မောင်တောမှာ လေကြောင်းအင်အားသုံးဖို့ တပ်ချုပ်ခွင့်ပြု

_________________________________________________________

မောင်တောဒေသ အကြမ်းဖက်တိုက်ခိုက်ခံရမှုနဲ့ပတ်သက်ပြီး ရေယာဉ်၊ လေယာဉ်တွေရဲ့ အင်အားကို အသုံးပြုဖို့ တပ်မတော် ကာကွယ်ရေးဦးစီးချုပ်က ခွင့်ပြုလိုက်တယ်လို့ သိရပါတယ်။
လုံခြုံရေးအကူအညီအတွက် လောလောဆယ်မှာ မူလရှိပြီး နယ်မြေခံတပ်တွေအပြင် တပ်မတစ်ခုကိုပါ ထပ်မံထည့်သွင်းထားပြီး လိုအပ်ရင်လိုအပ်သလို ရေယာဉ်၊ လေယာဉ်၊ ရဟတ်ယာဉ်တွေနဲ့ တပ်အင်အားကို တပ်ချုပ်က အသုံးပြုခွင့်ပေးထားတယ်လို့  သမ္မတရုံး ဒုတိယ ညွှန်ကြားရေးမှူးချုပ် ဦးဇော်ဌေးက သူ့ရဲ့လူမှုကွန်ရက် စာမျက်နှာမှာ ဖော်ပြထားပါတယ်။
တိုက်ခိုက်ခံရမှုမှာ ကျဆုံးခဲ့သူတွေနဲ့ ကျန်ရစ်သူ မိသားစုဝင်တွေအတွက်  ထိရောက်စွာ ထောက်ပံ့ကူညီဖို့ နိုင်ငံတော်ရဲ့အတိုင်ပင်ခံပုဂ္ဂိုလ်က ညွှန်ကြားထားကြောင်းလည်း သိရပါတယ်။
မောင်တောဖြစ်စဉ်ဖြစ်ပွားချိန်ဟာ ကုလသမဂ္ဂအထွေထွေ ညီလာခံမှာ  လူ့အခွင့်အရေးကိစ္စ တင်နေတဲ့ တတိယကော်မတီ အစည်းအဝေးစတင်ချိန်နဲ့ တိုက်ဆိုင်နေတယ်လို့ နိုင်ငံခြားရေးဒုဝန်ကြီး ဦးကျော်တင်က အောက် တိုဘာ ၉ ရက် သတင်းစာရှင်းလင်းပွဲမှာ ပြောကြားထားပါတယ်။
Photos & Source: 7Day Daily
Loading...