လက်ရှိချန်ပီယံ ဘစ်ဒတ်ရ်ှကို အောင်လအန်ဆန်း အရေးနိမ့် ဗီဒီယိုကြည့်ရန် ⇩⇩⇩



_________________________________________________________
“မြန်မာ့စပါးအုံး”ဟု အမည်ပေးအပ်ခြင်းခံထားရသည့် မြန်မာနိုင်ငံကိုယ်စားပြု MMA ကိုယ်ခံပညာစုံ တိုက်ခိုက်ရေးသမား အောင်လအန်ဆန်းသည် One Championship ကမ္ဘာ့ချန်ပီယံရွှေခါးပတ် မစ်ဒယ်ဝိတ်တန်းစ်ိန်ခေါ်ပွဲစဉ်တွင် လက်ရှိချန်ပီယံ ရုရှား ကိုယ်ခံပညာစုံ တိုက်ခိုက်ရေးသမား ဗိုင်တာလီ ဘစ်ဒတ်ရ်ှကို အမှတ်ဖြင့် ရှုံးနိမ့်သွားခဲ့သည်။
အောင်လအန်ဆန်းသည် ဘစ်ဒတ်ရ်ှကို ပွဲချီငါးချီပြည့်သည်အထိ တောင့်ခံထိုးသတ်နိုင်ခဲ့သော်လည်း စွမ်းဆောင်ရည်ပိုင်းဆိုင်ရာတွင်မူ ဘစ်ဒတ်ရ်ှက အပြတ်သာလွန်ခဲ့ကာ တတိယပွဲချီမှနေ၍ အဆုံးသတ်ပဉ္စမအချီတိုင်သည်အထိ အောင်လအန်ဆန်းမှာ ခံစစ်သက်သက်ဖြင့်သာ ဘစ်ဒတ်ရ်ှကို တုံ့ပြန်သွားခဲ့ရသည်။
အောင်လအန်ဆန်းနှင့် ဘစ်ဒတ်ရ်ှတို့သည် ပထမပွဲချီနှင့် ဒုတိယပွဲချီတို့တွင် တစ်ဦးနှင့်တစ်ဦး အကဲစမ်းရုံမျှသာ ပူးချည်ခွာချည် ထိုးသတ်ခဲ့ကြပြီး တတိယပွဲချီအရောက်တွင်မူ ဘစ်ဒတ်ရ်ှက အောင်လအန်ဆန်းကိုချုပ်လှဲ၍ အထက်စီးက စိတ်ကြိုက်ထိုးသတ်သွားခဲ့သည်။
တတိယပွဲချီတွင် ဘစ်ဒတ်ရှ်၏ခြေတစ်ပတ်လှည့်ကန်ချက်ထိမှန်သွားခြင်းနှင့် ဘစ်ဒတ်ရှ်၏လက်သီးချက်များ တရစပ်ထိမှန်သွားခြင်းတို့သည် အောင်လအန်ဆန်းကို လွန်စွာအထိနာသွားစေခဲ့ကာ ထိချက်များပြင်းထန်လွန်းသည့်အတွက် အောင်လအန်ဆန်း၏ညာဘက်မျက်ခုံး ကွဲသွားခဲ့ရသည်။
စတုတ္ထပွဲချီတွင် ဘစ်ဒတ်ရ်ှသည် အလဲထိုး၍ ပွဲဖြတ်ရန် ရည်ရွယ်လာခဲ့ပြီး ဘစ်ဒတ်ရှ်၏ခြေထောက်ဖြတ်သိမ်းလှဲကွက်ကို မထိန်းချုပ်နိုင်ခဲ့သည့် အောင်လအန်ဆန်းမှာ အောက်စည်းအနေအထားကတစ်ဆင့်သာ ဆက်လက်တုံ့ပြန်သွားခဲ့ရသည်။
ဘစ်ဒတ်ရ်ှသည် စတုတ္ထမြောက်ပွဲချီတွင် အောင်လအန်ဆန်းကို ဘယ်ဘက်ပါးပြင်ကွဲသွားစေသည်အထိ ထိုးသတ်နိုင်ခဲ့ပြီး အောင်လအန်ဆန်း၏ချုပ်ကွက်များ မှန်ကန်ခဲ့သည့်အတွက်ကြောင့်သာလျှင် ဘစ်ဒတ်ရှ်၏အလဲထိုးရလဒ်ဖြင့် အနိုင်ရယူရန်ကြိုးပမ်းမှုများမှာ အချည်းနှီးဖြစ်သွားခဲ့ရခြင်းဖြစ်သည်။
အောင်လအန်ဆန်းနှင့် ဘစ်ဒတ်ရ်ှတို့သည် ပဉ္စမမြောက်ပွဲချီတိုင်သည်အထိ တစ်ဦးနှင့်တစ်ဦး အလဲထိုးနိုင်ခဲ့ခြင်း မရှိခဲ့သည့်အတွက် အမှတ်ပေးဒိုင်လူကြီးများ၏ဆုံးဖြတ်ချက်ကို ခံယူလိုက်ကြရကာ လက်ရည်အသာစီးဖြင့် ထိုးသတ်သွားနိုင်ခဲ့သော ဘစ်ဒတ်ရ်ှမှာ အမှတ်ဖြင့်အနိုင်ရသွားခဲ့ပြီး လက်ရှိချန်ပီယံဘွဲ့ကို အောင်မြင်စွာ ကာကွယ်သွားနိုင်ခဲ့သည်။
ဗီဒီယိုကြည့်ရန် ⇩⇩⇩