသည္။
၎၏ အတိတ္ကာလက အျဖစ္ပ်က္မ်ားအတြက္ နာၾကည္းေန ျခင္း၊ ပူေဆြးေနျခင္းမရွိဘဲ ပကတိ ၾကည္လင္လ်က္ရွိသည္။ သူ၏မ်က္လံုးမ်ားသည္ သူ၏ဘဝဇာတ္ ေၾကာင္းကုိ လူေတြစာနာ သနား ေစရန္ဦးစားေပး မေျပာဆိုဘဲသမၼာ တရားႏွင့္ လူသားမ်ားၾကားလိုအပ္ေနေသာ ကူညီမႈမ်ား၊ ေမတၱာ တရားမ်ားအတြက္သာ မရပ္မနား ေျပာလ်က္ရွိသည္။ အက်ဥ္းေထာင္မ်ားသို႔ လွဴဒါန္းရန္အတြက္ ငါးေျခာက္မ်ားကို ေနလွမ္းေနရာမွ ဘဝဇာတ္ေၾကာင္း အနိမ့္အျမင့္အဖုံဖုံကို ေျပာျပေနေသာ သူ၏မ်က္ႏွာတြင္ ဘာသာေရးကို ယုံၾကည္သက္ဝင္မႈက အထင္းသား။ အမွားကိုသိၿပီး ဆက္မမွားေနဘဲ မွန္သည့္လမ္းကို ေရြး ခ်ယ္ေလွ်ာက္လွမ္းရန္လုိေၾကာင္း ကိုရန္ႏုိင္၏ ဘဝ ပုံကားခ်ပ္မ်ားက သက္ေသျပေနသည္ ။ ”လူတုိင္းမွား တတ္တာပဲေလ။ အဲဒီအမွားကုိ သိၿပီးျပန္ျပင္ဖုိ႔က နံပါတ္တစ္ပဲ” ဟုေျပာေသာ ကုိရန္ ႏိုင္သည္ ၎၏ေျပာစကားအတုိင္းပင္ စေကာ္ပီယံဂုိဏ္းေခါင္းေဆာင္ ဘဝမွသင္းအုပ္ဆရာ ဘဝသို႔ ေျပာင္းလဲႏိုင္ခဲ့ေလၿပီ။

popularmyanmar

Unicode
လွန်ခဲ့သည့် ဆယ်စုနှစ်နှစ်ခုလောက်က စကော်ပီယံဂိုဏ်းဟူသောနာမည်သည် မြန်မာပြည်တွင် မကောင်းသတင်းဖြင့် ကျော်ဇောသောအမည်နာမတစ်ခုပင် ဖြစ်သည်။ အထက်တန်းလွှာလူတန်းစားသားများ စုပေါင်းကာ ဖွဲ့စည်းထားသော စကော်ပီယံဂိုဏ်းကိုလူမိုက် ဂိုဏ်းတစ်ခုအဖြစ် ပြည်သူများက ရှုမြင်ခဲ့ကြသည်။ လက်ရှိအချိန်တွင်တော့ စကော်ပီယံဂိုဏ်းဟူသော အမည်နာမသည် မှေးမှိန်ပျောက်ကွယ်သွားပြီ ဖြစ်ပြီး ဂိုဏ်းဝင်များသည် ထောင်ကျသူကျ၊ ဆုံးသူဆုံး တစ်ကွဲ တပြားဖြစ်သွားကြပြီဖြစ်သည်။ တချို့မှာ စီးပွားရေး လုပ်ငန်းလုပ်နေကြသလို ပရဟိတလုပ်ငန်းများမှာလည်း ပါဝင်နေကြပြီဖြစ်သည်။ ထိုအထဲတွင်မှ ဂိုဏ်းခေါင်းဆောင်ဖြစ်သော ကိုရန်နိုင်ရွေးချယ်ခဲ့သည့် ပရဟိတခရီးလမ်းမှာ သာမန်လူများအတွက် ထူးဆန်းနေသည်။
မူးယစ်ဆေးသုံးစွဲခဲ့သည့် လူငယ်များကို မိမိ နေထိုင်ရာအိမ်သို့ခေါ်ထားပြီး ဆေးပြတ်အောင် ဖြတ်ပေးသည့်လုပ်ငန်းကို သူလုပ်ဆောင်ခဲ့သည်။ မူးယစ် ဆေးဟူသည် သုံးစွဲမိပါက ဖြတ်ရန်လွယ်ကူသောအရာ မဟုတ်သလို ဆေးဖြတ်လိုက် ပြန်သုံးလိုက်ဖြင့် သံသရာလည်နေသော လူများလည်း ဒုနှင့်ဒေးပင်။ ထိုသို့ခက်ခဲ သော အလုပ်မျိုးကိုမှ ရွေးချယ်လုပ်ကိုင်နေသည့် ကိုရန်နိုင်သည်ပင် တစ်ချိန်က မူးယစ်ဆး၏ ကျေးကျွန်တစ်ယောက် ဖြစ်ခဲ့ဖူးသည်။
စကော်ပီယံဂိုဏ်း ဆိုသည်မှာ
နိုင်ငံတော် ငြိမ်ဝပ်ပိပြားမှု တည်ဆောက်ရေး (နဝတ) အစိုးရလက်ထက်တွင် ကုန်သွယ်ရေးဝန်ကြီးဌာန၌ ခရီးသွားဝန်ဆောင်မှုကုမ္ပဏီကို ၁၉၉၅ ခုနှစ် တွင်စတင်ပြီး၊ မှတ်ပုံတင်ခဲ့သည့် Travel &Tour ကုမ္ပဏီသည် ကိုရန်နိုင်တို့ ကုမ္ပဏီဖြစ်သည်။ ကုမ္ပဏီ၏ နာမည်အပြည့်အစုံမှာ ကင်းမြီးကောက်အဖြူ (White Scorpion) သာဖြစ်သည်။ ကိုရန်နိုင်ဂျပန်နိုင်ငံမှ မြန်မာနိုင်ငံသို့ ပြန်လာချိန် ဖြစ်ပြီး ကိုရန်နိုင် အသက်မှာ ၂ဝကျော်သာ ရှိသေးသည်။ လာရောက်သော ဧည့်သည်များမှာ တချို့က စီးပွားရေးလုပ်ရန်လာသလို၊ တချို့ကလည်း အလည်အပတ် သဘောသာလာကြသည်။ လူငယ်သဘာဝအရဧည့်သည်လူငယ်များက နိုက် ကလပ်များ၊ ဘားများသို့ ပို့ပေးရန်တောင်းဆိုကြသည်။ ထိုလူငယ်များထဲတွင် ဂျပန်ယာကူဇာများလည်း ပါဝင်လာသည်။ မြန်မာနိုင်ငံသို့ တရားဝင် ရောက်လာသော မည်သည့် နိုင်ငံခြားသားကိုမဆို သူတို့၏ ခရီးသွား လုပ်ငန်းကသွားချင်သော နေရာသို့ လိုက်ပို့ပေးရုံသာ ရှိသည်။
ထို့နောက် စကော်ပီယံကုမ္ပဏီမှာ ခရီးသွားများရလာသလို စီးပွားရေးလည်းအတန်ငယ် ကောင်းလာသည်။ သို့သော်အများထင်သလို စကော်ပီယံဂိုဏ်း ကြီးထူထောင်ပြီး၊ မူးယစ်ဆေးဝါးများကို ဖြန့်ဖြူးနေ သည့် အခြေအနေမျိုးတော့ လုံးဝမဟုတ်ခဲ့ကြောင်း ကိုရန်နိုင်က ပြောသည်။ ”စကော်ပီယံက ကျွန်တော့် စီးပွားရေးသက်သက်ပါ။ အဲဒီ စကော်ပီယံကုမ္ပဏီကနေတစ်ဆင့် လူငယ်တွေပဲ တဖြည်းဖြည်းနဲ့ စုမိလာတော့ ဂိုဏ်းတစ်ခုဖြစ်လို့ မြင်လာကြတယ်။ လူငယ်တွေဖြစ်ကြတယ်။ နောက် တစ်ခုက ငွေကိုသုံးနိုင်တော့ ထင်ရာစိုင်းတော့တာပေါ့” ဟု စကော်ပီယံဂိုဏ်းဟူ၍ နာမည်ကြီးခဲ့ပုံကို ၎င်းက ပြောပြသည်။တစ်နေ့တွင် စကော်ပီယံကုမ္ပဏီ ကံဆိုးမိုးမှောင် ကျစေသည့်အမှုတစ်ခု ဖြစ်ပေါ်လာခဲ့သည်။ ၎င်းတို့၏သူငယ်ချင်း လူငယ်တစ်ယောက်မှာ ဆေးဖြတ်ထားသည်မှာ မကြာသေး။ ၂ဝဝဝပြည့်နှစ် New Year တွင် သူငယ်ချင်းများက နှစ်သစ်ကို ကြိုဆိုရန် လာခေါ်ကြသည်။
ထိုညက ဆေးဖြတ်ထားသောလူငယ်သည် ဆေးပြန်ချမိသည်။ အသုံးများသွားသဖြင့် Overdose ဖြစ်ကာ သတိလစ်သွားပြီးသူငယ်ချင်းများက သတိရစေရန် ပြုစုကြသော်လည်း အခြေအနေဆိုးရွားလာသဖြင့် အတူရှိနေသော သူငယ်ချင်း ၄ ယောက် ခြေမကိုင်မိ လက်မကိုင်မိဖြစ်ကာ သတိမေ့နေသော သူငယ်ချင်းကို သူတို့အိမ်ရှေ့သို့ သွားပြန်ပို့ပေးသည်။ ထိုကာလက ဟန်းဖုန်းများမရှိသေး၍ တခြားအိမ် တစ်အိမ်မှ ဖုန်းဆက်ပြီး သူတို့သားကို ထွက်ခေါ်ရန် အကြောင်းကြားသည်။ ထိုအချိန်တွင် ဆေးမူးနေသော လူငယ်မှာလူးလှိမ့်ပြီး အိမ်ဘေးရှိ မြောင်းထဲသို့ ကျသွားသည်။ အိမ်မှထွက်ကြည့်သောအခါ ဘာကိုမှ မတွေ့ သည့်အတွက် နောက်နေသည်ဟုထင်ပြီး ပြန်ဝင်သွား သည်။ သူငယ်ချင်းများက နောက်တစ်ကြိမ် ပြန်ရောက် လာပြီး၊ သူတို့ သူငယ်ချင်းအခြေအနေကို ကြည့်သည်။ အိမ်ဘေးမြောင်းထဲတွင် တွေ့ရသည့်အတွက် သူ့အိမ်သို့ ဖုန်းထပ်ဆက်ပြန်သည်။ ထိုအခါမှ မိသားစုက တွေ့သွားသောအခါ သူငယ်ချင်းက သေဆုံးနေပြီဖြစ် သည်။ ဆေးကြောင့်ရှော့ခ်ရသွားပြီး ၂နာရီလောက် ကြာမှတွေ့ရသည့်အတွက် အသက်မမီတော့။ နောက်ဆုံး ဆေးရုံကြီးကို ဖုန်းဆက်ပြီး၊ လူနာတင်ကားဖြင့် လာသယ်သော်လည်း နောက်ကျသွားခဲ့သည်။ ထိုကိစ္စနှင့်ပတ်သက်ပြီးနောက် စကော်ပီယံဂိုဏ်းက လူသတ်သည်ဆိုပြီး နာမည်ကြီးသွားသည်။ တိုင်းမှူး တစ်ယောက်၏ သားကိုရိုက်ပြီး ကားမှန်များကို ခွဲသွားသည်ဟူသောသတင်းများ၊ လူသတ်သည်ဟူသော သတင်းများ ဆက်တိုက် ထွက်ပေါ်လာသည်။ စကော်ပီယံဆိုသည့် နာမည်ပိုကြီးလာပြီး လူတိုင်းမျက်မုန်းကျိုးစရာအဖွဲ့ဖြစ်လာသည်။ ကလပ်တွင် ရန်ဖြစ်တိုင်း စကော်ပီယံကကောင်တွေဟု သတင်းလွှင့် ခြင်းခံရသည်။
စကော်ပီယံဂိုဏ်း ပြိုကွဲချိန်
ထိုသတင်းဆိုးများ၏ နောက်ဆက်တွဲအဖြစ် ၂ဝဝ၁ ခုနှစ်တွင် ဂိုဏ်းခေါင်းဆောင်ရန်နိုင်၏ မွေးနေ့ကို ကျင်းပနေသည့်အချိန် စစ်ထောက်လှမ်းရေးအမှတ် (၁၂) မှ ထောက်လှမ်းရေး တပ်ဖွဲ့ဝင်များ၊ လုံထိန်းတပ် ဖွဲ့များ၊ ရဲတပ်ဖွဲ့များ ဝင်ရောက် ဖမ်းဆီးခဲ့သည်။ထို့နောက် ကလပ်အပြင်သို့တစ်ဦးချင်းထွက်စေ ပြီးစစ်ဆေးလိုက်သည်။ မွေးနေ့ရှင်ကိုရန်နိုင်နှင့် မပတ်သက်သောသူများကို လွှတ်ပေးလိုက်ပြီး ရန်နိုင်နှင့် ပတ်သက်သောသူအားလုံးကို ဖမ်းဆီးကာ အချုပ်ကားထဲသို့ ထည့်သွင်းလိုက်သည်။
ဖမ်းဆီးထားသောလူ ၂၂ ယောက်အနက်ကလပ်မှ ဖမ်းလာသော လူ ၅ ဦးသာ ဆေးကျသည်။ ကိုရန်နိုင်အပါအဝင် ကျန် ၁၇ ဦးမှာ ဆေးအောင် သည်။ သို့သော် ထောက်လှမ်းရေးက ၂၂ ယောက် အနက် ၁၇ ဦးကို ပုဒ်မ ၅(ဃ)၊ ပုဒ်မ ၆တို့ဖြင့်လည်း ကောင်း၊ ဆေးကျသော ၅ ဦးကို နောက်ထပ် ၁၅ (က)ဖြင့်လည်းကောင်း အင်းစိန်ထောင်ဗူးဝတွင် အထူးတရားရုံးပြုလုပ်ကာ စစ်ဆေးသည်။ တရားရုံးသို့ မိသားစုဝင်များလာရောက် နားထောင် ခွင့်မရှိ။ ရှေ့နေငှားပေးခွင့်မရှိ။ ထောင်ထဲသို့ရောက်ပြီး ၁ လခွဲကြာမှ ရုံးထွက်ခဲ့ရသလို ရုံးချိန်း ၂ ချိန်းပြီးမှ သာရှေ့နေငှားခွင့်ပေးသည်။ သို့သော်တတိယရုံးချိန်း တွင် ရှေ့နေခုံပျောက်သွားပြီး တရားသူကြီးတစ်ဦး သာ ရှိတော့သည်။ တရားသူကြီးက ၅(ဃ) ဖြင့် အားလုံးအား ၇ နှစ်၊ သင်းဖွဲ့ပုဒ်မ ၆ ဖြင့် ၅ နှစ် စုစုပေါင်း ၁၇ ယောက်အား ၁၂ နှစ်ချခဲ့သလို၊ ဆေးကျသော ၅ ဦးအား မူးယစ်ဆေးပုဒ်မ ၁၅(က)ဖြင့် နောက်ထပ် ၅ နှစ်စီ ထပ်မံ အမိန့်ချမှတ်ခဲ့သည်။”တကယ်တော့ ကျွန်တော်တို့ လူမသတ်ခဲ့ပါဘူး။ ဒါအမှန်တရားပါ။ ဒါကိုသူတို့ မိသားစုလည်း သိပါတယ်”ဟု ဆရာရန်နိုင်က ပြောသည်။
နှလုံးလှလူမိုက်
ထောင်ထဲတွင် ”စကော်ပီယံတွေ” ဟူသော သတင်းစကားဖြင့် အကျဉ်းသားများ၏ အထင်အမြင်လွဲကာ တင်းမာသည့် ဆက်ဆံမှုများ ကြုံတွေ့ခဲ့ရသည်။ အကျဉ်းကျစဉ်ကာလအတွင်း ဝန်ထမ်းများ၏ အထင်အမြင်လွဲမှားမှုကြောင့် ရောက်ခါစကာလများတွင် တင်းကျပ်သောစည်းကမ်းများ၊ ဖိနှိပ်မှုများကို ခါးခါး သီးသီးခံစားခဲ့ရသည်။ ထို့ကြောင့် အမှုတွဲ အချင်းချင်း သွေးမကွဲစေဘဲ အတူတကွစုပြီး အိုးမခွဲဘဲ ထောင်မှ လွတ်မြောက်သည်အထိ အတူတူစားခဲ့သည်။ တစ် ယောက်ဒုက္ခရောက်လျှင် ကျန်သူများက ဝိုင်းဝန်းကူ ညီသည်။ ၎င်းနည်းဖြင့် ထောင်ထဲတွင် ရပ်တည်ခဲ့သည့်အတွက် ဒုက္ခကြီးကြီးမားမား မရောက်ခဲ့ပေ။ ထောင် ထဲတွင် ရောဂါရသဖြင့် စကော်ပီယံအဖွဲ့ထဲမှနှစ်ဦး ကွယ်လွန်သွားခဲ့သည့် ဖြစ်ရပ်သာရှိခဲ့သည်။ တစ်ဦးမှာ သာယာဝတီထောင်တွင် ကွယ်လွန်သွားခဲ့ခြင်း ဖြစ်ပြီး ဆေးဝါးမပြည့်စုံခြင်းကြောင့် တိမ်းပါးသွားခဲ့ရခြင်းဖြစ်သည်။ ကျန်တစ်ဦးမှာ အင်းစိန်ထောင်တွင် ကွယ်လွန်ခဲ့သည်။ ထောင်ထဲတွင်လည်း စကော်ပီယံများမှာ အခြားအကျဉ်းသားများ၏ လူမှုရေး၊ သာရေးနာရေး ကိစ္စရပ်များကို ဝင်ရောက်အကူအညီများပေးခဲ့သည်။ ကိုရန်နိုင်သည် အင်းစိန်အကျဉ်းထောင်တွင် ၁၂ နှစ်ကျခံရသော်လည်း ၁ဝ နှစ် ပြည့်သည့် ၂ဝ၁၁ ခုနှစ်တွင်ပြန်လည်လွတ်မြောက်ခဲ့သည်။
”ပထမ စရောက်တုန်းက မွန်းကျပ်ဖိနှိပ်မှုတွေ၊ ညှဉ်းပန်းနှိပ်စက်မှုတွေခံရပါတယ်။ နောက်တော့ဝန် ထမ်းတွေကအစ သူတို့နဂိုသိထားသလို အမှုမျိုးမဟုတ် ဘူးဆိုတာကို သိလာတဲ့အခါမှာတော့ မျက်နှာသာပေးခြင်း ပြန်ခံစားရတယ်။ ဒါတွေဟာ ဘုရားသခင်ရဲ့ မစ ခြင်းသက်သက်ကြောင့်ပါ”ဟု ဆရာရန်နိုင်က မျက်စိမှိတ်ပြီး တိုးတိတ်စွာဆိုလာသည်။ ထောင်မှ လွတ်မြောက်လာပြီးနောက် ကိုရန်နိုင်၏ အတွေးအခေါ်အယူအဆများသည် လုံးဝ ပြောင်းလဲ သွားတော့သည်။ တစ်ချိန်ကစည်းစိမ်၊ ဂုဏ်ဒြပ်များဖြင့် ြ<ွကယ်ဝစွာ အသက်ရှင်နေထိုင်ခဲ့သည့် လူမိုက်ရန်နိုင်မှသည် ထောင် မှထွက်လာပြီးသည့်နောက် လူသားများအတွက်အကျိုး ပြုလုပ်ငန်းများလုပ်ဆောင်ရန် နှလုံးလှသောဘုရား အစေခံလူတစ်ဦးအဖြစ် ရွေးချယ်ဆုံးဖြတ်ခဲ့သည်။ ခရစ်ယာန်ဘာသာကို သက်ဝင်ယုံကြည်လာပြီး နောက် ၎င်း၏လူငယ်ဘဝသက်တမ်းတစ်လျှောက်တွင် ကျင်လည်ကျက်စားခဲ့ဖူးသည့် အတွေ့အကြုံတစ်ခုကို အရင်းပြုကာ အခြားလူငယ်များ အနာဂတ်မပျောက်အောင် တည့်မတ်ပေးသည့် ပဲ့ကိုင်ရှင်တစ်ဦးဖြစ်လာသည်။
”ဘုရားသခင်က အပြစ်ကို ခွင့်လွတ်တယ်။ ဒါပေ မယ့် နောက်ထပ်အပြစ်မကျူးလွန်ဖို့တော့ သူ အလိုရှိ တယ်။ ဘယ်ဘာသာတရားမဆိုကောင်းတာကိုပဲ လုပ် ခိုင်းတာပါ”ဟု ၎င်းက ဆိုသည်။ ဆယ်နှစ်တာ ကျင်လည်ခဲ့သည့် ပတ်ဝန်းကျင် တစ်ခုဖြစ်သောဒုက္ခမျိုးစုံရင် ဆိုင်ရလျက်ရှိသော ထောင် အတွင်းရှိ အကျဉ်းသားများထံသို့ သွားရောက်ပြီး လိုအပ်သည်များကိုကူညီပေးခဲ့သည်။ ”ထောင်ထဲမှာ ညီအစ်ကိုတွေလိုအပ်တာ မေတ္တာတရားပါ”ဟု ဆရာရန်နိုင်က ပြတ်သားစွာဆိုသည်။ ထိုအလုပ်လုပ်ကိုင်ရာမှ ကျယ်ပြန့်လာသည့်အတွက် ထောင်သာသနာပြုလုပ်ငန်းဟူ၍ ဖြစ်ပေါ်လာခဲ့သည်။ အကျဉ်းသားများ၏ စိတ်နှလုံးတွင် ချစ်ခြင်း မေတ္တာများပွားများစေရန်၊ နောင်တတရားများရ၍ လူ့သက်တမ်း အသစ်မှာ ပျော်ရွှင်စွာ နေထိုင်သွားစေရန် အဓိက လုပ်ဆောင်ခဲ့သည်။ ”လူတိုင်း အမြဲတမ်းသွား ရောက် မတွေ့ဆုံနိုင်ပေမယ့် ကျွန် တော် လစဉ်တိုင်း အင်းစိန်အကျဉ်းထောင်နဲ့ သာယာဝတီထောင်အကျဉ်းထောင်ကို ငါးခြောက်တွေ ကြော်လှော်ပြီးတော့ ပို့တယ်” ဟု ၎င်းက ပြောသည်။
မူးယစ်ကျေးကျွန်များရဲ့ အနာဂတ် ပဲ့ကိုင်ရှင်
ထောင်သာသနာပြု လုပ်ငန်းလုပ်ကိုင်ရင်း မူးယစ်ဆေးစွဲလူငယ်များကို ဆေးဖြတ်ပေးသည့်လုပ်ငန်းကို လွန်ခဲ့သည့် နှစ်နှစ်ခန့်မှစတင် လုပ်ဆောင်ခဲ့သည်။ လှည်းကူး ငါး ဆူတောင်ရှိ သူ့ခြံတွင် စိုက်ပျိုးရေး နှင့် မွေးမြူရေးကိုတွဲလုပ်ကာ လူငယ်များကို ဆေးဖြတ်ပေးသည်။ယနေ့ လူငယ်များကို လောင်းကစား၊ အရက်၊ ဂိမ်း၊ မူးယစ်ဆေး ဝါးစသည့် အရာများ လွှမ်းမိုးချုပ် ကိုင်လာကြသည်။ ထိုအထဲတွင် အနာဂတ် ပျောက်ဆုံးနေသည့် မူး ယစ်ကျေးကျွန်များ ဘဝသစ် လျှောက်လှမ်းနိုင်စေရန် သူကူညီ ပေးလို၍ ထိုအလုပ်ကိုရွေးချယ်ခဲ့ ခြင်းဖြစ်သည်ဟု ဆိုသည်။”မူးယစ်ဆေး ပြဿနာက ကိုယ်တိုင်ကြုံတွေ့ခဲ့တယ်။ ဆေးသမားတွေက လောင်းကစားသမား၊ ဂိမ်းသမားတွေထက် ဆိုးတယ်။ လောင်းကစားသမား၊ ဂိမ်းသမား တွေက ပါတနာမပါရင် လုပ်လို့မရ ဘူး။ ဆေးသမားတွေမှာ ဆေးပြတ် နိုင်ခဲ့ရင်တောင် မိသားစု၊ ပတ်ဝန်းကျင်ရဲ့ယုံကြည်မှုကို အပြည့်အဝ မရရှိတော့ဘူး။ အဲဒီအခါမှာစိတ် ပိုင်းဆိုင်ရာ ထိခိုက်ပြီး အရွဲ့တိုက် ကြတယ်။ အဲဒီဆေးကိုပြန်သုံးကြ တတ်တယ်” ဟု ၎င်းအတွေ့အကြုံကို ပြန်လည်ပြောပြခဲ့သည်။အကျဉ်းထောင်မှ လွတ် မြောက်ပြီး မူးယစ်ဖြတ် သင်တန်းကျောင်း တည်ထောင်သည်မှာ၂ နှစ်သာ ရှိသေးသော်လည်း လူ ပေါင်း ငါးဆယ်ကျော်ကိုမူးယစ်နွံမှ ဆွဲထုတ်နိုင်ခဲ့သည်။
”ဒါကိုရွေးချယ်ခဲ့တာ တောထဲမှာ ဆိုးတဲ့ကျားကို ပွေ့ဖက်ထားပြီး ရွာသူရွာသားတွေ အလုပ်လုပ်ပါ စေဆိုတဲ့သဘောပါပဲ” ဟု သူက ပြောသည်။ကိုရန်နိုင်၏အသင်းတော်ဖြစ်သော C Myanmar Church တွင်ဆေးဖြတ် လိုပါကလာရောက် နိုင်ပြီးလူမျိုး၊ ဘာသာ၊ အသက် အရွယ်မရွေး လက်ခံထားသည်။ စည်းကမ်းတင်းကျပ်စွာ သတ်မှတ်ထားခြင်း မရှိသည့်အပြင် မိမိယုံ ကြည်ရာ ဘာသာကိုလည်း လွတ်လပ်စွာ ကိုးကွယ်နိုင်သည်။ တချို့သည် မူးယစ်ကျေးကျွန်အဖြစ်မှ လုံးဝကွင်းလုံးကျွတ်လွတ် မြောက်သွားသော်လည်း ပတ်ဝန်းကျင်၊ အပေါင်းအသင်းဟောင်းများ နှင့် ပြန်လည်ဆုံစည်းပြီး မလွတ် မြောက်နိုင်သေးသည့်လူ အနည်းစုလည်း ရှိသည်ဟုသူကပြောသည်။
”မူးယစ်နွံထဲကနေ ရုန်းထွက်ဖို့ဆိုတာ ဘုရားမပါရင် မရဘူး။ ဒီကမ္ဘာပေါ်မှာ မူးယစ်ကင်းစင်ပြီး မားမားမတ်မတ်ရပ်တည်နိုင်တဲ့ နေရာက ရာခိုင်နှုန်းနည်းပါတယ်။ တချို့က အစားထိုးဆေးပေးပြီး တော့ ထိန်းထားတာရှိတယ်။ တချို့ ကအရက်နဲ့၊ တချို့ကဆေးခြောက် နဲ့စသဖြင့် ဖြတ်ကြပါတယ်။ ကျွန် တော့် သင်တန်းကျောင်းမှာတော့ သမ္မာကျမ်းစာနဲ့ ဆုတောင်းခြင်းသာ အဓိက ဆေးဖြစ်တယ်” ဟု ဆရာရန်နိုင်က ဆိုသည်။၎င်းသင်တန်းကျောင်းသို့ ရောက်ရှိလာသည့် မူးယစ်ဆေးသုံး စွဲသူများသည် ဘိန်းနှင့်ရာဘအများ ဆုံးသုံးစွဲသူများဖြစ်ပြီး အရွယ်အား ဖြင့် ဆယ်ကျော်သက်မှ အသက် ၅ဝ ထိရှိသည်။ အခြေခံလူတန်းစားအများဆုံးဖြစ်ပြီးရှမ်းမြောက်ဒေသ၊ ကချင်တို့မှ အများဆုံးဖြစ်သည်။စာသင်ကြားခြင်းအမှုအပြင် လူမှုဘဝနေထိုင်နည်းများ၊ အသက်မွေးဝမ်းကျောင်းပညာအဖြစ် စိုက်ပျိုးရေး၊ မွေးမြူရေးနှင့်ပတ်သက် သည့်အရာများကိုလည်း လက်တွေ့ သင်ကြားပေးသည်ဟု သိရသည်။ ကျမ်းစာသင်ကြားရန် ရောက်ရှိနေသော အဆောင်အောက်တွင် ဂီတာထိုင်တီးနေသည့် လူငယ် တချို့ကို ငေးကြည့်ရင်း ကွဲအက်သောအသံဖြင့် သူကဆိုသည်။
”သူတို့တွေက ဒီဆေးပြတ်သွားခဲ့ကြရင်တောင် အိမ်ကယုံ ကြည်ခြင်းနဲ့ မယုံကြည်ခြင်း ဒီနှစ်ခုကြားမှာ အသက်ရှင်ရတာ များတယ်။ မိသားစုရဲ့ ယုံကြည်အား ပေးမှုက အရမ်းလိုအပ်တယ်။ သူ တို့ ကြိုးစားတည်ဆောက်ရဲ့သားနဲ့ တစ်ဖက်က မယုံကြည်တဲ့အခါမှာ သူတို့တွေဟာအရာရာဟာ မခံချင် စိတ်ဖြစ်လာတယ်။ မိုက်လမ်းကို ပြန်ရွေးချယ်ဖို့ ဝန်မလေးကြတော့ဘူး” ဟု ၎င်းက ပြောသည်။ သင်တန်းကာလကိုကန့်သတ်ထားခြင်းမရှိ၊ စားသောက်စရိတ်အဖြစ် တစ်လလျှင် ကျပ်ငါးသောင်းသာ ကောက်ခံခဲ့သည်။ ထို့အပြင် ပြည်တွင်း၊ ပြည်ပအကူအညီရယူမှု မရှိသလို၊ INGO NGO အဖွဲ့အစည်းများ၏ ကူညီထောက်ပံ့မှု လည်း မရှိကြောင်း သိရသည်။ ”ငါးသောင်းဆိုပေမယ့် တချို့ဆို ဆေးပြတ်တဲ့အထိ နေသွားတယ်။ တစ်ပြားမှ မပေးတာလည်း ရှိတယ်။ ကျွန်တော် မတောင်းပါ ဘူး”ဟု ၎င်းက ရှင်းပြခဲ့သည်။ ထိုပရဟိတလုပ်ငန်း လည်ပတ်နိုင်ရန် တစ်ပိုင်တစ်နိုင် စိုက်ပျိုးရေး၊ မွေးမြူရေးလုပ်ငန်းများ လုပ်ကိုင်ခဲ့ကြသည်။
အမိုက်နိဂုံးအဆုံးသတ်
တစ်ချိန်က လိုတရဘဝကိုပိုင် ဆိုင်ခဲ့သည့်ကိုရန်နိုင်၊ မူးယစ်ကျေးကျွန် ကိုရန်နိုင်ကတော့ လက်ရှိမှာ အသက် ၄ဝကျော်ပြီဖြစ်ပြီး သင်း အုပ်ဆရာတစ်ဦးအဖြစ် ဘဝကို တရားဓမ္မဖြင့် ဖြတ်သန်းနေပြီဖြစ်သည်။ လူငယ်ဘဝက ဆိုးခဲ့ပေခဲ့မိ တာတွေအတွက် နောင်တတရား နှင့်အတူ မိမိကြောင့် ထိခိုက်ခဲ့ရ သူများရှိပါက တောင်းပန်သည်ဟုလည်း ၎င်းက ဆိုသည်။ ”ကျွန်တော့်ကြောင့် ဖြစ်ပျက်ခဲ့ရတဲ့ နာကြည်းစရာတွေ ခါးသီးခြင်းတွေတချို့ဆို ကားတစ်စီးလုံး ကြေမွသွားတဲ့အထိရှိတယ်။ စကော် ပီယံနာမည်ကို လူတန်းစားတော် တော်များများက အလွဲသုံးစားလုပ်ခဲ့တယ်။ ကျွန်တော်ကိုယ်တိုင်ဖြစ် ခဲ့တဲ့အရာလည်း ရှိကောင်းရှိမယ်။ ဒါပေမယ့် ဘယ်နည်းနဲ့ပဲ အလွဲသုံး စားလုပ်ခဲ့ပါစေ ခံစားခဲ့ရတဲ့ လူတွေကို ကျွန်တော် တောင်းပန်တယ်” ဟု ၎င်းက တီးတိုးဆိုသည်။
၎င်း၏ အတိတ်ကာလက အဖြစ်ပျက်များအတွက် နာကြည်းနေ ခြင်း၊ ပူဆွေးနေခြင်းမရှိဘဲ ပကတိ ကြည်လင်လျက်ရှိသည်။ သူ၏မျက်လုံးများသည် သူ၏ဘဝဇာတ် ကြောင်းကို လူတွေစာနာ သနား စေရန်ဦးစားပေး မပြောဆိုဘဲသမ္မာ တရားနှင့် လူသားများကြားလိုအပ်နေသော ကူညီမှုများ၊ မေတ္တာ တရားများအတွက်သာ မရပ်မနား ပြောလျက်ရှိသည်။ အကျဉ်းထောင်များသို့ လှူဒါန်းရန်အတွက် ငါးခြောက်များကို နေလှမ်းနေရာမှ ဘဝဇာတ်ကြောင်း အနိမ့်အမြင့်အဖုံဖုံကို ပြောပြနေသော သူ၏မျက်နှာတွင် ဘာသာရေးကို ယုံကြည်သက်ဝင်မှုက အထင်းသား။ အမှားကိုသိပြီး ဆက်မမှားနေဘဲ မှန်သည့်လမ်းကို ရွေး ချယ်လျှောက်လှမ်းရန်လိုကြောင်း ကိုရန်နိုင်၏ ဘဝ ပုံကားချပ်များက သက်သေပြနေသည် ။ ”လူတိုင်းမှား တတ်တာပဲလေ။ အဲဒီအမှားကို သိပြီးပြန်ပြင်ဖို့က နံပါတ်တစ်ပဲ” ဟုပြောသော ကိုရန် နိုင်သည် ၎င်း၏ပြောစကားအတိုင်းပင် စကော်ပီယံဂိုဏ်းခေါင်းဆောင် ဘဝမှသင်းအုပ်ဆရာ ဘဝသို့ ပြောင်းလဲနိုင်ခဲ့လေပြီ။


popularmyanmar