Breaking News

မြန်မာနိုင်ငံနှင့် ရဲတပ်ဖွဲ့ ဖြေရမည့်စာမေးပွဲ


Loading...


မြန်မာနိုင်ငံရဲတပ်ဖွဲ့အတွက် အဓိကစာမေးပွဲကြီးနှစ်ခုဖြေဆိုရပါတော့မည်။ အဆိုပါစာမေးပွဲကြီး ကို အောင်မြင်စွာ ဖြေဆိုနိုင်ပါက ပြည်သူများ၏ ယုံကြည်လေးစားမှုများ တစ်ခဲနက်ရရှိမည်ဖြစ်သလို ကျရှုံးခဲ့ပါက ရဲတပ်ဖွဲ့၏ ပုံရိပ်ကိုမြှင့်တင်နိုင်မည့် အခွင့်အရေးကြီး ဆုံးရှုံးတော့မည်ဖြစ်သည်။
ယင်းမှာ ပြည်သူများ အံ့သြတုန်လှုပ် ချောက်ချားစေခဲ့သည့် ရက်စက်လှသည့် လူသတ်မှုများဖြစ်သော ရန်ကုန်မြို့ ပတ္တမြားမြို့ သစ်မှ လေးလောင်းပြိုင်လူသတ်မှုနှင့် တောင်ကြီးမြို့နယ် မိုင်းသော် အရှေ့ရွာမှ သုံးလောင်းပြိုင်လူသတ်မှုတို့ကို ကျူးလွန်ခဲ့သည့်တရားခံ များအား မြန်မာနိုင်ငံရဲတပ်ဖွဲ့က အမြန်ဖော်ထုတ်အရေးယူနိုင်၊ မယူ နိုင်ဆိုသောအချက်ပင်ဖြစ်ပါသည်။
ရက်တစ်ရာစီမံချက်၊ တရားဥပဒေစိုးမိုးရေး စသည့်ခေါင်းစဉ် များ ကျယ်ကျယ်လောင်လောင် ထွက်ပေါ်နေသည့် အစိုးရသစ်လက် ထက် ငါးလအတွင်း သြဂုတ် ၂၀ ရက်တွင် ရန်ကုန်မြို့၌ဖြစ်ပွားခဲ့သည့် လေးလောင်းပြိုင်လူသတ်မှုနှင့် သြဂုတ် ၁၉ ရက်က တောင်ကြီးမြို့ နယ်တွင်ဖြစ်ပွားခဲ့သည့် လူသတ်မှုများက အစိုးရသစ်၏ စွမ်းရည် မြန်မာနိုင်ငံ ရဲတပ်ဖွဲ့၏ စွမ်းရည်ကို အကဲစမ်းလိုက်ခြင်းလည်း ဖြစ်ပါသည်။
လူမဆန်စွာ ရက်ရက်စက်စက် လုပ်ကြံသတ်ဖြတ်မှုကြီး နှစ်ခု ကြောင့် ပြည်သူများကတော့ အားကိုးရာမဲ့ ခံစားရကာ ကျောမလုံ ဖြစ်နေကြပါသည်။ ထို့ကြောင့် ပြည်သူ့အစိုးရစစ်စစ် လက်ထက်တွင် ပုံရိပ်ကောင်းရန် ကြိုးပမ်းနေသော မြန်မာနိုင်ငံရဲတပ်ဖွဲ့အတွက် ယခု လူသတ်မှုကြီးနှစ်ခု၏ တရားခံများကို မြန်မြန်ဆန်ဆန် ဖမ်းဆီးအရေးယူ ပြရန် လိုအပ်နေသည်။ ၂၀၀၈ ခုနှစ် မတ်လကဖြစ်ပွားခဲ့သည့် စိမ်းလဲ့ ကန်သာလမ်းမှ ငါးလောင်းပြိုင် လူသတ်မှုတွင် တရားခံမပေါ်သည့် အခြေအနေမျိုး ထပ်မံကြုံတွေ့ပါက ရဲတပ်ဖွဲ့အပေါ် ပြည်သူများ၏ အားကိုးယုံကြည်မှုရရှိရန် အလွန်ခက်ခဲသွားတော့မည်ဖြစ်သည်။
မြန်မာနိုင်ငံ၏ မှုခင်းဖြစ်ပွားနှုန်းကိုကြည့်လျှင် စစ်အစိုးရလက်ထက် ၏ နောက်ဆုံးနှစ်ဖြစ်သော ၂၀၁၀ တွင် နိုင်ငံတစ်ဝန်း လူသတ်မှုပေါင်း ၇၉၀ ကျော်ရှိခဲ့သော်လည်း ဦးသိန်းစိန်အစိုးရ တက်လာသည့် ၂၀၁၁မှစ၍ ၂၀၁၅ အထိ လူသတ်မှုဖြစ်ပွားနှုန်း တိုးလာခဲ့သည်။ တစ်နှစ်လျှင် နိုင်ငံတစ်ဝန်း လူသတ်မှု ၁၃၀၀ ၀န်းကျင်ဖြစ်ပွားနေသည်။ တရားဥပဒေ စိုးမိုးမှုမှာလည်း အလွန်အားနည်းခဲ့သည့် အခြေအနေပင်ဖြစ်သည်။
အစိုးရသစ်လက်ထက်တွင် အခြားသော ၀န်ကြီးဌာနများနည်းတူ ပြည်ထဲရေးဝန်ကြီးဌာန လက်အောက်ရှိ မြန်မာနိုင်ငံရဲတပ်ဖွဲ့ကလည်း ရက်တစ်ရာစီမံချက်ချပြီး မှုခင်းကျဆင်းရေး၊ တရားဥပဒေစိုးမိုးရေးတို့ အတွက်ပိုမိုကြိုးစားလာခဲ့သည်မှာ အမှန်ပင်ဖြစ်သည်။ သို့သော်လည်း မြေပြင်အခြေအနေတွင် အမှုအခင်းများက ရှေ့ကသွားပြီး တရားဥပဒေစိုးမိုးရေးက နောက်မှလိုက်နေရသည့် အခြေအနေပင်ဖြစ်သည်။ မြန်မာနိုင်ငံ၏ စီးပွားရေးမြို့တော် ရန်ကုန်မြို့တွင်ပင် ဇန်န၀ါရီ ၁ ရက်မှ ဇူလိုင်လကုန်အထိ ခုနစ်လအတွင်း လူသတ်မှုပေါင်း ၁၂၀ ခန့်ဖြစ်ပွားခဲ့ပါသည်။ နိုင်ငံတစ်ဝန်း မှုခင်းဖြစ်ပွားမှုနှုန်းမှာ ယခင်နှင့်မခြား ရှိနေဆဲပင်ဖြစ်၏။
သို့သော် အစိုးရသစ်၏သက်တမ်း (၁၄၀) ၀န်းကျင်တွင်ရှေ့ဆင့်နောက် ဆင့်ပင်ပေါ်ပေါက်ခဲ့သည့် လေးလောင်းပြိုင်နှင့်သုံးလောင်းပြိုင် လူသတ်မှုကြီးနှစ်ခုကတော့ မြန်မာနိုင်ငံ၏ တရားဥပဒေစိုးမိုးမှု ကို ပေါ်တင်စိန်ခေါ် လိုက်ခြင်းပင်ဖြစ်သည်။ ရဲနှင့်ပြည်သူအချိုးမှာ ၁ အချိုး ၁၁၉၉ သာရှိ၍ ရဲတပ်ဖွဲ့ဝင်အင်အား နည်းသည်ဟုဆိုသော်လည်း၊ မူးယစ်ဆေးဝါးသုံးစွဲမှု မြင့်တက်လာခြင်းနှင့်အတူ မှုခင်းကျူးလွန်မှုများ ပိုများနေသည်ဆိုသော်လည်း ယခု လူသတ်မှုကြီးနှစ်ခုကို မြန်မာနိုင်ငံ ရဲတပ်ဖွဲ့က ခြွင်းချက်မရှိ အမြန်ဖော်ထုတ်အရေးယူပြရမည်ဖြစ်ပါသည်။ ထို့အတွက် အစိုးရအဖွဲ့သစ်သည်လည်း စီမံခန့်ခွဲမှုကောင်းမွန်ရန် လိုအပ်ပါသည်။ သို့သော် ယခုလောလောဆယ်တွင်တော့ လေးလောင်းပြိုင် လူသတ်မှုဖြစ်ပွားပြီး သုံးရက်ကြာသည့်တိုင် တရားခံများ စုံစမ်းစစ်ဆေးဖော်ထုတ်နေမှု၏ အခြေအနေများကို မြန်မာနိုင်ငံ ရဲတပ်ဖွဲ့က တရားဝင် သတင်းစာရှင်းလင်းပွဲပြုလုပ်ခြင်း၊ ထုတ်ပြန်ခြင်းမျိုး မရှိသေးပေ။
ပြည်သူများကတော့ ငါးလောင်းပြိုင် လူသတ်မှုကဲ့သို့ အခြေ အနေမျိုး ထပ်မံကြုံတွေ့ရမည်ကို စိုးရိမ်ပူပန်နေသည်။ ထို့ကြောင့် မြန်မာနိုင်ငံရဲတပ်ဖွဲ့က ယခုလူသတ်မှုကြီးနှစ်ခုကို အကြောင်းပြု၍မြန်မာနိုင်ငံရဲတပ်ဖွဲ့၏ ပုံရိပ်ကို မြှင့်တင်နိုင်မည်လား၊ ပုံရိပ်ကောင်းမြှင့်တင်နိုင်မည့် အခွင့်အရေးကို ဆုံးရှုံးခံရမည်လား ဆိုသည်ကရဲတပ်ဖွဲ့၏ စွမ်းဆောင်မှု အပေါ်တွင်သာ မူတည်နေပါသည်။
============
7Day News Journal
Loading...