ကမ္ဘာ့အသက်အငယ်ဆုံး လေယာဉ်မှူးဖြစ်လာတဲ့ မိန်းမချောလေး

Loading...
_________________________________________________________

အသက် ၂၆ နှစ်အရွယ် ဗြိတိသျှသူ အချောအလှ လေယာဉ်မှူးမှာ ကမ္ဘာ့အသက်အငယ်အဆုံး လေယာဉ်မှူးဖြစ်လာကြောင်း easyJet လေကြောင်းလိုင်းက ပြောပါတယ်။ ငယ်ငယ်ရွယ်ရွယ်နဲ့ လေယာဉ်မှူးဖြစ်နေတဲ့ ကိတ်မက်ဝီလျံကို လေယာဉ်အမှုထမ်းတွေနဲ့ ခရီးသည်တွေက မကြာခဏဆိုသလို အသက်မေးမြန်းလေ့ရှိကြပြီး အံ့သြချီးကျူးခဲ့ကြတယ်လို့ ဆိုပါတယ်။


ကိတ်က အသက် ၁၃ နှစ်အရွယ်မှာကတည်းက လေယာဉ်စတင်မောင်းနှင်ခဲ့ပြီး သူမရဲ့ ၁၉ နှစ်ပြည် မွေးနေ့မှာ ဆောက်သမ်တန်ရှိ CTV Aviation လေယာဉ်မောင်းသင်တန်းကို တက်ရောက်ခဲ့ပါတယ်။ ၂၀၁၁ ခုနှစ်မှာတော့ ကိတ်ဟာ easyJet လေကြောင်းလိုင်းမှာ ပထမတန်းအရာရှိအဖြစ် စတင်လုပ်ကိုင်ခဲ့ပြီးနောက် ယခုအခါမှာ လေယာဉ်မှူးရာထူးကို ရရှိထားခဲ့ပြီ ဖြစ်ပါတယ်။


ကိတ်ဟာ ကမ္ဘာ့လေကြောင်းလိုင်းများအနက် အသက်အငယ်အဆုံး လေယာဉ်မှူးဖြစ်တယ်လို့ easyJet လေကြောင်းလိုင်း ပြောခွင့်ရပုဂ္ဂိုလ် အမျိုးသမီးက ပြောပါတယ်။


သူမရဲ့အသက်ကို မတွေးတောမိဘဲ လေယာဉ်မောင်းသင်တန်းတွေကို တက်ရောက်အောင်မြင်ခဲ့သလို လေကြောင်းလိုင်းရဲ့ တာဝန်တွေကို စွမ်းဆောင်နိုင်ခဲ့တာကြောင့် သူမအတွက် လေယာဉ်မှူးရာထူးဟာ အသက်အရွယ်နဲ့ မသက်ဆိုင်ကြောင်း သက်သေပြနိုင်ခဲ့တယ်လို့ ကိတ်က ဆိုပါတယ်။
Source & Photo: Metro
Duwun
Loading...