Breaking News

ပရိသတ်တွေနဲ့ အနုပညာရှင်တွေရဲ့ အားပေးမှုတွေကို ရရှိသွားတဲ့ နီနီခင်ဇော်


Loading...



အသက်ကြီးကြီး အမျိုး သားတစ်ဦးနှင့် အဆိုတော် နီနီခင် ဇော်၏ စုံတွဲဓာတ်ပုံများ ဖေ့စ် ဘွတ်ခ်စာမျက်နှာတွင် ပျံ့နှံ့လာခဲ့ ပြီး နီနီခင်ဇော်၏ အိမ်ထောင်ရေး အခြေအနေနှင့်ပတ်သက်၍ ပရိ သတ်များအကြား အငြင်းပွားမှု များရှိခဲ့သော်လည်း ယင်းကိစ္စမှာ ဟုတ်မှန်ကြောင်း ကာယကရှင် နီနီခင်ဇော်က ထုတ်ဖော်ပြောကြားခဲ့ပြီးနောက် ပရိသတ်များနှင့် အနုပညာရှင်အများစုက နီနီခင်ဇော် ကို စာနာနားလည်ကြောင်း နှင့် အားပေးကြောင်း ဝိုင်းဝန်းပြောကြားခဲ့သည်။

‘‘ဒီပြဿနာက လွန်ခဲ့တဲ့ ရှစ် နှစ် နီနီ့ အသက် (၁၇)နှစ်မှာ ဖြစ် ခဲ့တဲ့ ပြဿနာလေးတွေပါ။ ဒီ ပြဿနာတွေအားလုံးပြီးဆုံးသွား တာလည်း ကြာပါပြီ။ အဲဒါလေး ကို ပရိသတ်ကို အသိပေးချင်ပါ တယ်။ နီနီ့ အသက် (၁၇)နှစ်၊ အခု နီနီက ပြီးခဲ့တဲ့ ၃၁ ရက်ကမှ (၂၅) နှစ်ပြည့်ထားတာဆိုတော့ လွန်ခဲ့ တဲ့ ရှစ်နှစ်ပေါ့။ အသက် (၁၇)နှစ် တုန်းက နီ့ဘဝမှာ အကြီးမားဆုံး လိမ်လည်မှုကြီးတစ်ခုကြောင့် ကံ ကြမ္မာဆိုးကို ကြုံတွေ့ခဲ့ရတယ်’’ ဟု အွန်လိုင်းတွင် ပျံ့နှံ့ခဲ့သည့်အ ကြောင်းအရာများနှင့်ပတ်သက်၍ Myanmar Celebrity ၏ အင်တာ ဗျူးတွင် နီနီခင်ဇော်က ဖြေကြားခဲ့ သည်။

အဆိုပါကိစ္စ စတင်ပျံ့နှံ့လာ ချိန်တွင် နီနီခင်ဇော်ကို ဝေဖန်မှု များရှိသော်လည်း ၎င်းဘက်မှ ပြန်လည်ဖြေရှင်းပြီးချိန်တွင်မူ ပရိ သတ်အများစုက နီနီခင်ဇော်၏ ဓာတ်ပုံများကို ပရိုဖိုင်များချိန်း၍ အားပေးခဲ့သည်။

ထို့အပြင် အနုပညာမောင် နှမများအပါအဝင် မိတ်ဆွေအ ပေါင်းအသင်းများကလည်း ၎င်း တို့၏ ဖေ့စ်ဘွတ်ခ်စာမျက်နှာများ တွင် နီနီခင်ဇော်ကို အားပေး ကြောင်း ရေးသားလာကြသည်။

နီနီခင်ဇော်နှင့် အရင်းနှီးဆုံး သူငယ်ချင်းတစ်ဦးဖြစ်သည့် မိစန္ဒီ က ၎င်း၏ ဖေ့စ်ဘွတ်ခ်စာမျက်နှာ တွင် ‘သူငယ်ချင်း အချင်းချင်းဆို ပေမယ့် အရင်ကတည်းက ကိုယ့် ထက်ပိုပြီး အလုပ်ကြိုးစားလို့၊ ကိုယ့်ထက်ပိုပြီး ရင့်ကျက်လို့ လေးစားတယ်.. ချစ်တယ်။ အခုတော့ သတ္တိရှိရှိ ပြဿနာတစ်ခုကို လိမ္မာ ပါးနပ်စွာ ရင်ဆိုင်ဖြေရှင်းရဲလို့ ပိုပြီး လေးစားတယ်.. ပိုပြီးချစ်သွား တယ်။ ကံကြမ္မာကို အန်တုပြီးကြိုးစားခဲ့တဲ့၊ ရဲရင့်တဲ့ မိန်းမတစ် ယောက် မိစန္ဒီလေးစားပြီး အား ကျရတဲ့ သူရဲကောင်းတွေထဲမှာ သူထိပ်ဆုံးကပါတယ်။ She is my bestfriend. She is my idol. I will always love her and support her. Never Give Up, baby. You are the best... ’’ဟု ရေးသားထားသည်။

ထို့အတူ နီနီခင်ဇော်၏ အ အောင်မြင်ဆုံး သီချင်းတစ်ပုဒ်ဖြစ် သည့် မျှော်လင့်ချက်တစ်စုံတစ်ရာ သီချင်းဖန်တီးရှင် ဆောင်းဦးလှိုင် ကလည်း ‘ဖြစ်ပျက်ခဲ့သမျှတွေကို ရဲဝံ့စွာ ရင်ဆိုင်ရင်း ပိုမိုမြင့်မားတဲ့ အောင်မြင်မှုတွေဆီ အရောက် သွားပါ.. ငါ့ညီမရေ.. အရွယ်နဲ့ မမျှအောင် ကြုံခဲ့လေတဲ့ လောက ဓံတွေကို အန်တုကျော်ဖြတ်လာခဲ့ တဲ့ ငါ့ညီမရဲ့ အတိတ်နေ့ရက်တွေ အကြောင်း မသိခဲ့ဖူးပေမယ့် စတင်အလုပ်တွေ လက်တွဲလုပ်ကတည်း က အစ်ကိုအကောင်းဆုံးကူညီ ဖေးမနိုင်ခဲ့သလို ဆက်လက်ပြီး လည်း အားပေးကူညီနေဦးမှာပါ။ ငါ့ညီမ အသံကြောင့် အစ်ကိုရခဲ့ ဖူးတဲ့ အစ်ကို့ဘဝရဲ့ တစ်ခုတည်း သော ဂီတနဲ့ပတ်သက်တဲ့ ဆုတံ ဆိပ်လေး အမှတ်တရတင်ပေး လိုက်ပါတယ်’’ဟု ရေးသား၍ ဆု တံဆိပ်တစ်ခု၏ ဓာတ်ပုံနှင့်အတူ ဖေ့စ်ဘွတ်ခ်တွင် ဖော်ပြ၍ အား ပေးခဲ့သည်။

စန္ဒီမြင့်လွင်ကလည်း ‘‘အခု လည်း နီနီ့ပရိသတ်၊ နောက်လည်း နီနီ့ပရိသတ် ထာဝရ နီနီ့ပရိသတ် ပဲ။ ဟိုးအရင် အဆိုတော်စလုပ် ကတည်းကလည်း သူ့ကို အရမ်း ကြိုက်ကြောင်း ပြောဖူးတယ်။ သူ့ ထက် အသက်ကြီးပေမယ့် သူ့ လောက်မရင့်ကျက်တာတော့ ဝန် ခံပါတယ်’’ဟု ဖေ့စ်ဘွတ်ခ်တွင် ရေးသား၍ အားပေးခဲ့သည်။

7day daily
Loading...