ပြည်တွင် အသက်(၅၀)ကျော် အမျိုးသားက (၄)နှစ်အရွယ် မိန်းကလေးကို အဓမ္မပြုကျင့်


_________________________________________________________

ပဲခူးတိုင်းဒေသကြီး ပြည် မြို့ ရွာဘဲရပ်ကွက်တွင် အသက် (၄)နှစ်အရွယ် မိန်းကလေးငယ် တစ်ဦးအားအဓမ္မပြုကျင့်မှုဖြင့် အ သက် (၅၆) နှစ်အရွယ် အမျိုးသား တစ်ဦးကို ဖမ်းဆီးအရေးယူထား ကြောင်း ပြည်ခရိုင်ရဲတပ်ဖွဲ့မှ သ တင်းရရှိသည်။

အဆိုပါ အမျိုးသားသည် အောက်တိုဘာ ၃ ရက်က ၎င်း၏ နေအိမ်တွင် ခေတ္တအပ်နှံထားခဲ့သည့် အသက် (၄) နှစ်အရွယ် မိန်းကလေးငယ်ကို ဓမ္မတာနှင့် ဆန့်ကျင်သော ကာမစပ်ယှက်မှု ပြုလုပ်ခြင်း၊ အဓမ္မပြုကျင့်ရန် ကြံစည်ခြင်းများ ပြုလုပ်ခဲ့ကြောင်း ပြည်ခရိုင်ရဲတပ်ဖွဲ့မှ ရဲအရာရှိတစ်ဦးက ပြောသည်။ ယင်းအမျိုးသားကို ဓမ္မတာ နှင့် ဆန့်ကျင်သော ကာမစပ်ယှက်မှုပြုလုပ်ခြင်းဖြင့် ရာဇသတ် ကြီးပုဒ်မ ၃၇၇၊ အဓမ္မပြုကျင့်ခြင်း ရာဇသတ်ကြီးပုဒ်မ ၃၇၆ နှင့် အဓမ္မပြုကျင့်ရန် ကြံစည်ခြင်းရာဇ သတ်ကြီးပုဒ်မ ၅၁၁ စသည့် ပုဒ်မသုံးခုဖြင့်အမှုဖွင့်ကာ ပြည်မြို့မ ရဲစခန်းတွင် ဖမ်းဆီးအရေးယူထားသည်။ ‘‘ကလေးရဲ့မိခင်ဖြစ်သူနဲ့ သားမယားပြုကျင့်တဲ့ အမျိုးသား က အရင်က လင်မယားတွေပါ။ လွန်ခဲ့တဲ့ ငါးနှစ်လောက်ကတရား ၀င် ကွာရှင်းထားတယ်။ အခု ကလေးက နောက်အိမ်ထောင်နဲ့ ရတဲ့ကလေးလို့ သိရတယ်။ မိခင် ဖြစ်သူနဲ့ ကလေးက နေ့ခင်း ၁  နာရီလောက်မှာ ဈေးဝယ်သွား တယ်။ လမ်းမှာကွာရှင်းထားတဲ့ ယောက်ျားနဲ့တွေ့တယ်။ နေက လည်း တအားပူနေတော့ ကလေး ကိုမခေါ်ချင်လို့ ခေတ္တအပ်နှံထားခဲ့ တယ်။ အချိန်လည်း သိပ်မကြာ ဘူး။ တစ်နာရီခွဲလောက်ပဲကြာ တယ်။ ပြန်ခေါ်တယ်လို့ သိရ တယ်။ အဲဒီအတောအတွင်းမှာ ဖြစ်သွားခဲ့တာလို့ သိရတယ်’’ဟု ရွာဘဲရပ်ကွက်အတွင်းနေထိုင်သူ တစ်ဦးကပြောသည်။

ပြီးခဲ့သည့် စက်တင်ဘာ ၂၇ ရက်ကလည်းပြည်မြို့ ၀က်ထီး ကန် တိုက်နယ်တွင် အသက်(၁၀) နှစ်အရွယ် ပဉ္စမတန်းကျောင်းသူ တစ်ဦးကို နေအိမ်သို့ဝင်ထွက်နေ သည့် ဆွေမျိုးနီးစပ်တော်သူက အဓမ္မအဖြစ် ပြုကျင့်၍ ကလေး ငယ်မှာ ဆေးရုံတက်ကုသမှုခံယူ ခဲ့ပြီး အဓမ္မပြုကျင့်သူကို အရေး ယူထားကြောင်းပြည်ခရိုင်ရဲတပ် ဖွဲ့မှ သတင်းရရှိသည်။

‘‘သက်ငယ်မုဒိမ်းတွေ သ တင်းကြားရရင် အတော်စိတ်မ ကောင်းဖြစ်မိတယ်။ သူတို့ခမျာ ဘာမှမသိရှာဘဲ ခံရတာ။ အသိ တရားမရှိ ကိုယ်ချင်းစာတရား မရှိဘဲ မသိနားမလည်တဲ့ ကလေး တွေကို မုဒိမ်းမှုကျူးလွန်ရင် ထိ ရောက်တဲ့ပြစ်ဒဏ် ချမှတ်ရမယ်။ အနည်းဆုံး ထောင်ဒဏ်တစ်သက် တော့ လုပ်သင့်တယ်။ အဲဒီလိုပြစ် ဒဏ်ချမှတ်မှာကိုလည်း အသိ တရားမရှိတဲ့သူတွေ သိအောင် အသိပညာပေးတဲ့အနေနဲ့ ဆိုင်း ဘုတ်တွေထောင်ပြီး ကြေညာပေး တာတို့၊ သက်ငယ် မုဒိမ်းကျင့်ပါက သေဒဏ်ချမှတ်ခံမည်တို့ စသဖြင့် တာဝန်ရှိသူတွေအနေနဲ့ ကျယ် ကျယ်ပြန့်ပြန့် ဆောင်ရွက်ပေးဖို့ လိုနေပြီ’’ ဟု ပြည်မြို့ဒေသခံ အမျိုးသမီးတစ်ဦးက ပြောသည်။
7daydaily