မိုးတိမ်တောင်အန္တရာယ် သတိပြုဖို့ ဒေါက်တာထွန်းလွင် သတိပေး

_________________________________________________________

အနောက်တောင်မုတ်သုံလေက မြန်မာနိုင်ငံအလယ်ပိုင်းဒေသကနေ ဆုတ်ခွာနေပြီး မိုးကြိုးပစ်တာနဲ့လေပြင်းကျတာတွေ ဖြစ်ပေါ်နိုင်တဲ့ မိုးတိမ်တောင်အန္တရာယ် သတိပြုဖို့ မိုးလေ၀သပညာရှင် ဒေါက်တာထွန်းလွင်က သတိပေးထားတယ်လို့ သိရပါတယ်။
‘‘ဒီကာလက မိုးတိမ်တောင် သတိထားရမယ့်အချိန်၊ မုတ်သုံအဆုတ်မှာ ဘင်္ဂလားပင်လယ်အော်မှာ အထူးသဖြင့် အိန္ဒိယဘက်မှာပေါ့။ လေထုမငြိမ်မသက်ဖြစ်ပြီး တစ်ခါတစ်ရံမှာ မုန်တိုင်းဖြစ်လာနိုင်တယ်။ လောလောဆယ်တော့ မိုးတိမ်တောင်သတိ ထားရမယ်’’လို့ ဒေါက်တာထွန်းလွင်က ပြောပါတယ်။


အနောက်တောင်မုတ်သုံလေက မြန်မာနိုင်ငံအလယ်ပိုင်းကနေ တစ်ဆင့် စက်တင်ဘာ တတိယဆယ်ရက်အတွင်း မြန်မာနိုင်ငံ မြစ်ဝကျွန်းပေါ်ဒေသတွေနဲ့  စက်တင်ဘာလကုန်တွင် မြန်မာနိုင်ငံတောင်ပိုင်းဒေသတွေကနေ ဆုတ်ခွာနိုင်တယ်လို့ ဆိုပါတယ်။
လောလောဆယ်မှာတော့ အနောက်တောင်မုတ်သုံလေက မြောက်ပိုင်းဒေသတွေကနေ ဆုတ်ခွာလာပြီး လက်ရှိတွင် မြန်မာနိုင်ငံအလယ်ပိုင်းဒေသကိုရောက်ရှိကာ ဆက်လက်ဆုတ်ခွာနေတယ်လို့ ဒေါက်တာထွန်းလွင်က ပြောပါတယ်။
Source & Photo : 7DayDaily
Loading...