Breaking News


IED ကိုလျှော့မတွက်နဲ့ !


Loading...


ရန်ကုန်တိုင်းအတွင်းမှာမိုင်းတွေကွဲတယ်၊ကွဲတဲ့မိုင်းတွေက chemical သုံးM150အချိုရည်ပုလင်းတွေထဲမှာ..စစချင်းလက်တည့်စမ်းတဲ့သဘောနဲ့သုံးလာတာဖြစ်ပါတယ်..
...ဒါဟာအကြမ်းဖက်သမားတွေသုံးတဲ့ မိုင်းအမျိုးအစားပဲဖြစ်ပါတယ်..ဒီအမျိုးအစားကို Improvised explosive device( IED ) လို့ခေါ်ပါတယ်...
...မိုင်း ဆိုတာဟာ..ပထမကမ္ဘာစစ်ကထဲကတွင်တွင်ကျယ်ကျယ်သုံးခဲ့တာကတော့ Land Mines လို့ခေါ်တဲ့ မြေပြင်ခြေလျှင်တပ်သုံးတွေပါ၊ ဒီကတဆင့်
ဒုတိယကမ္ဘာစစ်ကိုရောက်တော့ တင့်ကားတွေတွင်ကျယ်လာတော့ တင့်ဖျက်မိုင်း တွေပါသုံးလာကြပြန်ပါတယ်..
...Land Mines တွေမှာပဲ..စစ်နည်းဗျူဟာ အလိုက်သုံးတဲ့မိုင်းပုံစံကွဲပါတယ်..


...မြေမြှုပ်မိုင်း၊ ခုန်ပျံရှပ်ကွဲမိုင်း၊ တင့်ဖျက်မိုင်း၊ ချိန်ကိုက်မိုင်း၊ အဝေးထိန်းမိုင်း၊ထောင်ချောက်မိုင်း၊ဖောက်ခွဲဖျက်ဆီးရေးမိုင်း များစသည်ဖြင့်ရှိသလို...
..ဖောက်ခွဲဖျက်ဆီးရေးနှင့်မိုင်းပညာဟာ ပရောဖက်ရှင်နယ်ဘာသာရပ်အဖြစ်ကိုထွန်းကားလာခဲ့တာဖြစ်ပါတယ်..
..အခုနည်းပညာတိုးတက်လာတဲ့ခေတ်မှာတော့.အမြှောက်ကျည်ဆံဖြင့်ကြဲချခင်းကျင်းနိုင်တဲ့မိုင်း.လေယဉ်ကနေကြဲချရတဲ့မိုင်း၊ လေယဉ်ကွင်းဖျက်မိုင်း၊ ရဟတ်ယဉ်ဖျက်ထောင်ချောက်မိုင်း စသည်ဖြင့်အမျိုးအစားများပြားစွာထပ်တိုးတီထွင်သုံးစွဲနေကြပြီဖြစ်ပါတယ်.။
...ဒါပေမည့်လည်း..အကြမ်းဖက်သောင်းကျန်းသူတွေနဲ့ အပြည်ပြည်ဆိုင်ရာအကြမ်းဖက်သမားတွေ ကတော့ ဒီလို Professional ကျတဲ့ စက်ရုံထုတ်မိုင်းတွေမဟုတ်ပဲ..အခန့်မသင့်ရင်သုံးစွဲသူကိုရောဘေးဖြစ်စေတဲ့ Improvised explosive device( IED )တွေကိုသုံးစွဲလာကြပါတယ်...

...ဒီမှာတော့ ဒေသန္တ္တရလက်လုပ်မိုင်းလို့ခေါ်ပါတယ်..ဒါပေမည့် မိုင်းလို့ခေါ်ရခြင်းဟာ..ပေါက်ကွဲမှူနဲ့ဖျက်ဆီးမှူကိုဖြစ်စေတာကြောင့်ခေါ်ဆိုရပြီး IED တွေမှာ ယမ်းပြင်း၊ ယမ်းညှင်းကဲ့သို့အရာတွေအသုံးပြုပြီးဖာက်ခွဲအားတွန်းကန်အားနဲ့ဖြတ်တောက်အားတို့ကိုဖြစ်ပေါ်စေတာမဟုတ်ဘဲ ဓါတုအရည် အငွေ့ အစိုင်အခဲ
တခုခုနဲ့ လေထုနဲ့ပေါင်းစပ်ပြီး ဒါမှမဟုတ်အချင်းချင်းရောနှောစေပြီး ပေါက်ကွဲမှူကိုဖြစ်ပေါ်စေခဲ့တာဖြစ်ပါတယ်..
...ဒီနည်းလမ်းကိုအသုံးပြုပြီး ၂၀၁၅ခုနိုဝင်ဘာလ၁၇ရက်နေ့မှာမက်ထရိုဂျက်လေကြောင်းက အဲယားဘတ်စ်အေ ၃၂၀ လေယဉ်ကြီးကို ကိုကာကိုလာဗူးထဲမှာ
ထည့်ထားတဲ့ ဓါတုအရည်ကနေ လေထုနဲ့အချိန်ကိုက်ပေါင်းစပ်ပြီးပေါက်ကွဲစေခဲ့တာကြောင့် အီဂျစ်နိုင်ငံကောင်းကင်ယံမှာပျက်ကျခဲ့ပြီး လူ၂၂၄ ယောက်သေဆုံးခဲ့ပါတယ်..ရုရှားသမတပူတင်အနေနဲ့ ဒီဖြစ်ရပ်ကို FSB ရဲ့အစီရင်ခံစာအရ
ISISအကြမ်းဖက်သမားတွေဟာ ကိုကာကိုလာအချိုရည်ထဲမှာ IED ကိုထည့်သွင်းဖောက်ခွဲခဲ့တဲ့ သက်သေတွေတွေ့ရှိခဲ့ကြောင်းကမ္တ္ဘာကိုကြေငြာခဲ့ပြီး ဆီးရီးယားက ISIS တွေကိုသွေးကြွေးဆပ်ခဲ့တာပဲဖြစ်ပါတယ်။
...IED ကိုနည်းပညာအရဒီလိုဆိုပါတယ် An IED is a bomb fabricated in an improvised manner incorporating destructive, lethal, noxious, pyrotechnic, or incendiary chemicals and designed to destroy or incapacitate personnel or vehicles. In some cases, IEDs are used to distract, disrupt, or delay an opposing force, facilitating another type of attack. IEDs may incorporate military or commercially sourced explosives, and often combine both types, or they may otherwise be made with homemade explosives (HME).
...IED ဆိုတာဗုံးတစ်မျိုးပါ..သူ့အနေနဲ့တိုက်ရိုက်ပေါက်ကွဲတာမျိုးမဟုတ်ပဲ
လှုံ့ဆော်ပေးမည့်ကြားခံတစ်ခုနဲ့တွေ့ထိတဲ့အခါမှာပေါက်ကွဲမှူဖြစ်စေတာပါ
..ဖျက်ဆီးနိုင်စွမ်းနဲ့ ထိခိုက်နိုင်စွမ်းရှိတဲ့အရာဖြစ်ပါတယ်
...တိုက်ခိုက်မှူပေါင်းစုံပြုလုပ်ဖို့ရည်ရွယ်တာဖြစ်ပါတယ်..(HME) လို့ခေါ်တဲ့
အိမ်တွင်းဖြစ်ဗုံးတစ်မျိုးလို့လည်းခေါ်ပါတယ်..
...ဒီလိုသုံးတဲ့နေရာမှာ..ကားဗုံး၊ လက်ကိုင်ဖုန်းဗုံး၊ အချိုရည်ဗုံး၊ ကစားစရာဗုံး၊
အသေခံခါးပတ်ဗုံး၊ ရေဒီယိုဗုံး၊ ၀ါယာဆားကစ်ဗုံး၊ စသည်ဖြင့် နည်းမျိုးစုံနဲ့ဆောင်ရွက်လာကြပါတယ်..
..ဒီနည်းစနစ်တွေကတော့ ISIS နဲ့တာလီဘန်အကြမ်းဖက်သမားတွေကို CIA ကသင်တန်းပေးရာကနေ..CIA တွေရဲ့နည်းတွေက အကြမ်းဖက်သမားတွေဆီကတဆင့် ကမ္တ္ဘာအနှံ့ပြန့်နှံ့လာတာပဲဖြစ်ပါတယ်...
..IED တွေကိုဘယ်လိုကကာကွယ်မလဲ.???
*************************************************
..ကာကွယ်ဖို့က..ပိုခက်ပါတယ်..ဒီလိုအချက်တွေသတိပြုရပါတယ်
၁။ M150အချိုရည်နဲ့ဖောက်ခွဲမှူတွေမှာ အစပျိုးတဲ့စနစ်ကို လေ့လာပြီး နောက်တစ်ကြိမ်မပြုအောင်ကြားခံအရာတွေကဘာတွေသုံးထားတယ်ဆိုတာလူထုကိုအသိပေးရပါလိမ့်မယ်..ကြားခံအရာတွေကိုဖော်ထုတ်ဖျက်ဆီးရပါတယ်
၂။ အများနဲ့ဆိုင်တဲ့နေရာမှာ..အရောင်ကြည်အမှိုက်ခြင်းတွေသာထားသင့်ပါတယ်..အရောင်ပိတ်အမှိုက်ခြင်းတွေထဲကIED တွေထွက်လာလေ့ရှိပါတယ်
၃။ အမြဲထောက်လှမ်းနေရပါတယ် ဥပမာ CCTV လိုစောင့်ကြည့်ကင်မရာက IED အသုံးပြုနိုင်သူရဲ့သူများနဲ့မတူတဲ့ဆောင်ရွက်နေထိုင်မှူတွေကိုမှတ်တမ်းတင်ထားပါလိမ့်မယ်။
၎။ လူတိုင်းလုံခြုံရေးသတိရှိဖို့လိုအပ်ပြီး အစွန်းရောက်လို့ မသင်္ကာသူကို သတင်းပေးခြင်းနဲ့ကူညီရပါတယ်။
၅။ လေယဉ်၊ ရထား၊ကားနှင့်ခရီးသွားသူတိုင်း မိမိခရီးစဉ်အတွင်းကသူတွေကိုသတိထားလေ့လာတတ်တဲ့အကျင့်နဲ့မိမိကိုယ်ကိုကာကွယ်တတ်တဲ့အသိရှိရပါတယ်၊ Safety Rules တွေကိုချိုးဖောက်သူများကိုလည်း တာဝန်ရှိသူကိုတိုင်ကြားရပါတယ်(ဥပမာ-လေယဉ်မဆင်းသေးဘူးအိမ်ကိုဖုန်းခေါ်နေတဲ့လူယုတ်မာမျိုးတွေ)
၆။ အစိုးရအနေနဲ့တော့ သတင်းတွေကိုစုဆောင်းထောက်လှမ်း ဖော်ထုတ်ခြင်းနဲ့ IED တွေဘယ်ကလာနိုင်သလဲဆိုတဲ့ဇစ်မြစ်တွေကိုရှင်းရမှာပဲဖြစ်ပါတယ်.
(မသိချင်ယောင်ဆောင်နေရင်တော့မတတ်နိုင်ပါ)
၇။မိုင်းပေါက်ကွဲသည့်နေရာကိုလုံးဝမသွားပါနှင့် အနဲဆုံးကိုက်၅၀၀ခန့်အထိရောက်အောင်ရှောင်တိမ်းပါနောက်ထပ်မိုင်းများရှိလာနိုင်သည်။
...ပြည်သူကိုတကယ်လုံခြုံမှူပေးနိုင်တဲ့အစိုးရဖြစ်ဖို့..ပြည်သူတွေကလည်းဝိုင်းကူညီပြီး IED တွေသုံးလာတော့မည့်အကြမ်းဖက်သမားတွေကိုဖော်ထုတ်နိုင်ကြပါစေလို့..ဆုတောင်းလိုက်ရပါတယ်ဗျာ..
Moe Kyaw (or) Sit Thwe (26-11-2016)
Copy@sanmin
Loading...