လှိုင်းဘွဲ့မြို့တွင် လူနှစ်ဦးကိုသတ်၍ ရွှေနှင့် ငွေသိန်း ၉၀ ကျော် ဓားမြတိုက်ခံရ


_________________________________________________________




မော်လမြိုင်၊ စက်တင်ဘာ ၆ ။ ။ ကရင်ပြည်နယ်၊ လှိုင်းဘွဲ့မြို့၊ တောင်ပလောင်ကျေးရွာရှိ စောမောင်ချဲနေအိမ်ကို စက်တင်ဘာ ၆ ရက်နေ့ နံနက် ၃ နာရီခန့်က အမျိုးသားငါးဦး ရောက်ရှိလာကာ အိပ်ပျော်နေသူနှစ်ဦးကို သတ်၍ ရွှေနှင့် ငွေ သိန်း ၉၀ ကျော်ကို ယူဆောင်သွားကြောင်း ကရင်ပြည်နယ်ရဲတပ်ဖွဲ့မှ တာဝန်ရှိသူတစ်ဦးက ဟင်္သာမီဒီယာသို့ ပြောကြားသည်။


အမည်မသိ အမျိုးသားငါးဦးသည် စောမောင်ချဲ နေအိမ်လှေကားမှနေ၍ “ဝိမောင်ချဲ မင်းတို့အားလုံး သတ်မယ်” ဟု ဆိုကာ နေအိမ်ပေါ်တက်လာစဉ် စောမောင်ချဲသည် နေအိမ်ပေါ်မှခုန်ချ ဆင်းပြေးခဲ့ရာ သေနတ်ဖြင့် လိုက်လံ ပစ်သတ်ခံခဲ့ပြီး နေအိမ်တွင် ပုန်းအောင်ကျန်နေသူ ဒေါ်တာကြည်ပိုး (ခ) အုန်းရင်၏ နဖူးထိပ်ကို သေနတ်နှင့် ပစ်သတ်ခဲ့ကြောင်း ကရင်ပြည်နယ် ရဲတပ်ဖွဲ့ထံမှ သိရသည်။


ထိုနောက် ကျန်ရှိသော မိသားစုထဲမှ ဒေါ်နောင်ဟီး၏ ဦခေါင်းကို ကြမ်းပြင်နှင့် ကိုင်ဆောင့် အိပ်ခန်းအတွင်း ထားရှိသော ငွေစက္ကူ ၃၅ သိန်းကျော်နှင့် ရွှေထည်ပစ္စည်း ၅၅ သိန်းကျော်တို့ကို ယူသွားကြောင်း ရဲစစ်ဆေးချက် မှတ်တမ်းအရ သိရသည်။

ဓါတ်ပုံ - ကရင်ပြည်နယ်ဘားအံမြို့တော် (facebook)

ခေတ်မင်း
Hinthar Media Corporation
https://www.facebook.com/hintharmediacorporation