မီးနီကိုကျွံလာတဲ့ ဆိုင်ကယ်ကို အသားအနာခံပြီး ရှေ့ကပိတ်ဖမ်းတဲ့ ယာဉ်ထိန်းရဲ နှင့် facebook ပေါ်မှ ရိုက်ခတ်သံ

_________________________________________________________


စက်တင်ဘာလ (၁၅)ရက်နေ့ ညနေ ၃ နာရီခွဲဝန်းကျင်က မန္တလေး 78 x 37 လမ်းထောင့် စန္တာမေ ဖက်ထုပ်ပေါင်းဆိုင်ရှေ့ မှာ ဖြစ်သွားတာပါ။ မီးနီကိုကျွံလာတဲ့ ဆိုင်ကယ်ကို လမ်းပြရဲ ( ကိုယ်ပိုင်အမှတ်3723)က အသား အနာခံပြီး ရှေ့က ပိတ်တားပြီးဆွဲလိုက်တာ ဝုန်းကနဲ ဆိုင်ကယ်ကော လူကော ရဲကော လမ်းပေါ်မှာ အတုန်းအရုန်းလဲသွားပါတယ်။

 ဆိုင်ကယ်စီးလာတဲ့ မိန်းကလေးက ဦးထုပ်ဆောင်းထားပေလို့ပေါ့ဗျာ။ သူအရှိန်နဲ့ဆို မတွေးဝံ့ပါ။ အသက် ၂၀ လောက် တက္ကသိုလ်ကျောင်းသူလေးထင်တယ်။ ဒါနဲ့လမ်းပေါ်လဲနေတဲ့ မိန်းကလေးကို ဆွဲမထူပဲ ဆိုင်ကယ်ကို တော့ မပြီးဘေးတွန်းလာတဲ့ရဲက ကလေးမလေးကို ငမဲငစ ငေါက်ငန်းနေသေးတယ်။ ဘေးကမနေနိုင်တဲ့သူကဝင်ရောက်လာပြီး ရဲနဲ့စကားအခြေအတင် စကားများတော့တာပါပဲ။ အဖြစ်အပျက်ကို ပုံမှာသာကြည့်ပါတော့။

မီးနီဖြတ်တာကိုတားတဲ့ရဲက ဆိုင်ကယ်ကို ဆွဲလိုက်တာ မှန်သလား။ တားလို့မရပ်ပေးရင် နံပါတ်မှတ်ပြီးအမှုတင်ပေါ့။ ခုဟာက အသက်အန္တရာယ်များတဲ့ ဖမ်းနည်း။ ပြည်သူကိုဆက်ဆံပုံ ကလဲ တော်တော်အချိုးမပြေတဲ့ ဝန်ထမ်း။ ဒါတွေကြောင့် ရဲတွေက ကူညီပါရစေလို့အော်နေရင်တောင် ပြည်သူက မယုံရဲ။ လေ့ကျင့်သင်ကြားပေးပါအုံးဗျာ။

Zau Seng
Loading...