Breaking News


စီစီတီဗွီကင်မရာထဲမှာ စက်ဘီးစီးပြီး ပြေးနေတဲ့ အမျိုးသားတဦးကို ရဲတွေက သံသယနဲ့ ဖမ်းဆီးထားပါတယ်။


Loading...
ထိုင်းနိုင်ငံ ဘန်ကောက်မှာ အိမ်ယာမဲ့ ၃ ဦး ဆက်တိုက်အသတ်ခံရတာနဲ့ ပတ်သက်ပြီး သံသယနဲ့ မြန်မာ ၁ ဦးကို ဖမ်းဆီးလိုက်ပြီးနောက် ၃ ရက်အကြာမှာ ပုံစံတူ အသတ်ခံရတဲ့ အမျိုးသမီးအလောင်းကို ထပ်မံတွေ့ရတယ်လို့ မန်နေဂျာအွန်လိုင်းသတင်းမှာ ဖော်ပြပါတယ်။
အောက်တိုဘာ ၉ ရက် မွန်းလွဲ ၁ နာရီက ဘန်ကောက် ကျတူးကျတ်နယ်မြေ လတ်ဖလောဝ့်နဲ့ ဖဟွန်ရိုထင်းလမ်းဆုံ တံတားအောက်မှာ အလောင်းတလောင်း တွေ့ရှိကြောင်း ပြည်သူတွေက သတင်းပေးတဲ့အတွက် တာဝန်ရှိသူတွေနဲ့အတူ သွားရောက်စစ်ဆေးခဲ့တာလို့ ဖဟွန်ရိုထင်းနယ်မြေရဲစခန်း ရဲမှူး ၀ိထယကရစ်ကိုင်းက သတင်းထောက်တွေကို ပြောပါတယ်။
အလောင်းမှာ အသက် ၄၀ ကျော် အမျိုးသမီးတဦးဖြစ်ပြီး အနီရောင်အင်္ကျီ၊ အောက်ပိုင်းဗလာ၊ လက်နောက်ပြန်ကြိုးတုတ်ခံရကာ ခန္ဓာကိုယ်မှာ ချွန်မြတဲ့အရာနဲ့ ထိုးသွင်းခံရတဲ့ ဒဏ်ရာ ၅ ချက်၊ ဦးခေါင်းမှာ အရိုက်ခံထားရတဲ့ဒဏ်ရာရှိပြီး မှောက်ရက် သေဆုံးနေတာလို့ ရဲမှူးက ပြောပါတယ်။
အလောင်းနဲ့ မနီးမဝေးမှာ သွေးစတွေပေနေတဲ့ ၉ လက်မရှည် ဓားတချောင်းလည်း တွေ့ရပြီး အလောင်းမှာ အနံ့ထွက်နေပြီဖြစ်တဲ့အတွက် လွန်ခဲ့တဲ့ သုံးလေးရက်က သေဆုံးခဲ့ဟန်ရှိကြောင်း၊ အဓမ္မကျင့်ခံရခြင်းရှိမရှိကိုတော့ ဆက်လက်စစ်ဆေးသွားမယ်လို့ ဆိုပါတယ်။
အနီးနား နေထိုင်သူတို့ ပြောပြချက်အရ အဆိုပါအမျိုးသမီးဟာ အိမ်ယာမဲ့ အမှိုက်ကောက်သမားတဦးဖြစ်ပြီး တခါတရံ စိတ်မူမမှန်တဲ့ပုံစံ တွေ့ရကြောင်း၊ အမည်နဲ့ နိုင်ငံသားကိုတော့ မသိရသေးကြောင်း ဆိုပါတယ်။
ဘန်ကောက်အနီး ထွန်းပူရီမြို့နယ်တွင်း ပြီးခဲ့တဲ့ သီတင်းပတ်က လက်ပြန်ကြိုးတုတ်ခံရပြီး ထိုးသွင်းဒဏ်ရာတွေနဲ့ သေဆုံးနေတဲ့ အိမ်ယာမဲ့ အမှိုက်ကောက်သမား အမျိုးသား ၂ ဦး၊ အမျိုးသမီး ၁ ဦး ပေါင်း ၃ ဦးရဲ့ အလောင်းတွေကို နယ်မြေခံရဲတပ်ဖွဲ့မှ တွေ့ရှိခဲ့ပါတယ်။
အဆိုပါ လူသေမှုတွေနဲ့ပတ်သက်ပြီး စီစီတီဗွီကင်မရာထဲမှာ စက်ဘီးစီးပြီး ပြေးနေတဲ့ အမျိုးသားတဦးကို ရဲတွေက သံသယနဲ့ ဖမ်းဆီးထားပါတယ်။
အဖမ်းခံရသူဟာ မြန်မာပြည် မော်လမြိုင်မှ  ဂျင်မီ ဆိုသူ  အမျိုးသားတဦးဖြစ်ပြီး သူကတော့ လူသတ်မှုမှာ ပါဝင်ပတ်သက်မှုမရှိကြောင်း ငြင်းဆိုထားပါတယ်။
Loading...