Breaking News


၄၈ နာရီအတွင်း မြန်မာနိုင်ငံကို မုန်တိုင်းဝင်မယ်

Loading...

မြန်မာနိုင်ငံဘက်ကို ဦးတည်နေလို့ လိမ္မော်ရောင်အဆင့် သတ်မှတ်ထားပါတယ်။

ဘင်္ဂလားပင်လယ်အော် အရှေ့အလယ်ပိုင်းနဲ့ အရှေ့တောင်ပိုင်းတွေမှာ ဖြစ်ပေါ်နေတဲ့ မုန်တိုင်းငယ်ရဲ့အရှိန်ကြောင့် မြန်မာနိုင်ငံထဲက ပြည်နယ်နဲ့တိုင်းဒေသကြီးတွေမှာ နေရာကွက်မိုးကြီးပြီး ရေကြီးရေလျှံတာတွေဖြစ်နိုင်တယ်လို့ မိုးဇလဦးစီးဌာနက သတင်းထုတ်ပြန်ထားပြီး နောက် ၄၈ နာရီအတွင်းမြန်မာနိုင်ငံကို မုန်တိုင်းဝင်လာနိုင်တယ်လို့ ဆိုပါတယ်။
လက်ရှိအချိန်မှာတော့ မုန်တိုင်းကို လိမ္မော်ရောင်အဆင့်သတ်မှတ်ထားပြီး မုန်တိုင်းငယ်က အရှေ့မြောက်ဘက်ကို ဆက်လက်ရွေ့လျားနေကာ ဆိုင်ကလုန်းမုန်တိုင်းအဖြစ် ရောက်ရှိနိုင်မယ်လို့ ခန့်မှန်းထားပြီး မုန်တိုင်းအရှိန်ကြောင့် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တို့မှာ တစ်ခါတစ်ရံ မိုးသက်လေပြင်းတွေကျရောက်ပြီး လှိုင်းကြီးနိုင်တယ်လို့ ဆိုပါတယ်။
နောက်နှစ်ရက်အတွက် ခန့်မှန်းချက်အနေနဲ့ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး တနင်္သာရီတိုင်းဒေသကြီး၊ ကရင်ပြည်နယ်နဲ့ မွန်ပြည်နယ်တို့မှာ မိုးပိုလာနိုင်ပြီး နေပြည်တော်၊ ရန်ကုန်နဲ့ မန္တလေးတိုင်းတို့မှာ နေရာကွက်ကျား မိုးထစ်ချုန်းရွာနိုင်တယ်လို့ မိုးဇလဦးစီးဌာနက ထုတ်ပြန်ထားပါတယ်။
Source & Photo : DMH
Duwun
Loading...