ပရိသတ်တွေ စိတ်ဝင်စားနေကြတဲ့ သဉ္ဇာနွယ်ဝင်းရဲ့ အချစ်ရေး

Loading...
_________________________________________________________


လူဖြစ်လာပြီဆိုရင် ဘယ်အချိန်မှာဘာဖြစ်မယ်။ ဘယ်အချိန်မှာ ဘာလုပ်ကိုလုပ်ရမယ်။ ဘယ်အချိန်မှာ ဘာတွေဖြစ်မလဲဆိုတာ ပါလာပြီးသားလေ


အနုပညာသက်တမ်း ၇ နှစ်ရှိလာပြီဖြစ်တဲ့ သဉ္ဖာနွယ်ဝင်းဟာ ပရိသတ်ပေးတဲ့နေရာတစ်ခုကို တစ်စထက်တစ်စ ရရှိပိုင်ဆိုင်လာပြီဖြစ်ပါတယ်။ အခုနောက်ပိုင်းမှာ သူမပါဝင်ရိုက်ကူးထားတဲ့ ဇာတ်ကားတော်တော်များများကိုလည်း ပရိသတ်တွေက ပိုမိုနှစ်သက်သဘောကျ အားပေးလာကြပါတယ်။ လက်ရှိမှာ အများစိတ်ပူနေသလို မဟုတ်ပဲ အေးအေးဆေးဆေးရှိနေသလို ကျန်းမာရေးကြောင့်သာ ရှေ့ရက်တွေက စိတ်ညစ်နေရတာပါလို့ပြောပြလာတဲ့ သဉ္ဖာနွယ်ဝင်းရဲ့စိတ်ခံစားချက်အချို့ကိုမေးမြန်းဖြစ်တဲ့အခါ

-အခုလက်ရှိ ဖေ့စ်ဘွတ်မှာ တင်ဖြစ်တဲ့ စာလေးတွေနဲ့ပတ်သက်ပြီး ပရိသတ်တော်တော်များများက သဉ္ဖာ့အချစ်ရေးကို စိတ်ဝင်စားနေကြတယ်။

အချစ်ရေးက မဖြေချင်ဘူး။ အစ်မ ….. ။ အားလုံးလဲသိနေပြီးသားဆိုတော့လေ …… ။

-ဒီရဲ့ အရှေ့ရက်တွေက စိတ်ညစ်နေတယ်လို့ကြားတယ်။ အဲ့ဒါက အချစ်ရေးကြောင့်လား။

အဲ့ဒါက သဉ္ဖာနေမကောင်းလို့ပါ။ မျက်စိစွံလို့လေ။ မျက်စိစွံတာကြောင့် ကားရိုက်ရတာလဲ အခက်အခဲဖြစ်တယ်။ ပြီးတော့လဲ ဘယ်နေ့ပျောက်မယ်မှန်းမသိတော့ ကားရိုက်ကဖျက်လို့လဲမရဘူး။ အဲ့ဒီအတွက်အားနာတယ်။ တခြားစိတ်ညစ်စရာတော့ ဘာမှမရှိပါဘူး။ မျက်စိစွံတယ် ဆိုတာကလဲ ဘာမှမဟုတ်တဲ့အကြောင်းအရာဖြစ်ပေမဲ့လဲ ကိုယ့်အလုပ်နဲ့ပတ်သက်နေတဲ့အခါကျတော့ နည်းနည်းစိတ်အနှောင့်အယှက်ဖြစ်ရတယ်။ မိုးတွင်းဆိုတော့ မိုးကလဲရှိသေးတယ်။ မျက်စိကလဲ စွံ၊ နေကလဲသိပ်မကောင်းဆိုတော့ စိတ်ညစ်ရလို့ပါ။ ကျန်တာကတော့ မရှိပါဘူး။ အချစ်ရေးကြောင့်လဲမဟုတ်ပါဘူး။ ကျန်းမာရေးမကောင်းလို့ပါ။

-မျက်စိစွံတာကရော ပျောက်သွားပြီလား။

မျက်စိစွံတာက ပျောက်သွားပါပြီ။ နေမကောင်းတာကတော့ ကျန်သေးတယ်အစ်မ။

-အခုလက်ရှိစိတ်ခံစားချက်က ပုံမှန်ပဲလား။ အရမ်းဝမ်းနည်းနေတာမျိုး၊ အရမ်းပျော်ရွှင်နေတာမျိုး ဖြစ်နေမလား။

အခုလက်ရှိမှာ အရမ်းပျော်နေပါတယ်။

-ဘယ်လိုအကြောင်းအရာမျိုးကြောင့် ပျော်ရွှင်နေတာလဲ။

အခုလောလောဆယ်က အစစအရာရာ အကုန်လုံးအဆင်ပြေနေတယ်။ အလုပ်ကိစ္စတွေရော၊ လူမှုရေးကိစ္စတွေရော အားလုံးအဆင်ပြေနေတဲ့အတွက်ပျော်တယ်။ ပြီးတော့ ပရိသတ်တွေကလဲ အခုနောက်ပိုင်းထွက်တဲ့ကားလေးတွေမှာ သဉ္ဖာ့ကို သဘောကျကြတယ်ပြောတော့ အဲ့ဒီအတွက်လဲပါတာပေါ့နော်။ အခုကတော့ ပျော်နေပါတယ်။

-ကိုယ်ကိုတိုင်က စိတ်ခံစားချက်ကို ဦးစားပေးတဲ့သူတစ်ယောက်လား။ ပုံမှန်လူတစ်ယောက်လား။

စိတ်ခံစားချက်ကိုဦးစားပေးတဲ့သူပါ။

-အဲ့ဒီလိုလူတစ်ယောက်ဖြစ်တဲ့အတွက် ကိုယ့်ခံစားချက်နဲ့ပတ်သက်ပြီး အားမလိုအားမရဖြစ်တာမျိုးတွေရော ရှိလား။

သဉ္ဖာကတော့ ကံကိုယုံတယ်အစ်မ။ လူဖြစ်လာပြီဆိုရင် ဘယ်အချိန်မှာဘာဖြစ်မယ်။ ဘယ်အချိန်မှာ ဘာလုပ်ကိုလုပ်ရမယ်။ ဘယ်အချိန်မှာ ဘာတွေဖြစ်မလဲဆိုတာ ပါလာပြီးသားလေ။ ကိုယ်ကောင်းအောင်လုပ်လို့ရတာမျိုးပဲရှိမယ်။ အဲ့ဒီတော့ ဖြစ်လာသမျှအရာအားလုံးကို သဉ္ဖာလက်ခံတယ်။ အားမလိုအားမရဖြစ်တာမျိုးတော့မရှိဘူး။ နောင်တရတာမျိုးလဲမရှိဘူး။ အစ်မ။

-ဘယ်လိုအချိန်မျိုးတွေမှာ မျက်ရည်ကျတာမျိုးရှိလဲ။

ဝမ်းနည်းတဲ့အခါမျိုး၊ စိတ်မကောင်းတဲ့အခါမျိုးတွေဆိုရင်တော့ မျက်ရည်ကျတတ်ပါတယ်။

-ကိုယ်ကိုတိုင်က စိတ်ဓာတ်မာကျောတဲ့သူလား။ ၀မ်းနည်းခံစားလွယ်တဲ့သူလား။

သဉ္ဖာက စိတ်အားပျော့တဲ့သူထဲမှာပါတယ်။ ဒါပေမဲ့ တစ်ခုရှိတာက သဉ္ဖာကနည်းနည်းပေတယ်။ ပေပြီး တင်းပြီးခံစားတတ်တယ်။

-အိမ်ကရော သဉ္ဖာ့ကို အရင်လိုစိတ်မချဖြစ်နေတုန်းပဲလား။ လွတ်လပ်ခွင့်ပေးတာမျိုးရော ရှိနေပြီလား။

အိမ်ကတော့ အမြဲနောက်ကနေ လိုက်ပေးနေတုန်းပဲ။ ဒါပေမဲ့အခုနောက်ပိုင်းကျတော့ တစ်ပတ်မှာတစ်ရက် အပြင်ပေးသွားတယ်။ တစ်ခါထွက်ရင် သုံးနာရီလောက်ပေါ့။ မုန့်ထွက်စားခွင့်ပေးတယ်။ အရင်ကထက်တော့ နည်းနည်းလေးအလျှော့ပေးလာတယ်ပေါ့။

-အိမ်ရဲ့စီးပွားရေးဖြစ်တဲ့ ရွှေဆိုင်မှာရော ဘယ်လိုမျိုးလေးပါဝင်ကူညီပေးဖြစ်လဲ။

သဉ္ဖာကကျတော့ အိမ်စီးပွားရေးကို ဘာမှသိပ်မလုပ်ပေးဖြစ်ဘူး။ ဒီဇိုင်းလေးတွေရွေးပေးတာလောက်ပဲ လုပ်ပေးဖြစ်တယ်။ ကျန်တာကတော့ သိပ်မလုပ်ပေးဖြစ်ဘူး။ ကိုယ်လဲသိပ်နားမလည်တဲ့အလုပ်တစ်ခုဖြစ်လို့ပါ။

-အခုမိုးတွင်းဆိုတော့ ရှုတင်မရှိတဲ့နားရက်တွေကို ဘယ်လိုကုန်ဆုံးဖြစ်လဲ။

မိုးတွင်း outdoor ထွက်ရိုက်ရင်အဆင်မပြေဘူး။ မိုးတွေကရွာတဲ့အခါစောင့်ရတယ်။ နားနားပြီးရိုက်ရတယ်။ အခုလိုမိုးတွင်းမျိုးအိမ်မှာနားရတဲ့ ရက်တွေဆိုပိုကောင်းတာပေါ့။

-အိမ်မှာပဲ အမြဲနေရတဲ့ သဉ္ဖာ့အတွက်မိုးရာသီနဲ့ပတ်သက်တဲ့ အမှတ်တရတွေရော ထူးထူးခြားခြားရှိဦးမလား။

မိုးရွာရင် သဉ္ဖာအိမ်မှာ ကော်ဖီသောက်တယ်။ စာအုပ်ဖတ်တယ်။ အိပ်တယ်။ ဒီလောက်ပါပဲ။

-သဉ္ဖာ့အားလပ်ချိန်တွေမှာရော ဘယ်လိုလေးကုန်ဆုံးဖြစ်လဲ။

ကားရိုက်မရှိရင် အိမ်မှာပဲ ကိုယ်လုပ်စရာရှိတဲ့အလုပ်လေးတွေလုပ်ဖြစ်တယ်။ မိုးရွာတော့ အိမ်မှာနေရတာတော့ပိုကြိုက်တယ်။ အပြင်လဲသိပ်မထွက်ဖြစ်ဘူးဆိုတော့လေ။ သဉ္ဖာအိမ်မှာနေရင် ဖေ့စ်ဘွတ်သုံးဖြစ်တယ်။ အဓိဌာန်ဝင်ဖြစ်တယ်။ ဘာသာရေးလေးတွေလဲလုပ်ဖြစ်ပါတယ်။

-သဉ္ဖာ့ကို အားပေးနေတဲ့ ပရိသတ်တွေကိုရော စကားလက်ဆောင်အနေနဲ့ဘာများပြောချင်သေးလဲ။

အခုနောက်ပိုင်းမှာ သဉ္ဖာ့ရဲ့ကြိုးစားမှုတွေကို သူတို့ကအားပေးတယ်။ ပြီးတော့ အဲ့ဒီမှာ သဉ္ဖာဘယ်လိုသရုပ်ဆောင်တာကောင်းတယ်ဆိုတာ ကွန်မန့်ဘောက်မှာလာပြောတယ်။ သဉ္ဖာ့လိုအပ်ချက်တွေကိုလဲ တဖြည်းဖြည်းသူတို့ပြောပြလို့သိရပြီးပြုပြင်ယူသွားဖြစ်တယ်။ အဲ့ဒ်ီလိုသဉ္ဖာ့ကို အကြံဥာဏ်ပေးပြီးပြောပြတဲ့အတွက်ကျေးဇူးအများကြီးတင်ပါတယ်။

Trend Myanmar
Loading...