Breaking News


လေးလောင်းပြိုင်လူသတ်မှုနှင့် မေးခွန်း ထုတ်စရာဖြစ်နေသော ရဲတပ်ဖွဲ့၏စွမ်းဆောင်ရည်


Loading...

တစ်နိုင်ငံလုံးကို တုန်လှုပ်ချောက်ခြားစေခဲ့သည့် လူသတ်တရားခံများကတော့ မြန်မာနိုင်ငံရဲတပ်ဖွဲ့၏ စွမ်းဆောင်မှုကို စိတ်ကျေနပ်နေမည်ထင်ပါသည်။ အကြောင်းမှာလူမမည်ကလေးငယ်နှစ်ဦးအပါအ၀င် မိသားစုဝင်လေးဦးစလုံးကို ရက်စက်စွာသတ်ဖြတ်ခဲ့သည့် လူသတ်တရားခံများကို တစ်လခွဲနီးပါးရှိလာသည့်တိုင် မြန်မာနိုင်ငံရဲတပ်ဖွဲ့က စုံစမ်းမဖော်ထုတ်နိုင်သေးသောကြောင့် ဖြစ်ပါသည်။


သြဂုတ်လ ၂၀ ရက် နံနက်က မင်္ဂလာဒုံမြို့နယ် ပတ္တမြားမြို့သစ် တွင် ရဲအရာရှိဟောင်းတစ်ဦး၏ မိသားစုဝင်လေးဦးကို ဓားချက်ပေါင်း များစွာဖြင့် ရက်ရက်စက်စက် သတ်ဖြတ်ခဲ့မှုမှာ ၄၄ ရက်ရှိလာသည့် တိုင် မြန်မာနိုင်ငံရဲတပ်ဖွဲ့က စုံစမ်းမဖော်ထုတ်နိုင်သေးပါ။ မိသားစု ၀င်များအပါအ၀င် လူပေါင်းနှစ်ရာကျော်ကို ခေါ်ယူစစ်ဆေးခဲ့သော် လည်း၊ သံသယရှိသူသုံးဦး၏ ဓာတ်ပုံကို ထုတ်ပြန်၍ အလိုရှိကြောင်း ကြေညာခဲ့သော်လည်း ယနေ့အချိန်အထိ သဲလွန်စတစ်ခုမျှမရရှိသေး ကြောင်း အားပျက်ဖွယ်သိရှိရပါသည်။ ထို့ကြောင့် လူသတ်တရားခံ များအတွက်မူ ယခုအခြေအနေမှာ စိတ်ကျေနပ်ဖွယ်ဖြစ်နေပါလိမ့်မည်။

အမှုအခင်းကြီးအချို့တွင် တရားခံမဖော်ထုတ်နိုင်သည်မှာ အထူးအဆန်းတော့မဟုတ်ပါ။ လွန်ခဲ့သည့် ငါးလကျော်က ရန်ကုန်မြို့ ကြည့်မြင်တိုင်မြို့နယ်တွင် နေ့ခင်းကြောင်တောင်မှာပင် အသက် (၁၂) နှစ်အရွယ် မိန်းကလေးငယ်တစ်ဦးကို အမျိုးသားတစ်ဦးက ဓား ဖြင့်ထောက်ပြီး ဓားစာခံပြုလုပ်၍ ပြန်ပေးဆွဲခဲ့မှုမှာလည်း ယနေ့အချိန်အထိ တရားခံဖမ်းမိနိုင်ခြင်း မရှိသေးပါ။ အဆိုပါဖြစ်စဉ်တွင် တရားခံကို ရဲများအပါအ၀င် ပြည်သူများ မျက်မြင်တွေ့ရှိသူများစွာရှိခဲ့သော်လည်း၊ တရားခံ၏ဓာတ်ပုံကို ပြည်သူများသိရန်ထုတ်ပြန်၍ အလိုရှိကြောင်း ကြေညာခဲ့သော်လည်း ယနေ့အချိန်အထိ ဖမ်းဆီးနိုင်မှုမရှိသေးပေ။

ထိုကဲ့သို့ ပြစ်မှုကြီးအချို့တွင် တရားခံများ လွတ်မြောက်နေခြင်းမှာ ရဲတပ်ဖွဲ့အပေါ် ပြည်သူများ၏ အားကိုးယုံကြည်စိတ် လျော့နည်းစေပါ သည်။ မင်းမဲ့စရိုက်ဆန်ဆန် ပြစ်မှုများမှ တရားခံများ လွတ်မြောက်နေ ခြင်းကြောင့် ပြည်သူများ ကျောမလုံဘဲ တရားဥပဒေစိုးမိုးမှုကို ချည့်နဲ့ စေပါသည်။

မှုခင်းများ ပိုမိုဖြစ်ပွားလာခြင်းနှင့်အတူ ရဲတပ်ဖွဲ့က မှုခင်းများ လျော့ကျစေရန်၊ ရဲတပ်ဖွဲ့နှင့်ပြည်သူများအကြား ပူးပေါင်းဆောင်ရွက်မှု မြင့်မားလာစေရန် ကြိုးပမ်းနေမှုများကို အစိုးရသစ်လက်ထက် ထင် ထင်ရှားရှား တွေ့ရပါသည်။ ဥပမာ ရန်ကုန်မြို့တွင် မှုခင်းအဖြစ်များဆုံး မြို့နယ်များကို စီမံချက်ချ၍ မှုခင်းကျဆင်းစေရန် ရဲတပ်ဖွဲ့ဝင်များ အား ထုတ်နေမှုမှာ မြင်သာပါသည်။ သို့သော် အထက်တွင်ဆိုခဲ့သည့်အတိုင်း မှုခင်းကြီးအချို့မှ ပြစ်မှုကျူးလွန်သူများကို ဖော်ထုတ်မဖမ်းဆီးနိုင်ခြင်း မှာလည်း အခြေအနေမှန်ပင်ဖြစ်သည်။ မူးယစ်ဆေးသုံးစွဲမှု မြင့်တက် ခြင်းနှင့်အတူ မှုခင်းများ ပိုမိုဖြစ်ပွားလာသည်ဆိုသော်လည်း၊ ရဲတပ်ဖွဲ့နှင့် ပြည်သူအချိုးတွင် ရဲအရေအတွက် လွန်စွာနည်းပါးနေသည်ဆိုသော်လည်း မှုခင်းကြီးများမှ ပြစ်မှုကျူးလွန်သူအချို့ လွတ်မြောက်နေခြင်းမှာ ရဲတပ်ဖွဲ့၏ စွမ်းဆောင်ရည်အပေါ် မေးခွန်းထုတ်စရာ ဖြစ်နေပါသည်။

ယနေ့မြန်မာနိုင်ငံတွင် ကျင့်သုံးနေသော နိုင်ငံရေးစနစ်မှာ ဒီမိုကရေစီစနစ်ဖြစ်ပါသည်။ ဒီမိုကရေစီစနစ်တွင် နိုင်ငံသားတိုင်းသည် ပိုမိုလွတ်လပ်ခြင်းနှင့်အတူ တာဝန်ခံမှု၊ တာဝန်ယူမှုလည်း ပိုမိုရှိရန် လိုအပ်ပါသည်။ အာဏာရှင်စနစ်များတွင် အာဏာရှိသူများ၏ အလိုကိုသာ ဦးစားပေးဆောင်ရွက်ရသော်လည်း၊ ဒီမိုကရေစီစနစ်တွင် မူလအာဏာပိုင်များမှာ ပြည်သူများပင်ဖြစ်၍ ပြည်သူများအရေးအတွက် နိုင်ငံသားတိုင်း၊ အစိုးရ၀န်ထမ်းတိုင်းကဦးစားပေးဆောင်ရွက်ရန် တာဝန်ရှိပါသည်။ ထို့ကြောင့် မဖော်ထုတ်နိုင်သော ရာဇ၀တ်မှုများတွင် တာဝန်ယူထားသူ အဆင့်ဆင့်က ၎င်းတို့၏ မစွမ်းဆောင်နိုင်မှုအတွက် တာဝန်ခံမှု၊ တာဝန်ယူမှုရှိရန် လိုအပ်ပါသည်။ လေးလောင်းပြိုင် လူသတ်မှု၊ ကြည့်မြင်တိုင် ပြန်ပေးဆွဲမှုတို့ကဲ့သို့ မှုခင်းကြီးများတွင် ဖော်ထုတ်ရန် တာဝန်ရှိသောရဲများ မစွမ်းဆောင်နိုင်လျှင် စွမ်းနိုင်သူဖြင့်အစားထိုးခြင်း၊ တာဝန်ရှိရဲအရာရှိအချို့က မိမိတို့၏ မစွမ်းဆောင်နိုင်မှုအတွက် တာဝန်သိစွာ တာဝန်ခံခြင်းများရှိရန် လိုအပ်ပါသည်။ သို့မှသာ တာဝန်ယူမှု၊ တာဝန်ခံမှုပိုမိုရှိသော ယဉ်ကျေးမှုကို  ထွန်းကားစေလာမည် ဖြစ်ပါသည်။
7daydaily
Loading...