Breaking News


ကျမကို ရိုက်နှက် အဓမ္မပြုကျင့်လို့ ကျမသတ်ခဲ့တယ် (ရုပ်သံ)


Loading...

 ဖြစ်ရပ်မှန်ဇာတ်လမ်းတပုဒ်
ဒါဟာ တူနီးရှားနိုင်ငံသူ အေမဲလ်ရဲ့ ဖြစ်ရပ်မှန်ဇာတ်လမ်းတပုဒ်ပါပဲ။ သူ့ရဲ့ နာမည်နဲ့ အသံတွေကိုတော့ လွှဲပြောင်းထားခဲ့ပြီး အသံနဲ့ တခြားတဦးက သရုပ်ဆောင်ခဲ့တာပါ။
ဒီအစီအစဉ်ဟာ ကမ္ဘာတလွှားက အရှက်တရားရစေပြီး အနိုင်ကျင့်စော်ကားခံနေရတဲ့ မိန်းကလေးငယ်တွေအကြောင်းကို ဘီဘီစီသတင်းဌာနက ဖော်ပြတဲ့ အစီအစဉ်တခုပါ။
ကျမ ထောင်ဒဏ် ၂၅ နှစ်ကျခံခဲ့ရပါတယ်။ ဒါပေမယ့် ကျမလုပ်ခဲ့သမျှဟာ သူ ကျမအပေါ် ကျူးလွန်ခဲ့တာတွေမို့ ကျမ နောင်တမရခဲ့ပါဘူး။ သူလည်း ကျမကို သတ်ခဲ့တာပဲလေ။
ကျမတို့ဟာ ဆင်ခြေဖုံးကျေးရွာတနေရာမှာ နေထိုင်ပါတယ်။ ကျမဟာ နေ့စဉ် နွား ကျောင်းတာ၊ မြက်ရိတ်တာနဲ့ သံလွင်ပင်စိုက်ပျိုးတဲ့အလုပ်တွေကို လုပ်ရပါတယ်။ ဒါ ကျမ ရဲ့ ဘ၀ပါပဲ။
အဲဒီလူက ကျမတို့ အိမ်ကို လာလည်လေ့ရှိသူပါ။ သူက ကျမအဖေရဲ့ မိတ်ဆွေ ဖြစ်ပေမယ့် ကျမသူ့ကို မရင်းနှီးခဲ့ပါဘူး။ သူ့ရဲ့ ဦးလေးတွေနဲ့ ကျမရဲ့ ဦးလေးတွေဟာ ညီအစ်ကို ၀မ်းကွဲတော်စပ်ကြပါတယ်။ သူတို့ဟာ မြေယာပြဿနာတခုအတွက် စကားများခိုက်ရန်ဖြစ်ခဲ့ကြဖူးပါတယ်။
တရက်မှာတော့ သူဟာ ကျမရဲ့ အိမ်ကို ကျမမိထွေးနဲ့ စကားပြောဆိုဖို့ ရောက်လာ ခဲ့ပေမယ့် အိမ်မှာ ဘယ်သူမှ ရှိမနေခဲ့ပါဘူး။ အဲဒီနောက်မှာ ဒီအဖြစ်အပျက်ကြီး ဖြစ်တော့တာပါပဲ။
ကျမတို့ စကားများကြတယ်။ သူက ကျမကို ရိုက်နှက်တယ်။ အဲဒီနောက်မှာ ကျမကို သူ့လက်ချောင်းနဲ့ အဓမ္မပြုကျင့်ခဲ့တော့တာပါ။ သူက ကျမကို “မင်းအရှက်ရချင်ရင် ဒီအဖြစ်အပျက်ကို တခြားသူတွေကို ဖွင့်ပြောလိုက်ပေါ့”လို့ ပြောခဲ့ပါတယ်။
အေမဲလ်ဟာ ဘာစကားတခွန်းမှ မပြောနိုင်ခဲ့တဲ့ အခြေအနေတခုထဲမှာ အနိုင် ကျင့်စော်ကားခံခဲ့ရပြီး ထောင်ချောက်မိခဲ့ပါတယ်။ သီတင်း ၂ ပါတ်လောက်အကြာမှာတော့ အဲဒီအမျိုးသားဟာ သူ့ကို ၀စ်လစ်စလစ် အခြေအနေနဲ့ ဓာတ်ပုံရိုက်ယူခဲ့ပါတယ်။
သူ ကျမကို အဲဒီဓာတ်ပုံတွေကို ပြခဲ့ပြီး “ဒီပုံတွေကို မင်းအဖွားကို ပြမယ်။ ဒါက သူ့ကို တဖြည်းဖြည်း သတ်သလိုပဲ။ မင်းအချစ်ဆုံး အဖေကိုပြဦးမယ်။ တကယ်လို့ မင်းငါ့ကို ပိုက်ဆံပေးမယ်ဆိုရင်တော့ ဘယ်သူ့ကိုမှ မပြောတာ့ဘူး”လို့ ပြောခဲ့ပါတယ်။
အဲဒီအချိန်မှာပဲ ကျမဟာ သူ့ကို ပိုက်ဆံပေးဖို့ စတင်ခဲ့ရတယ်။ ကျမ မနက်စောစော မိုးမလင်းခင် အိပ်ရာက ထရတယ်။ နွားနို့ညှစ်ရောင်းပြီး သူ့ကို ပိုက်ဆံပေးရတယ်။ ကျမအဖေဆီက ဒိုင်နာငွေ ၁၇၀၀ တောင် ကျမခိုးခဲ့ရတယ်။
သူကျမကိုရိုက်ပြီး အမျိုးမျိုးလုပ်ခဲ့ပေမယ့် ကျမဘာမှ မတတ်နိုင်ခဲ့ပါဘူး။ ကျမ ထွက်ပြေးချင်ပေမယ့် ကျမ ဘယ်ကိုသွားရမလဲ။ ကျမကို ဘယ်သူက လက်ခံထားမလဲ။ ကျမရဲ့ ဒီအကြောင်းကို တယောက်ယောက်ကို ပြောရင်တောင် သူတို့က အိမ်ကို ပြန်ပို့ဖို့ ဒါမှမဟုတ် ရဲစခန်းဆီပို့ဖို့ ကြိုးစားကြလိမ့်မယ်။
ဥပုသ်လအပြီး ရက်သတ္တပါတ်လောက်အကြာမှာ သူက ကျမဆီကနေ ကျမရဲ့ ၀မ်းကွဲညီမတဦးဖုန်းကို တောင်းလို့ ကျမပေးခဲ့ရတယ်။ ကျမဟာ သူဘာခိုင်းခိုင်းလုပ်ရတဲ့ ကြိုးတန်းပေါ်က တိရစ္ဆာန်တကောင်လိုပါပဲ။ ကျမရဲ့ ၀မ်းကွဲညီမကို ကျမအကြောင်းတွေပြောပြပြီး သူနဲ့ ဝေးဝေးနေဖို့ သတိပေးခဲ့တယ်။
အဲဒီနောက်တော့ အသက် ၁၉ နှစ်သာရှိသေးတဲ့ ကျမရဲ့ ၀မ်းကွဲညီမအကြောင်းကို မေးပါတော့တယ်။ ကျမက ပြောလိုက်ပါတယ်။ ကျမဘာပဲဖြစ်နေပါစေ။ သူ့ကို ကျမညီမရဲ့ အနားကို ရောက်လာခွင့်မပြုနိုင်ဘူးလို့။ သူက “မင်းဘာပဲလုပ်လုပ်၊ ဒါဟာ ဖြစ်ကို ဖြစ်လာမှာပဲ”လို့ ပြောခဲ့ပါတယ်။
အဲဒီနောက်တော့ ကျမရဲ့ ညီမကို “သူ့ကို သတ်ကြစို့”လို့ ပြောခဲ့ပါတယ်။ တခုသောကြာသပတေးညမှာတော့ သူရောက်လာခဲ့ပြီး သူနဲ့အတူ ၃ ယောက်အတူ အိပ်ကြဖို့ ပြောတယ်။
ကျမဆီက ငွေတွေယူလည်း ကျမခွင့်လွှတ်ခဲ့တယ်။ ကျမကို အဓမ္မပြုကျင့်တာလည်း ကျမခွင့်လွှတ်ခဲ့တယ်။ ဒါပေမယ့် ခုတော့ အဆုံးသတ်ပြီး ကျမတို့ ကင်းကင်းနေကြရအောင်ပါ။ ရှင့်ကို ပေးဖို့ ကျမဆီမှာ ဘာမှမရှိတော့ပါဘူးလို့ သူ့ကို ပြောလိုက်တယ်။ သူက “မင်းမှာ ငါ့ကိုပေးဖို့ ပိုက်ဆံမရှိတော့ရင် ငါ့သူငယ်ချင်းတွေကို မင်းကို ပေးမယ်”လို့ ပြန်ပြောပါတယ်။
ဒါဟာ အဆုံးသတ်ရမယ့် အချိန်ပါပဲ။ သူဟာ မီးဖိုခန်းတံခါးရဲ့ အပြင်မှာ ထိုင်နေခဲ့ပါတယ်။ ကျမဟာ မီးဖိုခန်းထဲက သားလှီးဓားကိုယူပြီး သူ့ရဲ့ ဦးခေါင်းကို နောက်ဘက်ကနေ ခုတ်ခဲ့တာပါ။ ကျမကို အဓမ္မပြုကျင့်ခဲ့ဖူးတဲ့ သူ့ရဲ့ လက်ချောင်းကို ဓားနဲ့ ခုတ်ပစ်ခဲ့တယ်။ အဲဒီ နောက်တော့ သူ့ကို ကျမ အပြင် ကန်ထုတ်လိုက်ခဲ့မိတော့တာပဲ။
ခုချိန်မှာတော့ ကျမ ဘုရားသခင်ဆီနဲ့ အဖေ့ရဲ့ ခွင့်လွှတ်ပေးမှုတွေကလွဲပြီး ဘာကိုမှ မလိုချင်တော့ပါဘူး။ အဖေက “နင်ထွက်သွားခဲ့ရင်တောင် နင့်ကို လက်မခံတော့ဘူး။ နင်က ငါ့ကို အရှက်ရစေလို့ပဲ”လို့ ပြောခဲ့တယ်။
DVB

Loading...